Matiu 20:21 - Uwumbɔr aagbaŋ

²¹ Le u baa u, “Aa ban ba?” Le u bui u, “Aa yaa jin saanaan kan, cha njapɔtiib bilee ngbaan li ka aa chee, ubaa li ka aaŋangii wɔb, uken mu li ka aaŋangan wɔb.”

UWONBƆR A GBƆNPƆŊ LIKƆƆNL

²¹ Le Yisa baan ke, “A ban baa?” Le u jiin ke, “Che nbuwaab nan uba n nan kal a nɔɔjiim paam wee uba mu n kal a nɔɔgam paam a naamin.”

Matiu 20:21 ပူးပေါင်းရင်းမြစ်များ

1 Bibɔrb 2:19

Le Batseba buen ubɔr chee ke u ti len tii Adonija. Ubɔr nan fii sil ke u doon una le ki soon, le ki ti kal waanaanjal pu, ki cha bi joo ni liken, le u cha una kal lima ngbaan pu, uŋangii wɔb.

1 Bibɔrb 3:5

Liyaadaal ngbaan aanyeek, le Uwumbɔr nan koo u chee tidaŋ ni, ki baa u ke, “Aa gee ke m ŋa ba tii si?”

Esta 5:3

Le ubɔr baa u ke, “Ubɔrpii Esta, aa ban ba? Bui mi saah ban tiwan ni na, le aa ga kan ni, hali ni yaa ye ke m di maanaan ligeln libaa tii si kan, m ga ŋa kina.”

Ilahn 110:1

Uwumbɔr bui ndindaan ke, “Kaln ŋŋangii wɔb ki ti saa buyoonn m ga di saadim mɔmɔk ŋa aataapɔtan ni na.”

Ilahn 45:9

Bibɔrb aabisatiib ŋmal bipiib bi bi saachiln ni na, le ubɔrpii si libɔrjal chee aaŋangii wɔb, ki pee salmaa nyaan aaleen.

Jeremia 45:5

Aa bi ban ke m ŋa si tiwankpaan la aa? Taa ban kina. M ban m cha tibɔbir dan unibɔn mɔmɔk pu la, le aa ma ga ŋmar nin chee mɔk aa ga li bi na. Min Uwumbɔr le len kina.”

Matiu 18:1

N‑yoonn ngbaan le Yesu aadidiliib dan nan baa u, “Uwumbɔr aanaan ni, ulau tee ye uninyuun?”

Matiu 19:28

Le Yesu bui bi, “M tuk nimi mbamɔn la, min Unibɔn Aabo ga kal libɔrjal pu, ki kan mpakm sakpen dulnyaapɔɔn ponn ni. N‑yoonn ngbaan, nimi bi dii mi na mu ga kal ŋibɔrjal kipiik ni ŋilee pu, ki ga ji Israel yaab aanibol kipiik ni ŋilee tibɔr.

Matiu 20:22

Le Yesu bui binachipɔm ngbaan, “Naa nyi naah mee mi pu na aatataa. Ni ga ŋmaa ji falaa ke maah ga ji pu na aa?” Le bi bui u, “Ti ga ŋman.”

Matiu 20:32

Le Yesu sil nsan ni, ki yin bi ke bi dan, le ki nan baa bi, “Ni ban ba?”

Tibɔnyaan ti Mak ŋmee ti na 10:51

Le Yesu baa u ke, “Aa ban ba?” Le u bui u ke, “Umɔmɔkr, m ban ke aa likr nnimbil le tii mi.”

Tibɔnyaan ti Mak ŋmee ti na 16:19

Tidindaan Yesu aah len bi chee tibɔr doo na, le Uwumbɔr di u buen paacham, le u ti kal uŋangii wɔb.

Tibɔnyaan ti Mak ŋmee ti na 6:22

Baah bi ji tijikaar ngbaan na, le Herodias aabisal dan nan waa liwaal bi mɔmɔk aanimbiin ni. Le ni mɔɔr Ubɔr Herod, ni binib bimɔk nan bi ji u chee tijikaar na. Le Ubɔr Herod bui u ke u ga tii u ipiin. U yaa len waah ban pu na kan, nima le u ga tii u.

Tibɔnyaan ti Luk ŋmee ti na 18:41

“Aa ban ba?” Le u bui u, “Ndindaan, m ban ke aa likr nnimbil le tii mi.”

Tibɔnyaan ti Luk ŋmee ti na 19:11

Yesu nan ŋakl binib bi ŋun tibɔr timina na liyataŋakl, bi taa li dak ke waah peen Jerusalem na Uwumbɔr aanaan ga fuu ni libuul ngbaan ni.

Tibɔnyaan ti Luk ŋmee ti na 22:24

Tɔ, Yesu aadidiliib nan kpak tɔb kinikpakpak ke ulau tee ye uninyuun bi ponn ni.

Jɔnn 15:7

Ni yaa kpaan m chee, ki yaa joo maaliin nisui ni kan, mee Uwumbɔr naah ban pu na man, le u ga ŋa kina tii nimi.

Lituln 1:6

Yesu aakpambalb aah kuun u chee na, le bi baa u, “Tidindaan, dandana wee, aa ga nyan timi Israel yaab timi aadim aaŋaal ni, ki ki giin timi aanaan tii timi ii?”

Rom Yaab 12:10

Ni li gee tɔb mbamɔm, ke mmaalbaan ni aanib aah gee tɔb pu na, ki li pak biken ki jer nibaa.

Rom Yaab 8:34

Nima le ubaa aan ŋmaa galn timi. Yesu Kristo nan kpo ti pu, ki fikr nkun ni, ki bi Uwumbɔr aaŋangii wɔb, ki mee u ki tii timi.

Kolosiya 3:1

Ni kpaan fikr Kristo chee la. Nima pu na, cha nitafal li bi paacham aawan ni. Kristo bi nima ki ka Uwumbɔr aaŋangii wɔb.