Matiu 21:19 - Uwumbɔr aagbaŋ

¹⁹ Le u kan likakaln si nsan aamɔgbeln, le ki buen bu taab, kaa kan lisubil libaa bu pu, see tifar ŋmeen. Le u bui busub ngbaan, “Saan ki lu ŋisubil n‑yoonn mu kaa kpa ndoon na.” Libuul ngbaan ni le busub ngbaan mɔmɔk kuur.

UWONBƆR A GBƆNPƆŊ LIKƆƆNL

¹⁹ Le u kan bikinkam kaah si nsan gbaan, le u jon bi ban, amaa kaa kan niba see tifasɔnn a binba. Le u bei kisiigin ke, “Naah nyan dinan ki chaa, ŋaa ji li lo iloon ni.” Libol nmɔn le kisiigin koor.

Matiu 21:19 ပူးပေါင်းရင်းမြစ်များ

Aisaya 5:2

U nan kuun ŋitakpal le ki kon ki ŋum isui i lu ŋisubil ŋi ŋan na ki ponn ni, le ki maa libimbifɔfɔŋ ke bi li ka li paab ki kiir kisaak na, le ki gbii libuul litakpasakpeln ni, li bi ga di ŋisubil ŋa li ponn ni na aan ki ŋmaa ŋaanyun nyan na; le ki kii buyoonn ŋisubil ga puir na; le ŋisubil na mɔmɔk nan mɔɔn la.

Jeremia 8:13

“M nan ban ke m kuun maanib, ke uja aah kuuni waajikaar pu na la; le bi tee naahn ŋisubil aasub bu kaa lu na, ki naahn likakaln li kaa lu na; hali laafar gbar a. Kina pu le m cha biwɔwɔm gaa kitiŋ ngbaan.”

Matiu 21:20

Waadidiliib aah kan kina na, le ni gar bi pam. Le bi baa ke, “Ba pu busub ngbaan kuur mala kina?”

Tibɔnyaan ti Mak ŋmee ti na 11:14

Le u bui busub ngbaan ke, “Ubaa aan ki kan lisubil libaa aa pu ki ŋmɔ n‑yoonn mu kaa kpa ndoon na.” Le waadidiliib ŋun waah len pu na.

Tibɔnyaan ti Mak ŋmee ti na 11:20

Naah woln kitaak kichakpinaanyeek ni, aan bi chuun nsan ni ki ti jer likakaln ngbaan aah bi nin chee na, le bi mui busub ngbaan kuur ki nan saa taab.

Tibɔnyaan ti Luk ŋmee ti na 3:9

Dandana wee Uwumbɔr toor kichɔk ke u ti gaa isui imɔk kaa lu ŋisubil ŋi ŋan na, ki di ŋa mmii ni.”

Jɔnn 15:2

Ibon imɔk bi m pu kaa lu ŋisubil na, u ga per i lii. Ibon imɔk lu ŋisubil na, u ga toor i, i moo lu ŋisubil.

Jɔnn 15:6

Unii yaa kaa kpaan m chee kan, u ga ŋa yɔli ke mbon mu kaa tuu busub pu na aah kuur pu na la. Le Uwumbɔr ga mee u lii ke binib aah peei ibokuun pu ki joo tuur mmii na.

2 Timoti 3:5

Bi ga li ŋmanni ke bi dii Uwumbɔr aasan, ki ga lann Uwumbɔr aapɔɔn. Aa taa dii binib ngbaan.

Taitus 1:16

Bi len ke bi nyi Uwumbɔr, le baah tun pu na mɔk ke baa nyi u. Uwumbɔr aa gee baah ŋani pu na. Baa kii waamɔb, kaa ŋmaa tun litunyaan libaa.

Juud 1:12

Ni yaa kpaan ni ji tijikaar Uwumbɔr aadiik ni kan, bi sak nikaasisik ni ke tijɔŋ aah likr libɔkul pu pu na; ba pu? bi kpaan ji ni chee, kaa san Uwumbɔr. Bi ban ke bi kpiin bibaa baanja la. Baa kpa tinyoor. Bi naahn utaal u yun ki bɔln ki joo ni libuln kaa nu na la; ki naahn isui i kaa lu ŋisubil ki kpo ki kpukr lir na la.

Tibɔkpiirkaan 22:11

Unii umɔk tun lituln li kaa ŋan na, u li beenin tun kina. Unii umɔk tun tijɔŋ aatuln na, u li beenin tun kina. Unii umɔk tun lituln li ŋan na, u li beenin tun kina. Unii umɔk bi chain na, u li beenin bi chain.”