Matiu 27:30 - Uwumbɔr aagbaŋ

³⁰ le ki teei timɔɔtan lɔe u, le ki gaa lidabil ngbaan ki di faa uyil paab.

UWONBƆR A GBƆNPƆŊ LIKƆƆNL

³⁰ Ki piin ki siin timɔsann jaar u bu, le ki ga kijaangbiɛg kan wee bi bi ta ŋubin win ki ta fa fa u yul.

Matiu 27:30 ပူးပေါင်းရင်းမြစ်များ

Aisaya 49:7

Israel yaab Aawumbɔr u bi chain, ki gaal bi lir na bui baah lik unii u fam na, aan ŋinibol mɔmɔk yii u, aan u ye bitinjoob aanaagbiija na ke: “Bibɔrb ga kan ke aa nyan saamuk ni le ki ga fii sil ki tii si kipak; Kitiŋ aajojoob mu ga kan kina, le ki gbaan kitiŋ ki nyuŋ si.” Uwumbɔr aah lee waatutunn pu na le ga cha kina ŋa; Israel yaab Aawumbɔr u bi chain na joo waah puu tipuur ti na la.

Aisaya 50:6

M di mpuwɔb tii binib bi gbaa mi na. Maa nan bui binib bi seei mi ki dar gui maalangbaln aakor ki teei timɔɔtan lɔi mi na ke bi di cha.

Aisaya 52:14

Lijinjiir nan chuu binib bi nan kan u na; u nan char char, kaa ti ki naahn unibɔn.

Aisaya 53:3

Ti lik u fam ki yii u; u nan kan falaa ni iween. Ubaa aa ban ke u lik kan u, ti suln ubɔr ke waah kaa ye nibaa le na.

Aisaya 53:7

Bi nan ŋa u mbiin pam, le u gaa ni mɔmɔk suuna; waa nan waar umɔb ki len tibaa. U nan ŋmin ke baah ban bi kɔr upihbo kan, u ŋmin pu na la, ki naahn ke baah ban bi chee upiih aakokor kan, u ŋmin pu na, waa nan waar umɔb ki len tibaa.

Maika 5:1

Jerusalem aanib, kuun nimi aajab man. Bi loon timi a. Bi bi tak Israel aayidaan la.

Matiu 26:67

Le bi teei timɔɔtan ŋa unimbil wɔb, le ki gbaa u. Bibaa mu gbaa u ntapam,

Tibɔnyaan ti Mak ŋmee ti na 10:34

Le bi ga yook mi, ki teei timɔɔtan ŋa m pu, ki lue mi ŋinaalab, le ki nin ku mi. Iwiin itaa daal le m ga fikr nkun ni.”

Tibɔnyaan ti Mak ŋmee ti na 14:65

Le bi ponn ni bibaa piin ki bi teei timɔɔtan ŋani u pu, le ki di likekeln poo unimbil, ki gbaa u, ki baa u ke, “Ulau faa si?” Bikikiirb ngbaan mu nan gaa u ki gbaa u.

Tibɔnyaan ti Mak ŋmee ti na 15:19

ki joo lidabil gbaa uyil paab, le ki teei timɔɔtan lɔe u, ki gbaan unimbiin ni ki doon u.