Matiu 26:33 - Uwumbɔr aagbaŋ

³³ Le Piita bui u, “Bi mɔmɔk yaa san ki cha si kan, mma aan san cha si.”

UWONBƆR A GBƆNPƆŊ LIKƆƆNL

³³ Le Piita jiin ke, “Hali ni ye bi biɛn guun ki jiɛn niŋ ke, min kaa li ŋa man ni.”

Matiu 26:33 ပူးပေါင်းရင်းမြစ်များ

Ilahn 17:5

M chuun saasan ponn ni le n‑yoonn mɔmɔk, kaa kee yenn mu ni.

Ŋiyataŋak 20:6

Unii mɔmɔk len waah si chob ki ŋani tiwan mɔmɔk aah mɔk pu na la, tɔ, saan ŋmaa kan kina aanii.

Jeremia 17:9

Ŋma ga ŋmaa bee unibɔn aasui? Tiwan nibaa aa bi ki ŋmaa ŋmanni ke unibɔn aasui na; ubaa aan ŋmaa bee mu aah bii sakpen pu na.

Matiu 26:32

Buyoonn Uwumbɔr ga fikr mi nkun ni na, le m ga loln ni pu nsan ki buen Galilee aatiŋ ni.”

Matiu 26:34

Le Yesu bui u, “M tuk si mbamɔn la, kinyeek kimina, aa ga len nfum mutaa ke saa nyi mi le ukooja nin wii.”

Tibɔnyaan ti Mak ŋmee ti na 14:29

Le Piita bui u, “Bi mɔmɔk yaa san ki cha si kan, mma aan san cha si.”

Tibɔnyaan ti Luk ŋmee ti na 22:33

Le Piita bui u, “Ndindaan, m ga ŋmaa kpaan aa chee kiyondiik ni. M ni si ga ŋmaa kpaan ki kpo.”

Jɔnn 21:15

Baah jin tijikaar ngbaan doo na, le Yesu baa Simonn Piita, “Simonn, Jɔnn aajapɔɔn, aa gee mi ki jer tiwan nimina aa?” Le u bui u, “Ndindaan, een, aa nyi ke m gee si.” Le Yesu bui u, “Kpiin maapihbi,”

Rom Yaab 12:10

Ni li gee tɔb mbamɔm, ke mmaalbaan ni aanib aah gee tɔb pu na, ki li pak biken ki jer nibaa.

Filipi 2:3

Ni taa li kpa lipiipoln tɔb pu, ki taa li ban ke binib li pak nimi. Ni sunn nibaa taab man, ki li nyuŋni tɔb ki jer nibaa.