Matiu 24:6 - Uwumbɔr aagbaŋ

⁶ Ni ga ŋun ke binib to butɔb kɔnkɔni do, ni dandar mu. Ni taa cha ni li muk nimi man. Uwumbɔr le siin ke nimina mɔmɔk ga ŋa. Nima le aan mɔk ke dulnyaa wee ga doo libuul ngbaan ni.

UWONBƆR A GBƆNPƆŊ LIKƆƆNL

⁶ Ni na li gbir bitɔb a fur nin bitɔb a bɔr, amaa ni laa jeeli, ni kpaa le ke ni niɛ nan biɛn n tun, amaa naa wɔɔn ke dulinya a diɛm le yen ni.

Matiu 24:6 ပူးပေါင်းရင်းမြစ်များ

Ilahn 112:7

Bi yaa tuk u nsuubiin aabɔr kan, naa chur u ijawaan; u kpa gaakii u pɔɔ na, le ki kpa Uwumbɔr pu limakl.

Aisaya 12:2

Uwumbɔr le ye maagaaliidaan; m ga tii u naadii kaan san ijawaan. Uwumbɔr tii mi mpɔɔn; uma le ye maagaaliidaan.

Aisaya 7:4

Bui u ke u chuu ubaa suuna, ki gor ki li kii, ki taa li san ijawaan aan ki taa cha ni li muk u. Ubɔrkpaan Resinn ni waanib Siria yaab ni ubɔrkpaan Peka aa bir ki pii ŋimiidatul ŋi kaa gaal na aamii.

Jeremia 47:6

Ni wii ke, ‘Uwumbɔr aajaak aajuk, saan di cha timi ii? Gir koo saajufuuk ni, ki ti li bi nima ki fuur.’

Esekiel 21:28

“Unibɔn, nabr maabɔr. Moon min Aadindaan Uwumbɔr aah bi tuk Amonn yaab bi bi seei Israel aatiŋ na. Bui bi ke: ‘Kijaak aajuk gor ke ki kuln nimi; Bi duun ki chain ke ki ku la, le ki moor lak lak.

Matiu 2:3

Ubɔr Herod, ni Jerusalem aatiŋ aanib mɔmɔk aah ŋun tibɔr ngbaan na, le ti muk bi.

Matiu 24:14

Bi ga moon Uwumbɔr aanaan aabɔnyaan tee itingbaan kookoo ni waahr, aan ŋinibol mɔmɔk ŋun, le dulnyaa ga nin doo.”

Matiu 26:54

M mu yaa ŋa kina kan, maan gbiin Uwumbɔr Aagbaŋ aah len pu na ke m ga ji falaa u choo na.”

Tibɔnyaan ti Luk ŋmee ti na 21:19

Ni yaa ji limɔr falaa mɔmɔk ponn ni kan, ni ga kan limɔfal li kaa kpa ndoon na.”

Tibɔnyaan ti Luk ŋmee ti na 21:9

Ni yaa ŋun ke ntim mubaa aanib to tɔb butɔb, aan ntim muken aanib kpa tibɔr kan, ni taa san ijawaan man. Uwumbɔr le siin ke nimina mɔmɔk ga ŋa. Nima le aan mɔk ke dulnyaa wee ga doo libuul ngbaan ni.

Tibɔnyaan ti Luk ŋmee ti na 22:37

M tuk nimi la, ni ŋmee Uwumbɔr Aagbaŋ ponn ni ke bi ga ŋa mi ke baah ŋani titunwanbirdam pu na. Le bi ga sil ŋa mi kina. Baah nan ŋmee maabɔr pu na, ni mɔmɔk bi gbiini la.”

Jɔnn 14:1

“Ni taa cha ilandak li muk nimi. Ni gaa Uwumbɔr ki kii man, ki gaa m mu ki kii man.

Jɔnn 14:27

“M tii nimi nsuudoon la. Maah kpa nsuudoon pu na, kina le m tii nimi. Dulnyaa aawan aa ŋmaa tii nimi nsuudoon ke maah tii nimi pu na. Ni taa cha ilandak li muk nimi, ki taa san ijawaan man.

2 Tesalonika 2:2

Bi yaa len ke Tidindaan aawiindaal fuu ni kan, ti gaŋ nimi ke ni taa cha nipobil yuk, ki taa cha ni li muk nimi. Nibaakan, bi ga bui ke Uwumbɔr Aafuur Nyaan mɔk bi kina la, nibaakan, bi ga bui ke ti ŋmee kigbaŋ ki len kina la.

Tibɔkpiirkaan 6:4

Le utaman mu fuu ni. Bi nan tii unii u dik utaman ngbaan pu na kijaak aajuk sakpeŋ, le Uwumbɔr tii u mpɔɔn ke u cha dulnyaa aanib to butɔb ki ku tɔb.