Matiu 27:51 - Uwumbɔr aagbaŋ

⁵¹ N‑yoonn ngbaan, le likekeln li yakr Uwumbɔr aadiik ni nfum mulee na chuu kar paacham ki ti saa kitiŋ. Le kitiŋ deŋ, le ŋitakpasakpiin chuu war.

UWONBƆR A GBƆNPƆŊ LIKƆƆNL

⁵¹ Iyaayoo nmɔn le likinkenl lan ti jɔn iwonjiɛn niin n-yaa sisiigin bɔgir paab ki tan kpaa tum, le tum nan dam dam, le titangbapir wogir.

Matiu 27:51 ပူးပေါင်းရင်းမြစ်များ

2 Bibɔrb Aabɔr 3:14

Chain Chain Aapepel ni aakekeln nan ye ŋitanyaan aakekeln li bi di ŋitan ŋi ye nsiin, ni mbɔmbɔm, ni ŋimaman ŋa li na, le ki naan ifeen aawan ŋa li pu.

Ilahn 18:15

Buyoonn Uwumbɔr aaŋuul fii, aan u kae waadim ki ŋuun ke uchinn na, nnyunsakpem aataab nan doon nkuun, le kitiŋ aah baa nin chee na chuu piir waan.

Ilahn 18:7

Le kitiŋ dam ki deŋ; ŋijoo aah baa nin chee na dam ki jii, ba pu? Uwumbɔr aaŋuul le nan fii.

Nnyam 40:21

U nan di dakaa ngbaan siin Libool ngbaan ponn ni, ki di likekeln ngbaan mu di leen kiir. Waah ŋa pu na, le u kiir Nkaal Aadakaa ngbaan ke Uwumbɔr aah nan bui u pu na.

Aisaya 25:7

Nima chee le u ga kpaan nyan mpombiin mu bii ŋitimbol ngbaan mɔmɔk pu na.

Liifai Yaab 16:2

le Uwumbɔr len Moses chee ke, “Bui aakpel Aaronn ke u taa li koo Chain Chain Aapepel ni, nin chee likekeln gii Libool ngbaan ni na yɔl yɔl, see n‑yoonn mu u ga koo ni ponn ni na ti fuu, ba pu? nima chee le m bi ntaalangbam ni, Maakaal Aadakaa aabiil aapaacham. U yaa yii ki koo kan, u ga kpo.

Liifai Yaab 21:23

U mu aah kpa tiwon aaween na, u taa duun ni chain aakekeln li bi di gii Libool ni na, ki taa duun ni kitork aabimbiln mu chee. U taa bii chain aawan nee mɔmɔk, ba pu? Min le ye Uwumbɔr le ki ŋa tiwan ngbaan chain.”

Habakuk 3:10

Le ŋijoo kan si ki mur fenni. Nnyusakpem nyan ni paacham ki lir ni; le nnyun mu bi kitiŋ na puu mpɔɔn pu, le mu aanyunkpenn fii jon paacham.

Habakuk 3:13

Aa nan dan ke aa ti gaa saanib ni saah nyan ubɔr u na lii la. Aa nan kuln titunwanbir aatiŋ aayidaan, aa nan doo u kookoo la.

Nkahm 4:5

Uwumbɔr nan tuk Moses baah ga li tun lituln li na. “N‑yoonn mu ni ti ŋeer ke ni fii ki buen nibaa chee na kan, Aaronn ni ujapɔtiib koo Maabool ponn ni, ki chuu nyan likekeln li bi Uwumbɔr Aakaal Aadakaa chee na, ki di li biin Dakaa ngbaan pu.

Matiu 27:54

Butɔb aajab aaninkpel, ni binib bi bi u chee ki si kii Yesu na aah kan kitiŋ aah deŋ pu na, ki kan tiwan nimɔk ŋa na, le ijawaan chuu bi sakpen. Le bi bui ke, “Mbamɔn, u sil ye Uwumbɔr Aajapɔɔn la.”

Matiu 28:2

Le kitiŋ deŋ sakpen; ba pu? Uwumbɔr aatuun ubaa nan nyan ni paacham, le ki nan chuu lekr litakpal ngbaan, le ki kal li pu.

Tibɔnyaan ti Mak ŋmee ti na 15:38

Le likekeln li yakr Uwumbɔr aadiik ni nfum mulee na, chuu kar paacham ki ti saa kitiŋ.

Tibɔnyaan ti Luk ŋmee ti na 23:45

Nwiin aa ki wiin. Le likekeln li yakr Uwumbɔr aadiik ni nfum mulee na chuu kar paacham, ki ti saa kitiŋ.

Tibɔnyaan ti Luk ŋmee ti na 23:47

Tɔ, butɔb aajab aaninkpel aah kan naah ŋa pu na, le u nyuŋ Uwumbɔr, le ki bui ke, “Uja ngbaan sil ye uninyaan la.”

Hiibru Yaab 6:19

Taah kpa limakl ngbaan na, nima le joo timi aasui ke ti taa di cha waasan. Yesu pu, le ti kpa limakl ngbaan. Limakl ngbaan pu, le Yesu u bi paacham na aalandak bi tisui ni.

Hiibru Yaab 9:3

Bi nan di likekeln gii libool ngbaan ponn ni lipepel libaa wɔb, ki yin li ke chain chain.

Tibɔkpiirkaan 11:13

N‑yoonn ngbaan le kitiŋ deŋ pam. Le kitisakpeŋ ngbaan aadir ligeln kipiik lir kitiŋ. Kitiŋ aah deŋ pu na le ni ku binib ŋichur ŋilole. Binib bi gur kaa kpo na, ijawaan chuu bi sakpen, le bi nyuŋ Uwumbɔr u bi paacham na.

Tibɔkpiirkaan 11:19

Tɔ, le bi chuu piir Uwumbɔr aadiik ki bi paacham na. Le m kan Uwumbɔr aakaal aadakaa si waadiik ponn ni. Le utaal moor, le kifuuk faa, le utaal tar, le kitiŋ deŋ, le utaal nu ŋitaatakpabil sakpiin.