Matiu 22:29 - Uwumbɔr aagbaŋ

²⁹ Le Yesu bui bi, “Naa bee Uwumbɔr Aagbaŋ aah len pu na, kaa bee Uwumbɔr aah kpa mpɔɔn pu na. Nima le cha ni yenn nimi aaliin ni.

UWONBƆR A GBƆNPƆŊ LIKƆƆNL

²⁹ Le Yisa jiin ke, “Ni tura, nan bu-n naa nyi Uwonbɔr a bɔri, bee waah jɔɔ npɔɔn man ni.

Matiu 22:29 ပူးပေါင်းရင်းမြစ်များ

Mpiin 18:14

Nibaa pɔɔ min Uwumbɔr chee ee? Maah len pu na, m ga ki gir ni iŋmal iwae aapuwɔb, le Sara ga maa ubijabo.”

Ilahn 17:15

Le mma ga kan si, ba pu? maa tun taani ubaa; le m yaa finn ngeen pu kan, saah bi m chee pu na ga tii mi mpopiin.

Aisaya 25:8

Tidindaan Uwumbɔr ga nyaŋ nkun ki kuln mu. U ga per binib mɔmɔk aanimbil tinyunyunn, ki nyan inimɔɔn i waanib jin dulnyaa wee mɔmɔk ni na. Uma Uwumbɔr le len kina.

Aisaya 26:19

Tɔ, timi aanib bi kpo na ga ki fikr nkun ni. Biwon ga ki fikr ki li kpa limɔfal. Bimɔk dɔ geen baakaakul ponn ni na ga fii ki gaa mpopiin aalahn. Limaln aah sɔŋni kitiŋ pu na, kina le Uwumbɔr ga fikr binib bi kpo ni yunn na.

Jeremia 32:17

“Ndindaan Uwumbɔr, aabaa aapɔɔn mu nyaŋ na le aa di naan taab ni kitaapaak; tiwan nibaa aa pɔɔ aa chee.

Hosea 13:14

Maan nyan binib ngbaan nkun ni, kaan nyan bi nkun aapɔɔn ni. Nkun, li joo ni saabiil. Kitekpiitiŋ, li joo ni saabiil. Maan ki san binib bimina kinimbaak.

Matiu 22:28

Kina pu na, binib yaa nan fikr nkun ni kan, upii ngbaan ga li ye ŋma aapuu? Bi mɔmɔk bilole nan joo u la.”

Tibɔnyaan ti Mak ŋmee ti na 12:24

Le Yesu bui bi, “Naa bee Uwumbɔr Aagbaŋ aah len pu na, kaa bee Uwumbɔr aah kpa mpɔɔn pu na. Nima le cha ni yenn nimi aaliin ni.

Tibɔnyaan ti Luk ŋmee ti na 1:37

nibaa aa pɔɔ Uwumbɔr chee.”

Jɔnn 20:9

Baa nan kee bee Uwumbɔr Aagbaŋ aah len pu na aatataa, ke Yesu ga fikr nkun ni.

Lituln 26:8

Ba ŋa ni dak ke Uwumbɔr aan ŋmaa fikr binib nkun ni?

Rom Yaab 15:4

Tiwan nimɔk ŋmee Uwumbɔr Aagbaŋ ponn ni na, ni ŋmee ke ti bae ni la. Waagbaŋ pɔɔni timi aataakpab, ki ter timi ti li kpa limɔr, ki tii timi limakl.

1 Korenti 15:34

Finn ngeen pu man, ki tun lituln li ŋan na, ki taa ki tun titunwanbir. Ni ponn ni bibaa aa nyi Uwumbɔr. M len kina ke m jinn nimi inimɔɔn la.

Filipi 3:21

U kpa mpɔɔn ki ga ŋmaa nyaŋ tiwan mɔmɔk, ki cha ni mɔmɔk kii waamɔb. Waah kpa mpɔɔn kina na, le u ga di timi aawon ti kaa ye lisil aawon na ŋa tiwonpɔnn ti naahn uyaar ti ye lisil aawon na.