Matiu 24:29 - Uwumbɔr aagbaŋ

²⁹ “N‑yoonn ngbaan aafalaa aapuwɔb, le paacham aawan aan ki li bi mbamɔm. Nwiin ga bɔln. Uŋmal mu aan ki li wiin. Iŋmabi mu ga lir.

UWONBƆR A GBƆNPƆŊ LIKƆƆNL

²⁹ “Libol lan wee bi na yin kan limugilin a bɔɔn, ‘Nween li bɔŋ, le uŋmal kaa ji li ween ni, le iŋmabil na li nya kitilangbɔŋin ki lunn, le nan be paab biɛn na li dam dam.’

Matiu 24:29 ပူးပေါင်းရင်းမြစ်များ

Ulandaan 12:2

N‑yoonn ngbaan le nwiin, ni uŋmal, ni iŋmabi aan ki li wiihn aa chee. Utaal aataalangbam mu ga ki gir ni ki ŋa mbɔmbɔɔn.

Aisaya 13:10

Iŋmabi mɔmɔk aan ki li wiin, le nwiin ga bɔln kaan ki li wiin, le uŋmal mu aan ki li wiin.

Aisaya 24:23

Uŋmal ga bɔnn, le nwiin aan ki li wiin; ba pu? Uwumbɔr Mpɔɔnsakpiindaan ga ŋa ubɔrkpaan. U ga li ye Jerusalem u bi Sionn aajool pu na aabɔr, le binib ngbaan aaninkpiib ga kan waah nyuun sakpen pu na.

Aisaya 34:4

Nwiin, ni uŋmal, ni iŋmabi mɔmɔk ga ker lir ni kitiŋ ki kpaln titan. Kitaapaak ga kpab buen ke baah kpab nkan pu na, le iŋmabi ker lir ni ke ŋikakan aafar ti kuur na aah ker lir ni kitiŋ pu na.

Joel 2:10

I yaa choo kan, kitiŋ deŋni la, le kitaapaak jii. Nwiin ni uŋmal mɔmɔk bɔnn chirm, le iŋmabi aa ki wiin.

Joel 3:15

Nwiin ni uŋmal ga bɔln, le iŋmabi aan ki li wiin.

Amos 5:20

Uwumbɔr aawiin ngbaan daal ga joo ni libɔmbɔln ŋmeen la, naan li ye nwiihn; mu ga li ye nwiin mu bɔɔn timm kaan li wiin kpala na la.

Amos 8:9

N‑yoonn choo le nwiin ga lir liwinjakal pu, le dulnyaa bɔnn liwiyil pu. Min Nidindaan Uwumbɔr le len kina.

Matiu 24:21

N‑yoonn ngbaan binib ga ji falaa pam. Buyoonn Uwumbɔr nan naan dulnyaa wee ki nan saa dandana wee na, baa kee jin falaa ngbaan aaboln, ki mu aan ki ji falaa kina.

Matiu 24:8

Nimina mɔmɔk le ga li ye njan aafalaa.

2 Piita 3:10

Tidindaan aawiindaal ga fuu ni ke unaayuk aah fuur ni pu na la. Liyaadaal ngbaan le paacham ga faa kifuuk sakpen ki jer. Mmii mu ton sakpen na ga donn paacham aawan mɔmɔk. Kitiŋ, ni tiwan nimɔk bi kitiŋ pu na mu ga gaa mmii.

Tibɔkpiirkaan 8:12

Le Uwumbɔr aatuun nanar mu pii waakakaan. Le nwiin ligetatar chuu gii ki bɔln. Uŋmal ligetatar, ni iŋmabi ligetatar mu chuu gii ki bɔln. Le nwiin ligetatar aa wiin. Kinyeek ligetatar mu aa wiin.