Matiu 2:6 - Uwumbɔr aagbaŋ

⁶ ‘Sin Betlehem aatiŋ, ki bi Judea aatiŋ ni na, saa ye kitiwaatiir Judea aatim ponn ni; ba pu? uyidaan ga nyan aa ponn ni, ki ga li ye Uwumbɔr aanib Israel yaab aayidaan.’”

UWONBƆR A GBƆNPƆŊ LIKƆƆNL

⁶ ‘Amaa fin Betiliham kan be Juda a tingbɔŋin ni, ŋaa ye kitinbig Juda a paamin ni, nan bu-n a ban le ubɔr na li nya wan na li ye upeekpaar N ninfob ban ye Iziral yaab.’”

Matiu 2:6 ပူးပေါင်းရင်းမြစ်များ

Mpiin 49:10

Sin Juda ga li joo libɔrdabil, le saamaal ga li ye bibɔrb n‑yoonn mu kaa kpa doon na. Ŋitimbol yayan aabɔrb ga joo ni ipiin nan tii si. Bi ga dan ki nan gbaan aanimbiin ni, ki kii saamɔb.

2 Samuel 5:2

N‑yoonn mu jer na, hali Sɔɔl aah nan beenin ye timi aabɔr na, sin le nan lolni timi Israel aanib pu nsan butɔb ni, le Uwumbɔr nan puu ke sin le ga loln waanib pu nsan, ki li ye baajojoor.”

1 Bibɔrb Aabɔr 2:51

le ujapɔɔn Salma, u paa na, nan naan Betlehem aatiŋ. Le utatar, u bi nan yin u ke Haref na, mu naan Bef Gader aatiŋ.

1 Bibɔrb Aabɔr 5:2

Ni mu nan tee ye Juda aanibol le nan ŋa bipɔɔndam le ki nyan bijojoob tii ŋinibol ŋiken na mɔmɔk.

Esra 2:21

Binib bi aayaajatiib nan koo ntim mumina ponn ni na aanib bi mu nan gir ni na sɔ: Betlehem aatiŋ yaab—binib nkub ni moninko ni bitaa; Netofa aatiŋ yaab—binib piiŋmu ni biloob; Anatof aatiŋ yaab—binib nkub ni moninko ni biniin; Asmafef aatiŋ yaab—binib imonko ilee ni bilee; Kiriaf Jearim, ni Kefira, ni Beerof aatim yaab—binib ikui ilole ni imonko ilee ni bitaa; Rama ni Geba aatim yaab—binib ikui iloob ni moninko ni ubaa; Mikmas aatiŋ yaab—binib nkub ni moninko ni bilee; Betel ni Ai aatim yaab—binib ikui ilee ni moninko ni bitaa; Nebo aatiŋ yaab—binib piiŋmu ni bilee; Magbis aatiŋ yaab—binib nkub ni piiŋmu ni biloob; Elam aatiŋ kiken na yaab—binib lichur ni ikui ilee ni piiŋmu ni binaa; Harim aatiŋ yaab—binib ikui itaa ni moninko; Lod, ni Hadid, ni Ono aatim yaab—binib ikui ilole ni moninko ni biŋmu; Jeriko aatiŋ yaab—binib ikui itaa ni imonko ilee ni biŋmu; Senaa aatiŋ yaab—binib ŋichur ŋitaa ni ikui iloob ni piitaa.

Aisaya 40:11

U ga li joo waanib ke upihdaan aah joo waapiih pu na la; u ga kuun ipihbi nan kpaan tɔb chee, ki yoor i uŋaal ni, ki ga loln inatiib pu nsan suuna.

Maika 5:2

Uwumbɔr bui ke, “Betlehem Efrata, aa ye kitiwaatiir kibaa le Juda aatiŋ pu, le sin ponn ni le m ga nyan ni ujojoor u ga li joo Israel aanib na, u ga nya ni mmaal mu ye n‑yaayoonn na aamaal ponn ni la.”

Nkahm 24:19

Israel yaab aatimbol ga nyaŋ bi, ki taa bi diin, ki ku binib bi mɔmɔk nan ŋmar na.”

Matiu 2:1

Bi nan ma Yesu, Betlehem aatiŋ ponn ni la, ki bi Judea aatiŋ ni na, n‑yoonn mu Herod ye ubɔr na. Baah ma Yesu na, le bilankpalb bibaa nyan ni liwipuul wɔb ki dan Jerusalem,

Matiu 28:18

Le Yesu bui bi, “Uwumbɔr tii mi mpɔɔn mɔmɔk, paacham ni taab.

Jɔnn 21:16

le ki ki baa u lelee, “Simonn, Jɔnn aajapɔɔn, aa gee mi ii?” Le u ki bui u, “Ndindaan, een, aa nyi ke m gee si la.” Le Yesu bui u, “Li kii maapiih,”

Jɔnn 7:42

Uwumbɔr Aagbaŋ len ke u ga li ye tiyaaja David aayaabil, ki ga nyan ni Betlehem aatiŋ ni, kitiŋ ki ye David do na.”

Efesusi 1:22

Uwumbɔr di tiwan mɔmɔk di ŋa uma Kristo aataapɔtan taab, ki ŋa u tiwan mɔmɔk aayidaan ki tii waanib.

Kolosiya 1:18

Uma le ye waanib Aayidaan. Le waanib mu ye waawon, le u tii bi limɔfal. Uma le puen fikr nkun ni, ki ye tiwan mɔmɔk Aayidaan;

Hiibru Yaab 7:14

Binib mɔmɔk nyi ke Tidindaan nan ye Juda aanibol ponn ni aanii la. Moses aa nan len ke linibol ngbaan aanib ga li ye bitotoorb.

Tibɔkpiirkaan 11:15

Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”

Tibɔkpiirkaan 2:27

Le bi ga li joo ŋi mpɔɔn pu, ki gbaa wii ŋi yak yak ke tiyakr aabuul na.

Tibɔkpiirkaan 7:17

ba pu? Upihbo u bi Uwumbɔr aabɔrjal aakaasisik ni na le ga kpiin bi, ki ga mɔk bi uyayak aanyun mu ga tii bi limɔfal na chee. Uwumbɔr ga per binimbil tinyunyunn mɔmɔk.”