Matiu 22:3 - Uwumbɔr aagbaŋ

³ ki tun waatutum ke bi yin binib bi u ban ke bi dan nan ji na. Baah yin bi na, le bi yii, kaa dan.

UWONBƆR A GBƆNPƆŊ LIKƆƆNL

³ U nan tun u toontum ke bin tan bei ban wee u nan yin ni ke bin dan, amaa le bi yii kaa dan ni.

Matiu 22:3 ပူးပေါင်းရင်းမြစ်များ

Ilahn 68:11

Uwumbɔr tii nsan, le bipiib pam moon tibɔr ngbaan ke,

Aisaya 30:15

Israel yaab Aadindaan Uwumbɔr u bi chain na le len waanib chee ke, “Gir ni man ki nan kii tii mi suuna, le ni ga kan mpɔɔn ni ŋŋmarm.” Le ni yii kaa ŋa kina.

Jeremia 25:4

Naa pel, kaa kpa ŋuntii, le Uwumbɔr ma beenin tun ni waabɔnabr bi ye waatutum na ni chee.

Jeremia 35:15

M beenin tun ni maatutum bi ye bibɔnabr na ni chee, le bi tuk nimi ke ni di cha nimi aabimbin mu kaa ŋan na, ki tun ni ŋan na. Bi sak nimi ke ni taa tun tii ŋiwaa, ki taa dooni ŋi, aan ki li beenin bi kitiŋ ki m nan di tii niyaajatiib na pu. Le naan ŋun tii mi, kaa pel m chee kpala.

Hosea 11:2

Tɔ, buyoonn m moo yin u na, le u moo san m chee. Maanib toor kitork tii liwaal Baal la, le ki seer nnyɔknii tii ŋiwaa ŋiken.

Hosea 11:7

Bi nyan sil ke bi nya m chee la. Bi ga wii lituln li nyik bi pu na pu, le ubaa mu aan tuur bi.

Sefania 1:7

Uwumbɔr aawiin peen ni a, nwiin mundaal Uwumbɔr ga ji binib tibɔr na peen ni a, kina pu na, li ŋmin suuna man. Uwumbɔr gor ke u kɔr waanib ke kitork aawakor na la, le ki yin baadim ke bi nan yoor baawan.

Matiu 21:34

Buyoonn ŋisubil nan puir na, le u di waatutum tun bikpaab ngbaan chee, bi ti gaa ni waasubil kisaak ngbaan ponn ni, ki li joo ni.

Matiu 23:37

“Jerusalem aanib, nsui bii ni pu la. Ni ku Uwumbɔr aabɔnabtiib, ki yur waatutum ŋitakpal ki ku bi. N‑yoonn mɔmɔk le m nan ban m kuun nimi ki di kpaan mbaa chee ke ukɔla aah kuuni waakoobi pu ki ŋani ufeen ni na, le naa kii.

Matiu 3:2

le ki mooni, “Kpeln nimi aabimbin man. Uwumbɔr aanaan peen ni a.”

Matiu 9:15

Le u baa bi, “Bicham bi dan bi nan ji ubɔndinn aajim na ga ŋmaa li kpa mpombiin buyoonn upiidinn bi bi chee na aa? Aayii. N‑yoonn choo, le bi ga nan chuu nyan upiidinn na bi chee mpɔɔn. N‑yoonn ngbaan le bi ga lul bumɔb.”

Tibɔnyaan ti Luk ŋmee ti na 13:34

“Jerusalem aanib, nsui bii ni pu la. Ni ku Uwumbɔr aabɔnabtiib, ki yur waatutum ŋitakpal ki ku bi. N‑yoonn mɔmɔk le m nan ban m kuun nimi ŋa mbaa chee ke ukɔla aah kuuni waakoobi pu ki ŋani ufeen ni na, le naa kii.

Tibɔnyaan ti Luk ŋmee ti na 15:28

Ukpel aah ŋun kina na, le u gee liŋuul, kaa ban u koo ni. Le ute nyan ni lipaal, ki nan gaŋ u ke u koo ni.

Tibɔnyaan ti Luk ŋmee ti na 19:27

Tɔ, maadim bi kaa nan ban ke m li ye baabɔr na, li joo ni bi do chee na, ki nan ku bi nnimbiin ni.’”

Jɔnn 5:40

Le naa kii ke ni dan m chee, aan ki kan limɔfal.

Lituln 13:45

Juu yaab aah kan kinipaak ngbaan kuun kina na, le bi kpa lipiipoln sakpen, ki kpak Pɔɔl kinikpakpak, ki seei u.

Rom Yaab 10:21

Israel yaab ma kan, Uwumbɔr len baabɔr ke, “Iwiin mɔmɔk m kai ŋŋaal ki yin binib bi yii mi kaa kii maamɔb na.”

Hiibru Yaab 12:25

Ni li nyi man, ki taa yii Uwumbɔr u len ni chee na. Buyoonn u nan sur Israel yaab dulnyaa wee ni na, le bi yii, le u daa bitafal. Ti yaa yii Yesu u nyan ni paacham ki nan sur timi na kan, u ga sil daa titafal.

Hiibru Yaab 9:15

Yesu aah ŋa kina na, le Uwumbɔr puu tipuupɔln tii timi. Nima pu, le binib bi Uwumbɔr yin bi na ga kan lifaal li kaa kpa ndoon na, waah puu tipuur ti ke u ga tii bi na pu. Binib bi Uwumbɔr nan puu njan aapuur tii bi na nan tun titunwanbir la. Yesu aah kpo na, nima le Uwumbɔr di cha pinn bi, ki gaa bi lii.

Tibɔkpiirkaan 22:17

Uwumbɔr Aafuur Nyaan ni Yesu aanib bui ke, “Dan.” Unii umɔk ŋun na, u mu bui ke, “Dan.” Unii umɔk nnyunyuu chuu u na, u mu dan. Unii umɔk ban na, u mu dan ki nan nyu limɔfal aanyun, ki taa pa nibaa.