Matiu 20:2 - Uwumbɔr aagbaŋ

² Waah kan njan yaab bi na, u nan tuk bi, ‘M ga pa nimi tikunabr aamombil libaa nwiin ni mu aalirn.’ Bi nan kii tii waah siin bi pu na. Le u mɔk bi waasaak ponn ni.

UWONBƆR A GBƆNPƆŊ LIKƆƆNL

² Le u chee ke u li yɔ bi lidaal a yɔr, le ki che bi jon u kpaabin.

Matiu 20:2 ပူးပေါင်းရင်းမြစ်များ

1 Bibɔrb 18:12

M yaa siir cha aan Uwumbɔr Aafuur Nyaan yoor si di buen ubaa aah kaa nyi nin chee na kan, m ga ŋa kinye? Le m yaa ti bui Ahab ke aa bi do aan waa nan kan si kan, ni ŋeer u ku mi la. Teer ke maah nan laa ye ubo pu na le m nan di mbaa tii Uwumbɔr ki dooni u.

2 Bibɔrb Aabɔr 34:3

Josia aah nan jin nnaan ki ti saa ŋibin ŋiniin, aan ki laa beenin ye unachipɔnbo na, le u piin ki dooni uyaaja Ubɔr David Aawumbɔr. Ki nyan n‑yoonn ngbaan ki ti saa ŋibin ŋinaa aapuwɔb, le u piin ki ber tiwaadir, ni liwaapii Asera aanaŋ, ni ŋiwaa ŋi mɔmɔk gur na.

Ulandaan 12:1

Kina pu na, saah laa pɔɔn na, li teer Uwumbɔr u naan si na bɔr, waahr aan aa nin por, buyoonn aa ga nan bui ke, “Nsui aa ki piin.”

Matiu 18:28

“Le ututunn ngbaan nyan lipaal, ki ti kan waatutuŋeer u joo waapɔln kpakpaln nkub na, le ki chuu u, le ki chuu uneen ni, ki bui u ke, ‘Pa mi saah joo maapɔln li na.’

Matiu 20:1

“Uwumbɔr aanaan naahn ukpaal u nan pue kichakpinaanyeek ni u ti ban paatiib bi nan tun waasaak ni aatuln na la.

Matiu 20:13

“Le ukpadaan bui bi ponn ni ubaa, ‘Njɔ, maa jin si pem pem. Aa ba kii ke aa ga gaa tikunabr aamombil libaa la. Naa ye kina aa?

Matiu 20:3

Le ni saa tikur tiwae yoonn, le u ki buen kinyaŋ ni ki ti mui bijab bibaa si nima, kaa kpa lituln libaa.

Matiu 20:9

Le bijab bi gbiln puwɔb na aah dan bi nan gaa baapal na, u pan bi tikunabr aamombil libaabaa.

Matiu 22:19

Mɔk mi lampoo aamombil.” Le bi joo ni limombil nan mɔk u.

Matiu 9:37

Le u bui waadidiliib, “Idi biir a, ki wiir. Bidicheeliib ma aa wiir.

Tibɔnyaan ti Mak ŋmee ti na 12:15

Le u bee ke bi ban bi pen u nlan la, le ki baa bi, “Ba ŋa ni tɔŋ mi? Li joo ni limombil m lik man.”

Tibɔnyaan ti Luk ŋmee ti na 1:15

U ga li ye uninyuun Uwumbɔr chee. Waan nyu ŋisubil aadaan, ki mu aan nyu ndaan mubaa. U ga li gbii Uwumbɔr Aafuur Nyaan buyoonn bi ga maa u na, ki li joo cha.

Tibɔnyaan ti Luk ŋmee ti na 10:35

Le ni woln kitaak le u di ŋimombil tii tichaandirdaan, le ki bui u, ‘Lik u tii mi. Aa yaa jin ŋimombil ŋi jer ŋimina kan, m nan gir ni kan, m ga nan pa si.’”

Tibɔnyaan ti Luk ŋmee ti na 20:24

“Mɔk mi limombil man.” Baah mɔk u na le u baa bi, “Ŋma aanaŋ ni liyimbil bi li pu?” Le bi bui u, “Siisa yaan.”

2 Timoti 3:15

Aa bae Uwumbɔr Aagbaŋ aaliin tibir ni la. Iliin ngbaan ga ŋmaa tii si nlan mu ga mɔk si saah ga gaa Yesu Kristo ki kii ki ŋmar pu na.

Tibɔkpiirkaan 6:6

Le m ŋun nneel len tiwanfuurkaan ninaa ngbaan aakaasisik ni ke, “Tijikaar taa li wiir, taadaak li pɔɔ. Tɔ, taa bii nkpan ni ŋisubil aawanyukaan.”

1 Samuel 2:18

N‑yoonn mue na Samuel u nan laa ye ubo na nan beenin bi tun Uwumbɔr aatuln, ki pee libɔkul li bitotoorb peeni na.

1 Samuel 2:26

Samuel nan beenin chikr cha, le ki kpa kipak binib ni Uwumbɔr mu chee.

1 Samuel 3:1

N‑yoonn ngbaan na, buyoonn unachipɔnbo Samuel nan bi tun Uwumbɔr aatuln Eli chee na, Uwumbɔr aa nan ki joo waabɔr naŋni binib sakpen, kaa ki joo ubaa mɔk binib yɔl yɔl.

1 Samuel 3:21

Uwumbɔr nan beenin joo ubaa mɔk Samuel, Silo aatiŋ ni, ki kpiir waabɔr tuk u nima chee. Samuel yaa len pu na kan, Israel aanib mɔmɔk pel la.