Matiu 21:5 - Uwumbɔr aagbaŋ

⁵ “Tuk Sionn aatiŋ aanib, Lik, nimi aabɔrkpaan choo ni chee la. U sunn ubaa taab le ki dik ubon pu, u dik ubon u laa diin na pu la.”

UWONBƆR A GBƆNPƆŊ LIKƆƆNL

⁵ “Bei Zayɔnn a tiŋ yaab ke, Ni lig man, ni bɔru li chaan ni ban ni. U ye wan jiin u ba le, ki jig kiboŋ kan ye kibonbig.”

Matiu 21:5 ပူးပေါင်းရင်းမြစ်များ

Mpiin 49:10

Sin Juda ga li joo libɔrdabil, le saamaal ga li ye bibɔrb n‑yoonn mu kaa kpa doon na. Ŋitimbol yayan aabɔrb ga joo ni ipiin nan tii si. Bi ga dan ki nan gbaan aanimbiin ni, ki kii saamɔb.

2 Samuel 16:2

Le ubɔr David baa u ke, “Aa ban aa ŋa nimina mɔmɔk ba?” Le Siba gar u ke, “Mpɔɔndaan, saadichal yeh ibon ngbaan bi li diŋni i pu, le saajab mu ga ŋmaa ŋmɔ boroboro ki moo ŋisubil na mu, le bi yaa ti bak nteersakpiin ngbaan ni kan, bi ga ŋmaa di ndaan ngbaan mu nyu.”

1 Bibɔrb 1:33

le u bui bi ke, “Ni ni maaninkpiib li dii man, ki cha njapɔɔn Solomonn li dik mbaa aataan pu, ki di u buen Gihonn aayayak aanyunbun chee.

1 Bibɔrb 10:26

Solomonn nan ki kpa itaan aatɔroku tiib lichur ni ikui inaa, ni butɔb aataan mu ŋichur kipiik ni ŋilee. Ibaa nan bi Jerusalem ponn ni, le iken mu bi bi ntim muken na ni.

Ilahn 9:14

aan m ŋmaa sil Jerusalem aanib aanimbiin ni, ki bui bi tiwan nimɔk pu m pak si na. Saah gaa mi lii pu na le m mɔɔni.

Aisaya 12:6

Cha unii umɔk bi Sionn na teen ki gaa ilahn ke, Israel yaab Aawumbɔr u bi chain na ye Uwumbɔrkpaan la, le ki bi waanib chee.”

Aisaya 40:9

Jerusalem yaab, buen lijool li fɔk na paab man ki ti moon tibɔnyaan ngbaan. Teen mpɔɔn pu ki len ke, Sionn aanib, moon tibɔnyaan ngbaan man. Len mpɔɔn pu ki taa san ijawaan man. Tuk Juda aatim aanib ke Uwumbɔr choo.

Aisaya 62:11

Uwumbɔr bi mooni kitiŋ kee mɔmɔk pu ke: “Bui Jerusalem aanib ke Uwumbɔr choo u nan gaa nimi lii, ki joo ni binib bi u gaa bi lii na.”

Esekiel 34:24

Min Uwumbɔr le ga li ye Yaawumbɔr, le ubɔr u ga li bi ke maatutunn David na li ye yaajojoor. Min Uwumbɔr le len kina.

Esekiel 37:24

Ubɔr u bi ke maatutunn David na le ga li ye baabɔr. Bi mɔmɔk ga kpaan kimɔbaan ki li bi ujojoor baan aataab, ki ga li joo maakaal mbamɔm.

Hosea 1:7

Tɔ, m ga li gee Juda yaab ma. Min, Bidindaan Uwumbɔr ga gaa bi lii, m mu aan di kijaak aajum, bee itɔi ni ipiin, bee itaan ni bitandam tun li.”

Maika 5:2

Uwumbɔr bui ke, “Betlehem Efrata, aa ye kitiwaatiir kibaa le Juda aatiŋ pu, le sin ponn ni le m ga nyan ni ujojoor u ga li joo Israel aanib na, u ga nya ni mmaal mu ye n‑yaayoonn na aamaal ponn ni la.”

Nkahm 24:19

Israel yaab aatimbol ga nyaŋ bi, ki taa bi diin, ki ku binib bi mɔmɔk nan ŋmar na.”

Matiu 11:29

Gaa maatuln man, ki bae mbaem m chee; m bi suuna, ki sunn mbaa taab. Ni ga kan lifuur;

Matiu 2:2

ki nan baa ke, “Baah ma ubo u ye Juu yaab aabɔr na, u bi la chee? Ti kan waaŋmabil liwipuul wɔb, le ti dan ke ti nan doon u.”

Matiu 2:6

‘Sin Betlehem aatiŋ, ki bi Judea aatiŋ ni na, saa ye kitiwaatiir Judea aatim ponn ni; ba pu? uyidaan ga nyan aa ponn ni, ki ga li ye Uwumbɔr aanib Israel yaab aayidaan.’”

Matiu 21:6

Le Yesu aadidiliib buen ki ti ŋa waah len pu na,

Tibɔnyaan ti Luk ŋmee ti na 24:27

Le Yesu ŋeer waabɔr ti ŋmee Uwumbɔr Aagbaŋ ni na mɔmɔk tuk bi. Njan u tuk bi Moses aah nan ŋmee ti pu na, le ki nin tuk bi Uwumbɔr aabɔnabtiib mɔmɔk aah nan ŋmee ti pu na.

Jɔnn 1:49

Le Natanael bui u, “Umɔmɔkr, aa sil ye Uwumbɔr Aajapɔɔn. Aa ye Israel yaab Aabɔrkpaan la.”

2 Korenti 10:1

Min Pɔɔl mbaa gaŋni nimi la. Ni ponn ni bibaa len ke maah nan bi ni chee na, maa kaar nimi, ke m yaa bi nibaa chee kan, m kpa lipobil ki ŋmee kigbaŋ ki sur nimi. Min Pɔɔl bi suuna ke Kristo aah bi pu na, ki gaŋni nimi ke ni toor nimi aabimbin man,

Ikaal 17:16

Ubɔr ngbaan taa li kpa itaan sakpen ki di tii waajab, u mu taa cha bi buen Ijipt aatiŋ ni, ke u ti daa itaan; ba pu? Uwumbɔr bui ke waanib ponn ni ubaa taa ki gir buen kitiŋ ngbaan ni.

Bibɔjirb 12:14

U nan kpa japɔtiib imonko ilee, ni yaabitiib piitaa la, le bi mɔmɔk imonko itaa ni kipiik ngbaan kpa ibon imonko itaa ni kipiik. Abdonn nan joo Israel aanib ki ti saa ŋibin ŋiniin la,

Bibɔjirb 5:10

Nimi bi ka ibonpiin pu, ni ŋitanjal pu na, len ti man, ni nimi bi mu chuun ni kookoo na, ni mu len ti man.