Matiu 20:19 - Uwumbɔr aagbaŋ

¹⁹ le ki ga di mi ŋa binib bi kaa ye Juu yaab na aaŋaal ni ke bi yook mi, ki lue mi ŋinaalab, ki kpaa mi ndɔpuinkoo pu. Le iwiin itaadaal Uwumbɔr ga fikr mi nkun ni.”

UWONBƆR A GBƆNPƆŊ LIKƆƆNL

¹⁹ bi na li ta u sei ban kaa ye Juu yaab nan le bin laa u, ki boo u inaalab, ki kpaa u lidapunpunl bu, amaa iweehn itaa daal u li fii nkumin.”

Matiu 20:19 ပူးပေါင်းရင်းမြစ်များ

Job Aagbaŋ 30:8

Maabitibaanidam bi kaa kpa ŋiyimbil na, bi nan jenn nyan bi kitiŋ ngbaan pu la.

Ilahn 35:16

Bi laa mi ki saan mi la, kinanaŋ pu le bi ŋmɔ ŋinyin m pu.

Aisaya 26:19

Tɔ, timi aanib bi kpo na ga ki fikr nkun ni. Biwon ga ki fikr ki li kpa limɔfal. Bimɔk dɔ geen baakaakul ponn ni na ga fii ki gaa mpopiin aalahn. Limaln aah sɔŋni kitiŋ pu na, kina le Uwumbɔr ga fikr binib bi kpo ni yunn na.

Aisaya 53:3

Ti lik u fam ki yii u; u nan kan falaa ni iween. Ubaa aa ban ke u lik kan u, ti suln ubɔr ke waah kaa ye nibaa le na.

Hosea 6:2

U ga ki gaa timi iwiin ilee aakaasisik ni, le ti ga li bi unimbiin ni.

Matiu 12:40

kina le min Unibɔn Aabo mu ga li bi kitiŋ ponn ni iwiin itaa ni tinyer titaa. Lijinjiir aatuln limina baanja le ni ga kan.

Matiu 16:21

N‑yoonn ngbaan le Yesu piin ki bi kpiir tuk waadidiliib, “See m buen Jerusalem ki ji falaa sakpen. Juu yaab aaninkpiib, ni Uwumbɔr aatotoorninkpiib, ni Uwumbɔr aakaal aamɔmɔkb ga ŋa mi falaa sakpen, le ki ku mi. Iwiin itaadaal le Uwumbɔr ga fikr mi nkun ni.”

Matiu 17:23

le bi ku mi. Le iwiin itaadaal Uwumbɔr ga fikr mi nkun ni.” Le biponn bii sakpen.

Matiu 27:26

Le Pailat nyan Barabas lii, ki cha waajab lue Yesu ŋinaalab, le ki di u ŋa biŋaal ni, bi ti kpaa u ndɔpuinkoo pu.

Matiu 27:63

le ki bui u, “Timi aaninkpel, ti teer ke unyamɔndaan ngbaan aah nan bi na, u nan bui ke u yaa kpo kan, iwiin itaadaal u ga fikr nkun ni.

Tibɔnyaan ti Mak ŋmee ti na 14:65

Le bi ponn ni bibaa piin ki bi teei timɔɔtan ŋani u pu, le ki di likekeln poo unimbil, ki gbaa u, ki baa u ke, “Ulau faa si?” Bikikiirb ngbaan mu nan gaa u ki gbaa u.

Tibɔnyaan ti Mak ŋmee ti na 15:1

Kichakpinaanyeek ni le Uwumbɔr aatotoorninkpiib, ni Juu yaab aaninkpiib, ni Uwumbɔr aakaal aamɔmɔkb, ni bibɔjirb aaninkpiib mɔmɔk kal ki kpokl baah ga ŋa pu na. Le bi buu Yesu tikululn, ki di u buen kitiŋ ngbaan aaninkpel u bi yin u ke Pailat na chee, ki di u ŋa uŋaal ni.

Tibɔnyaan ti Mak ŋmee ti na 15:15

Le Pailat ban ke u sɔŋ bisui. Kina pu na, u nan nyan Barabas lii, le ki cha waajab lue Yesu ŋinaalab, ki di u ŋa biŋaal ni, bi ti kpaa u ndɔpuinkoo pu.

Tibɔnyaan ti Luk ŋmee ti na 18:32

Bi ga di mi ŋa binib bi kaa ye Juu yaab na aaŋaal ni, bi ti ŋa mi mbɔnyun, ki yook mi, ki teei timɔɔtan ŋani m pu,

Tibɔnyaan ti Luk ŋmee ti na 23:11

Le Ubɔr Herod ni waatɔb aajab lik u fam, ki ŋa u mbɔnyun, ki di kikpalk nyaan peen u, ki di u giin Pailat chee.

Tibɔnyaan ti Luk ŋmee ti na 24:46

le ki bui bi, “Ni ŋmee ke Kristo u ga gaa binib lii na ga ji falaa, ki fikr nkun ni, iwiin itaa daal.

Lituln 2:23

Uwumbɔr aageehn pu le bi nan di Yesu ŋa niŋaal ni. Uwumbɔr nan nyi ke bi ga ŋa kina. Le ni di u ŋa mbiindam aaŋaal ni ke bi ti kpaa u ndɔpuinkoo pu, ki ku u. Nima pu na, nimi le ku u.

Lituln 21:11

Le u gaa Pɔɔl aagbapapaln, ki di buu ubaa aataa ni uŋaal, ki tuk Pɔɔl ke Uwumbɔr Aafuur Nyaan bui ke Juu yaab bi bi Jerusalem na ga nan di udaan u yeh ligbapapaln ngbaan na buu utaa ni uŋaal kina, ki di u ŋa binib bi kaa ye Juu yaab na aaŋaal ni.

Lituln 4:27

Tɔ, David aah nan len pu na, ni ye mbamɔn la. Ubɔr Herod, ni Pontius Pailat, ni Juu yaab, ni binib bi kaa ye Juu yaab na nan kuun kitiŋ kee ponn ni, ke bi nan ku Saatutunn Yesu u ye chain na. Uma le aa nyan ke u gaa timi lii.