Matiu 2:2 - Uwumbɔr aagbaŋ

² ki nan baa ke, “Baah ma ubo u ye Juu yaab aabɔr na, u bi la chee? Ti kan waaŋmabil liwipuul wɔb, le ti dan ke ti nan doon u.”

UWONBƆR A GBƆNPƆŊ LIKƆƆNL

² ki nan baan bininfob ke, “Juu yaab a bɔru wan wee bi ma-n, u be laa? Ti kan u ŋmabil le liwonpɔɔnl paam le ki dan ke ti nan jiɛn u.”

Matiu 2:2 ပူးပေါင်းရင်းမြစ်များ

Ilahn 2:6

U bui ke, “Maagongoln Sionn li bi chain na pu, le m maa kaan maabɔr.”

Ilahn 45:11

Saanyaan le ga cha ubɔr li gee si; uma le ye saaninkpel, kina pu na, kii waamɔb.

Aisaya 60:3

Ŋitimbol ga kuun dan saawiihn chee, le bibɔrb san dan saataak ki bi wolni na chee.

Jeremia 23:5

Uwumbɔr ki bui ke, “N‑yoonn choo le m ga nyan Ubɔr David aayaabitiib ponn ni ubɔr u aabimbin ŋan na. Ubɔr ngbaan ga di nlan le joo waanib ki li ŋani tiwan ni ŋan ki tok na kitiŋ ngbaan pu.

Jeremia 30:9

Bi ga li gur tun min Bidindaan Uwumbɔr aatuln, ni maah ga nyan Ubɔrkpaan David aayaabil u kaan nnaan na aatuln la.

Sekaria 9:9

Li mɔɔni man, Sionn aanib, li mɔɔni man. Nimi Jerusalem aanib, li tar mpopiin pu man. Lik, nimi aabɔrkpaan choo ni chee la. U ye ubimbinyaandaan le ki joo linyaŋ choo, u sunn ubaa taab le ki dik ubon pu, u dik ubon u laa diin na pu la.

Nkahm 24:17

M nan lik kan n‑yoonn mu choo na aabɔr, le ki kan Israel yaab aatimbol. Ubɔr u bi ke liŋmabil li wiin chain na ga nan nyan ni litimbol ngbaan ni. Libɔrdabil ga nan nyan ni Israel aatimbol ponn ni, ki ga bii Moab yaab aayidam, le ki gbaa yaa mbiindam mɔmɔk.

Matiu 2:3

Ubɔr Herod, ni Jerusalem aatiŋ aanib mɔmɔk aah ŋun tibɔr ngbaan na, le ti muk bi.

Matiu 21:5

“Tuk Sionn aatiŋ aanib, Lik, nimi aabɔrkpaan choo ni chee la. U sunn ubaa taab le ki dik ubon pu, u dik ubon u laa diin na pu la.”

Matiu 27:11

Bi nan di Yesu ti siin kitiŋ ngbaan aaninkpel Pailat aanimbiin ni. Le Pailat baa u, “Aa ye Juu yaab aabɔr la aa?” Le u bui u, “Saah len pu na, ni ye kina.”

Tibɔnyaan ti Luk ŋmee ti na 19:38

ki bui ke, “Uwumbɔr aanyoor bi Ubɔrkpaan u choo waayimbil ni na pu. Lifuur bi paacham. Ni li nyuŋni Uwumbɔr paacham man.”

Tibɔnyaan ti Luk ŋmee ti na 2:11

Kinyeek kee bi ma unii u ga gaa nimi lii na, Ubɔr David aatiŋ ni. Uma le ye Tidindaan Kristo.

Tibɔnyaan ti Luk ŋmee ti na 23:3

Le Pailat baa u, “Aa ye Juu yaab aabɔr la aa?” Le u bui u, “Saah len pu na, ni ye kina.”

Tibɔnyaan ti Luk ŋmee ti na 23:38

Bi nan ŋmee kigbaŋ tam waadɔpuinkoo pu, uyil paab. Ni ŋmee ke, “Juu yaab Aabɔr le na.”

Jɔnn 1:49

Le Natanael bui u, “Umɔmɔkr, aa sil ye Uwumbɔr Aajapɔɔn. Aa ye Israel yaab Aabɔrkpaan la.”

Jɔnn 12:13

Le bi yoor tibɔkpafar ki ti tooh u nsan ni, le ki tar, “Hosiana, Uwumbɔr ŋa tinyoor ŋa unii u choo waayimbil ni na pu. Uwumbɔr ŋa tinyoor ŋa Israel yaab Aabɔrkpaan pu.”

Jɔnn 18:37

Le Pailat baa u, “Aa sil ye ubɔr la aa?” Le Yesu bui u, “Ni ye saah len pu na. M dan dulnyaa wee ni ke m nan tuk binib mbamɔn la. Nima le cha bi ma mi. Unii umɔk ban mbamɔn na kan, u ga kii maah len pu na.”

Jɔnn 19:19

Pailat nan ŋmee ŋŋmeen ke, “Yesu u ye Nasaref aatiŋ aanii, ki ye Juu yaab Aabɔr na,” le ki di ŋŋmeen ngbaan tam waadɔpuinkoo pu.

Jɔnn 20:28

Tomas nan bui u, “Aa ye Ndindaan ni Maawumbɔr la.”

Jɔnn 5:23

aan binib mɔmɔk nyuŋ min Ujapɔɔn ke baah nyuŋ Nte Uwumbɔr pu na. Unii umɔk kaa nyuŋ min Uwumbɔr Aajapɔɔn na, waa nyuŋ Uwumbɔr u tun ni mi na le na.

Jɔnn 9:38

Le u bui u, “Ndindaan, m gaa si ki kii,” le ki gbaan unimbiin ni, ki pak u.

Hiibru Yaab 1:6

U nan tun ni Ujapɔɔn u kaa kpa ŋeen aatɔ na dulnyaa wee ni, le ki bui waatuuntiib mɔmɔk ke bi gbaan unimbiin ni ki doon u.

Tibɔkpiirkaan 22:16

“Min Yesu tun ni maatuun u nan tuk nimi tibɔr tee, ni ti tuk maanib. M ye Ubɔr David aayaabil, ki ye liŋmabil naanyuun li wiin chain na.”