Matiu 24:27 - Uwumbɔr aagbaŋ

²⁷ Min Unibɔn Aabo yaa gir ni kan, ni ga li bi ke utaal aah moor liwipuul ki cha liwilir pu na, unii mɔmɔk ga kan.

UWONBƆR A GBƆNPƆŊ LIKƆƆNL

²⁷ Nan bu-n Uninfosaal a Bigin a dam na yin be le ke utaal kaah ti nyagir liwonpɔɔnl wee bi ga ki liwonlul man ni.

Matiu 24:27 ပူးပေါင်းရင်းမြစ်များ

Job Aagbaŋ 37:3

U cha utaal moor ki puur kitaapaak ki nya kitiŋ lipepel libaa ki ti saa liken.

Job Aagbaŋ 38:35

Le aa yaa bui ntaamii ke mu li moor lak lak kan, mu ga dan aa chee ki nan bui si ke mu ga tun saatuln aa?

Aisaya 30:30

Uwumbɔr ga cha unii mɔmɔk ŋun waaneel mu kpa mpɔɔn na pu, ki ŋun waaŋuul mu pu; le imiigaal, ni ŋitaayiyir, ni ŋitaatakpal, ni utaasakpiin ga li bi.

Esekiel 1:14

Tiwanfuurkaan ngbaan mu nan ber ti nya do ki ber ti nya do ki dii mmii ngbaan aah too pelb pelb pu na la.

Sekaria 9:14

Uwumbɔr ga li bi paacham ki di ubaa mɔk waanib, u ga too waapiin ke utaal aah moor pu na la. Bidindaan Uwumbɔr le ga pii ukpiin; u ga li chuun titaabunn ti nyan ni ŋŋangii wɔb na ni la.

Malakai 3:2

Tɔ, ŋma ga ŋmaa sil kina aawiin chee? U yaa nan fuu ni kan, ŋma ga ŋmar? U ga nan li bi ke bukiib bu pɔɔ na la, ki bi ke mmii mu wu nyani tijɔŋ tikur ni na la.

Malakai 4:5

“Tɔ, waahr aan min Uwumbɔr aawinbiik ngbaan daal nin fuu ni na, m ga tun ni maabɔnabr Elaija ni chee.

Matiu 16:27

Min Unibɔn Aabo ga fuu ni ki ga li kpa Nte Uwumbɔr aapɔɔn. Le Uwumbɔr aatuuntiib ga li dii mi. N‑yoonn ngbaan le m ga tii binib mɔmɔk lipal, baatuln aah ŋeer pu na.

Matiu 16:28

M tuk nimi mbamɔn la, binib bi si do na ponn ni bibaa aan kpo see bi puen kan min Unibɔn Aabo jin maanaan waahr.”

Matiu 24:26

“Nima pu na, bi yaa tuk nimi ke Kristo ngbaan bi nteersakpiin ni kan, taa buen ti lik man. Bi yaa ti ki tuk nimi ke u bi kidiik ni kan, taa gaa man.

Matiu 24:3

Le u buen ti kal Olif aasui aajool paab. Le waadidiliib dan u chee bibaa, ki nan bui u, “Tuk timi, bi ga ŋa kina bayoonn? Ba ga li ye limɔkl ki mɔk timi ke ni ŋeer aa fuu ni, ki ŋeer dulnyaa aadoon?”

Matiu 24:37

Min Unibɔn Aabo aah ga nan gir ni buyoonn na, ga li bi ke naah nan bi Nowa aayoonn pu na la.

Matiu 24:39

Baa nan nyi ke nibaa ga ŋa bi, ki ti saa buyoonn nnyusakpem nan jin kitiŋ mɔmɔk na. Le bi mɔmɔk nan bee nnyun ni. Buyoonn min Unibɔn Aabo ga nan gir ni na, ni ga li bi kina la.

Matiu 24:44

Nima pu na, ni mu li gor man; ba pu? buyoonn naan li dak ke m ga gir ni na, n‑yoonn ngbaan le m ga gir ni.”

Matiu 8:20

Le Yesu bui u, “Iŋɔk kpa yaah koo ibuu i ponn ni na. Inyoon i laani paacham na mu kpa yaadil. Min Unibɔn Aabo ma aa kpa maah ga doon nin chee na.”

Jemisi 5:8

Ni mu li kpa limɔr man, ki pɔɔk nitaakpab; ba pu? buyoonn Tidindaan ga gir ni na peeni.

2 Piita 3:4

ki ga bui ke, “Yesu Kristo aah puu tipuur ti ke u ga gir ni na, u bi la chee? Buyoonn titetiib nan kpo ki nan saa dandana wee na, tiwan mɔmɔk beenin bi ke naah nan bi pu buyoonn Uwumbɔr naan dulnyaa wee na la.”