Matiu 26:3 - Uwumbɔr aagbaŋ

³ Tɔ, n‑yoonn ngbaan le Uwumbɔr aatotoorninkpiib ni Juu yaab aaninkpiib nan kuun Uwumbɔr aatotoorninkpel Kayafas aachiln ni,

UWONBƆR A GBƆNPƆŊ LIKƆƆNL

³ Iyaayoo nmɔn le kumanug a yudam nin Juu yaab a ninkpeeb lagin tab kumanug a yudam a ninkpelu, wan a yinl ye Kayafasi a niin,

Matiu 26:3 ပူးပေါင်းရင်းမြစ်များ

Ilahn 56:6

Bi kuuni tɔb le ki bɔrni ki lik maah ŋani tiwan ni mɔmɔk na, ki mak ke bi ku mi.

Jeremia 11:19

M nan bi ke upihbo u kii udindaan aamɔb aan bi joo u cha bi ti ku u pu na la, le kaa nan nyi ke min pu le bi bi kpokl tibɔbir. Bi nan bi len le ke, “Cha ti gaa busub ngbaan lii, buyoonn bu laa soon na, cha ti ku u aan ubaa taa ki teer ubɔr.”

Jeremia 17:27

See bi kii maamɔb, ki joo Likpaakool daal ke mu ye nwinyaan daal. Bi taa tu lituln libaa ki di dii Jerusalem aabisamɔi nwiin ngbaan daal; bi yaa ŋa kina kan, m ga see Jerusalem aabisamɔi mmii. Le mmii wu Jerusalem aabɔrchiln, le ubaa aan ŋmaa junn mu.”

Matiu 26:69

Piita nan ka lichiln ni. Le usapɔɔn u ye ututunn na dan nan bui u, “Aa mu nan bi Yesu u ye Galilee aatiŋ aanii na chee.”

Matiu 27:27

Butɔb aajab ngbaan nan di Yesu koo Pailat aadichal ni, le ki kuun ni bijab bi gur na ki nan gob u.

Tibɔnyaan ti Mak ŋmee ti na 14:54

Le Piita paa Yesu pu, ki bi dandar, le ki ti fuu Uwumbɔr aatotoorninkpel aachiln ni, ki koo, ki ti kal bikikiirb chee wol mmii.

Tibɔnyaan ti Mak ŋmee ti na 14:66

Piita aah nan bi lichiln ngbaan ni na, le Uwumbɔr aatotoorninkpel aanaagbiipii ubaa dan

Tibɔnyaan ti Mak ŋmee ti na 15:16

Le butɔb aajab ngbaan di u buen Pailat aachiln ni, ki yin bijab biken ke bi kuun ni.

Tibɔnyaan ti Luk ŋmee ti na 22:55

Le bi tuur mmii lichiln ngbaan ni, ki ka gob mu. Piita mu nan ti kal bi chee ki ka bikaasisik ni.

Tibɔnyaan ti Luk ŋmee ti na 3:2

aan Anas ni Kayafas mu ye Uwumbɔr aatotoorninkpiib na, n‑yoonn ngbaan le Jɔnn u ye Sekaria aajapɔɔn na nan bi nteersakpiin ni. Le Uwumbɔr len u chee tibɔr nima.

Jɔnn 11:57

Le Uwumbɔr aatotoorninkpiib ni Farisii yaab nan bui bi ke unii ubaa yaa nyi waah bi nin chee na kan, u mɔk bi, aan bi buen ti chuu u.

Jɔnn 18:24

Le Anas di Yesu tun Kayafas u ye Uwumbɔr aatotoorninkpel na chee. Tikululn beenin buu uŋaal.

Jɔnn 18:28

Le bi di Yesu nyan Kayafas aadichal ni, ki di u buen kitiŋ ngbaan aaninkpel aadichal ni, bi yin u ke Pailat. Ni nan ye lichakpitaawoln la. Juu yaab aaninkpiib nan ban ke bi li bi chain ki ji Lakr‑jer aajim, nima le baa nan koo ni lidichal ngbaan ni.