Matiu 24:17 - Uwumbɔr aagbaŋ

¹⁷ Unii yaa bi kidiik paab kan, u taa ki koo waadiik ni u ti yoor waawan, u san mala.

UWONBƆR A GBƆNPƆŊ LIKƆƆNL

¹⁷ Wan mu nan be u niin a mɔɔpinl a paab ke, u laa ji jiirin ki nan kɔɔ u diin ke un yuur ni ba.

Matiu 24:17 ပူးပေါင်းရင်းမြစ်များ

2 Samuel 11:2

Daalbaadaal aajoowiin pu, le David nan fii waafuur aadɔdooyaan, ki buen libɔrdichal aapaacham. Waah bi chuun paacham ngbaan na, le u kan upii ubaa bi fu nnyun. U nan ŋan sakpen.

Job Aagbaŋ 2:4

Le kinimbɔŋ gar u ke, “Unii ga ŋmaa di waawan mɔmɔk pa waamɔfal pu.

Matiu 10:27

Maah tuk nimi tibɔr ti libɔɔl ni na, ni li mooni ti binib ni. Maah loon tibɔr ti nitafal ni na, ni li mooni ti lipaal.

Matiu 24:16

“N‑yoonn ngbaan yaa nan fuu ni kan, binib bi bi Judea aatiŋ ponn ni na, bi san buen ŋijoo paab.

Matiu 24:18

Unii yaa bi kisaak kan, u taa gir kun linampal ke u ti yoor waakekeln.

Matiu 6:25

“Nima le m tuk nimi ke ni taa cha nimi aalandak muk nimi tiwon aawan pu, ki taa li dak: ‘Ti ga ji ba? Ti ga nyu ba? Ti ga peen ba?’ Limɔfal bi tijikaar baanja pu la aa? Tiwon bi tiwanpeenkaan baanja pu la aa?

Tibɔnyaan ti Luk ŋmee ti na 12:3

Naah loon len tibɔr ti mbɔmbɔɔn ni na, binib ga ŋun ti nwiihn pu. Naah loon tibɔr ti binib aatafal ni kidiik ponn ni na, bi ga di ti moon lipaal.”

Tibɔnyaan ti Luk ŋmee ti na 5:19

Binib aah nan wiir pu na, baa kan mpaan bi koo ni. Le bi jon kidiik ngbaan paab, le ki chee liboln, ki di u di luln ni, ki di u bil kidiik ponn ni, Yesu aanimbiin ni.

Lituln 10:9

Naah woln kitaak na, le bi bi nsan ni, ki peen Jɔpa aatiŋ ni. Nwiin kaasisik ni, le Piita jon kidiik paab u ti mee Uwumbɔr.

Ikaal 22:8

“Aa yaa maa lidichapɔln kan, maa ligoln mann lipaacham. Nima kan, unii yaa nyan lipaab ki lir, ki kpo kan, saan li kpa taani ubaa.

1 Samuel 9:25

Baah fii nima ki buen kitiŋ ponn ni na, le bi tii Sɔɔl ndɔdooyaan kidiik paab, le u doon nima.