Matiu 23:9 - Uwumbɔr aagbaŋ

⁹ Ni taa yin ubaa ke ‘Nite’ dulnyaa wee ni; ba pu? ni kpa te ubaa la, le u bi paacham.

UWONBƆR A GBƆNPƆŊ LIKƆƆNL

⁹ Ni laa yi uba ke ni Baa, dulinya nan yaan ni, nan bu-n ni jɔɔ Baa uba le kpeŋileŋ, le u be paab.

Matiu 23:9 ပူးပေါင်းရင်းမြစ်များ

2 Bibɔrb 13:14

Iween i bir sakpen na nan chuu Uwumbɔr aabɔnabr Elaisa, le waah dɔ kibundiik ni na, Israel yaab aabɔr Jehoas buen u ti mann u. U nan wii le ki bui Elaisa ke, “Nte, nte, sin le ye Israel yaab aakikiir kpaan.”

2 Bibɔrb 2:12

Elaisa nan kan kina le ki teen yin Elaija ke, “Nte, nte. Israel yaab aakikiir kpaan. Aa buen a.” Le waa ki kan Elaija kpala. Elaisa nan di mpombiin le daa kar waakpalk nfum mulee pu,

2 Bibɔrb 6:21

Israel yaab aabɔr aah kan Siria yaab ngbaan na, le u baa Elaisa ke, “Uninkpel, m ku bi ii? M ku bi ii?”

Malakai 1:6

Uwumbɔr Mpɔɔnsakpiindaan bui bitotoorb ke, “Japɔɔn nyuŋni ute la, le ututunn mu nyuŋni udindaan. Nite le ye mi, ba ŋa naa nyuŋni mi? Nidindaan le ye mi, ba ŋa naa pak mi? Ni lik mi fam, le ki tee baa ke, ‘Ti lik si fam kinye?’

Matiu 23:10

Ni taa li ban ke ubaa yin nimi ke Dindaan; ba pu? ni kpa dindaan ubaa la. Uma le ye Kristo u gaa binib lii na.

Matiu 6:32

Tiwan ngbaan mɔmɔk pu le binib bi kaa dii Uwumbɔr aasan na aanimbil man. Nite Uwumbɔr u bi paacham na nyi ke ni ban tiwan ngbaan mɔmɔk.

Matiu 7:11

Nimi titunwanbirdam yaa tee nyi ipiin i ŋan na ki tii nimi aabim kan, ŋmaninkabaa Nite Uwumbɔr u bi paacham na le aan di tiwan ni ŋan na ki di tii binib bi mee u na aa?

Lituln 22:1

U nan len ke, “Ntetiib ni nnaabitiib, li pel man, ki cha m tuk nimi maabamɔn.”

1 Korenti 4:15

Ba pu? ni yaa kpa bimɔmɔkb ŋichur kipiik Kristo aasan ni kan, ni kpa te ubaa baanja la. Min le ye nite. Kinye? maah nan tuk nimi tibɔnyaan tee na, le m kpaln nite Yesu Kristo aasan ni.

2 Korenti 6:18

M ga li ye Nite; ni mu ga li ye njapɔtiib ni mbisatiib. Min Uwumbɔr u kpa mpɔɔn mɔmɔk na, le len kina.”

Hiibru Yaab 12:9

Titetiib bi ma timi na nan dar titafal la, le ti pak bi. Nima le ni ŋan ke ti kii Tite Uwumbɔr u bi paacham na aamɔb ki jer kina, aan ki kan limɔfal.

1 Jɔnn 3:1

Lik Tite Uwumbɔr aah gee timi sakpen pu na. U yin timi ke waabim. Le ti mu sil ye waabim. Dulnyaa aanib aa nyi Uwumbɔr. Baah kaa nyi Uwumbɔr na, nima pu le baa nyi ti mu.