Matiu 27:18 - Uwumbɔr aagbaŋ

¹⁸ Pailat nan bee ke bi kpa lipiipoln Yesu pu, nima le cha bi di u ŋa uŋaal ni.

UWONBƆR A GBƆNPƆŊ LIKƆƆNL

¹⁸ Nan bu-n Palati nan nyi naah ye linunchɔril bu le bi choo Yisa ki nan ŋa u nɔɔn.

Matiu 27:18 ပူးပေါင်းရင်းမြစ်များ

Mpiin 37:11

Le Josef aakpetiib nan kpa lipiipoln u pu; ute ma nan bi dakl tibɔr ngbaan pu n‑yoonn mɔmɔk.

Ilahn 106:16

Nteersakpiin ngbaan ni le bi nan kpa lipiipoln Moses ni Aaronn u Uwumbɔr nan lee u na pu,

Ŋiyataŋak 27:4

Liŋuul aa ŋan ki ki ŋmaa bii tiwan mu, ki mu aa ŋmaa bii tiwan ki ti pii lipiipoln aah ga bii tiwan pu na.

Ulandaan 4:4

M nan ki bee naah ŋa pu aan binib nyani kitotoŋ sakpen ke bi li kpa na; nima le ye ke bi kpa biŋeen aatɔtiib pu lipiipoln. Tɔ, ni mu ye fam la. Ni bi ke unii aah san dii libuln pu na la.

Aisaya 26:11

Saadim aa nyi ke aa ga daa bitafal. Uwumbɔr, jinn bi inimɔɔn ki cha bi ji falaa; cha bi kan ntafadaan mu aa siin bi na. Mɔk bi saah gee saanib sakpen pu na.

Matiu 27:17

Kinipaak aah kuun na, le Pailat baa bi, “Ni ban m nyan ŋma kiyondiik ni? Barabas le aan Yesu u bi yin u ke Kristo ngbaan na?”

Matiu 27:19

Buyoonn u bi ji Yesu tibɔr na, Pailat aapuu nan di unii tun ni, ke u li nyi ki taa ŋa uja nyaan ngbaan nibaa; ke uja ngbaan pu, u daŋ tidaŋ ti muk u sakpen na kinyeek na.

Tibɔnyaan ti Mak ŋmee ti na 15:10

Pailat bee ke Uwumbɔr aatotoorninkpiib kpa lipiipoln Yesu pu, nima le cha bi di u ŋa uŋaal ni.

Lituln 13:45

Juu yaab aah kan kinipaak ngbaan kuun kina na, le bi kpa lipiipoln sakpen, ki kpak Pɔɔl kinikpakpak, ki seei u.

Lituln 5:17

Le Uwumbɔr aatotoorninkpel, ni binib bimɔk dii u ki nan ye Sajusii yaab na, nan kpa lipiipoln Yesu aakpambalb pu,

Lituln 7:9

“Le Jakob aajapɔtiib nan kpa lipiipoln binaal Josef pu, ki di u kooh binib pu, u li ye unaagbiija kitiŋ kibaa ponn ni, bi yin ki ke Ijipt. Le Uwumbɔr mu nan bi u chee,

Jemisi 4:5

Uwumbɔr Aagbaŋ len ke, “Unii yaa joo waawiin dooni tiwan ki cha Uwumbɔr kan, Uwumbɔr kpa lipiipoln sakpen a.” Ni dak ke ni len kina fam la aa?