Matiu 22:9 - Uwumbɔr aagbaŋ

⁹ Li cha kitiŋ ponn ni aasan ni man, ki ti yin ni naah ga kan binib bimɔk na, bi dan ki nan ji ubɔndinn aajikaar ngbaan.’

UWONBƆR A GBƆNPƆŊ LIKƆƆNL

⁹ Ni li chaa kitiŋ poolin a sanjali bu ki tan yin ban biɛn wee ni kan, wee bin dan ki nan ji lipiichanil a jiir nmɔn.’

Matiu 22:9 ပူးပေါင်းရင်းမြစ်များ

Esekiel 21:21

Ubɔr ngbaan ga ti sil isayakr ngbaan. U ga dam tibɔɔr aapiin, ki baa waawaa chee, ki lik baah kɔr kiwakork ki na aapɔɔl, le ki bee waah ga dii nsan mu na.

Obadia 1:14

Naa ba ga nan li si isayakr ki chur binib bi nan san ke bi ŋmar na, kaa ba ga di bi tii baadim, nwiin mundaal bi nan bi tibɔr ni na.

Matiu 20:7

Le bi bui u, ‘Taa kan unii u ga tii timi lituln aan ti tun na.’ Le u bui bi, ‘Ni mu li cha maasaak ponn ni, ki ti tun man.’

Matiu 22:10

Le waatutum buen kitiŋ ponn ni aasan ni, ki ti yin ni baah kan bi na mɔmɔk, binib bi ŋan na ni bi kaa ŋan na mɔmɔk. Le bi nan gbiin kidiik ki bi ji tijikaar ki ponn ni na.

Matiu 22:8

Le u bui waatutum, ‘Ubɔndinn aajikaar gor a. Binib bi m yin bi na aa ŋeer bi ji tijikaar ngbaan.

Tibɔnyaan ti Luk ŋmee ti na 24:47

Ni li mooni binib maayimbil pu, ke bi yaa kpeln baabimbin kan, Uwumbɔr ga di cha baatunwanbir pinn bi. Ni piin ki li mooni Jerusalem aatiŋ aanib ni, aan ki nin moon ŋinibol mɔmɔk mu ni.

Lituln 13:47

Uwumbɔr tuk timi waagbaŋ ponn ni ke ti ŋa kina. U nan len ke, ‘M nyan si la, ke aa woln binib bi kaa ye Juu yaab na aanimbil, ki tii dulnyaa wee ni aanib mɔmɔk nsan ke bi ŋmar.’”

Efesusi 3:8

Maa pii Uwumbɔr aaniwaatiir ubaa, le u mu tee tii mi litunyaan limina, ke m buen binib bi kaa ye Juu yaab na chee, ki ti moon tibɔnyaan tee, ki tuk bi Kristo aah ŋan sakpen pu na,

Tibɔkpiirkaan 22:17

Uwumbɔr Aafuur Nyaan ni Yesu aanib bui ke, “Dan.” Unii umɔk ŋun na, u mu bui ke, “Dan.” Unii umɔk nnyunyuu chuu u na, u mu dan. Unii umɔk ban na, u mu dan ki nan nyu limɔfal aanyun, ki taa pa nibaa.