Matiu 2:16 - Uwumbɔr aagbaŋ

¹⁶ Le Herod bee ke bilankpalb ngbaan ŋmann u la. Le u gee liŋuul sakpen, ki cha waajab ku mbijabim bi mɔmɔk ye ŋibin ŋilee aabim, ni bi mu kaa fuu kina na, ki bi Betlehem, ni Betlehem aatingbaan ni na. U nan baa bilankpalb ngbaan ke bi kan liŋmabil ngbaan bayoonn. Nima le cha u bee Yesu aabin aah saa pu na.

UWONBƆR A GBƆNPƆŊ LIKƆƆNL

¹⁶ Herɔd kaah nan nan biɛ ke bibiɛndam nmɔn lar u le-n, liŋuul nan gbir u pam, le u tun bitɔtogib ke bi li chaa Betiliham nin kitinbum ni ki tan ku nbijabum ban kaa lagir ibin ilee biɛn na, ke waah nan baan bibiɛndamin wee bi bei u liŋmabilin kaah nyan n-yonn man ni.

Matiu 2:16 ပူးပေါင်းရင်းမြစ်များ

Mpiin 39:14

le u yin binaagbiib biken, ki nan bui bi ke, “Lik man, nchal aah joo ni Hiibru yaab aanachipɔɔn u na, uma le koo ni m pu, ki ban ke u chuu mi mpɔɔn ki doon m chee, le m faa nkuun.

Mpiin 39:17

Le u tuk uchal ke, “Hiibru aanaagbiija u aa joo ni na, uma le koo ni u nan chuu mi mpɔɔn ki doon m chee.

Mpiin 49:7

M puun lii nimi aaŋuul ngbaan pu, ba pu? nimi aaŋuul ngbaan kpa ijawaan, Nimi aaŋuul ye mbiin aatuln le ni tun. M ga di nimi yaa Israel aatiŋ ni, le ki cha ni yaa Israel yaab mu ni.

2 Bibɔrb 8:12

Le Hasael baa u ke, “Uninkpel, ba ŋa aa wii?” Le Elaisa gar u ke, “Saah ga ŋa Israel yaab ijawaan sakpen aawan ni na pu le m wii. Aa ga see baatim mu pɔɔ aan bi maa ŋigon gob mu na mmii, ki suŋ baanachipɔm bi ŋan sakpen na, ki loe ku baabim, ki saa gbir baapiipudam aapuu.”

Job Aagbaŋ 12:4

Njɔtiib bibaa gur laa mi la; maa kpa taani, le maabimbin ŋan, le bi laa mi. Uwumbɔr nan tee kii maameel n‑yoonn mubaa.

Ŋiyataŋak 28:15

Ubiindaan yaa bi mpɔɔn ni kan, bigiim aa kani nterm u chee, u bir le ke uchinn na, bee unaamuun na.

Ŋiyataŋak 28:17

Unii u ku uŋeen aatɔ na bi gbii ubaa aabuu la. Taa bui u ke u di cha.

Aisaya 26:21

Uwumbɔr ga nyan ni waakookoo yaan mu bi paacham na, ki nan daa kitiŋ kee pu aanib aatafal baatunwanbir pu. Binib bi, bi nan ku ki di bɔr kitiŋ kee pu na aabɔr ga nyan mpaan pu, kitiŋ kee aan ki bɔr binib bi bi ku bi na pu.

Aisaya 59:7

N‑yoonn mɔmɔk ni dak ke ni ŋa ni kaa ŋan na la, le naa taani kpala kina aaŋam. Naa sii ki dakl lik waahr aan ki nin ku unii u kaa tun taani ubaa na. Nin chee mɔk ni jer na ye mbiin ŋmeen la,

Daniel 3:13

Ubɔr aah ŋun kina na, le waaŋuul fii ki ti nyaŋ, le u bui ke bi li joo ni bijab bitaa ngbaan unimbiin ni.

Hosea 10:14

le butɔb ga lir nimi aanib pu, le nimi aatim mu kpa tijawan ki pɔɔ na mɔmɔk ga kuln. Ni ga li bi ke ubɔr Salmann aah nan kuln Bef Arbel aatiŋ butɔb ni, ki ku natiib ni baabim pu na la.

Nkahm 22:29

Le Balaam giin bui waabon ke, “Saah di mi ŋa ujɔr pu na le m gbaa si. M yaa ba joo kijuk do kan, m ba ga ku si.”

Nkahm 24:10

Tɔ, liŋuul nan chuu Balak, le u ŋmaan linyakaakul, ki bui Balaam ke, “M yin si ke aa nan puun lii maadim le pu, nfum mutaa mɔk le na aa labr ŋa tinyoor ŋa bi pu.

Matiu 2:1

Bi nan ma Yesu, Betlehem aatiŋ ponn ni la, ki bi Judea aatiŋ ni na, n‑yoonn mu Herod ye ubɔr na. Baah ma Yesu na, le bilankpalb bibaa nyan ni liwipuul wɔb ki dan Jerusalem,

Matiu 2:17

Waah ku mbim ngbaan pu na, le ni gbiin Uwumbɔr aabɔnabr Jeremia aah nan len pu na ke,

Matiu 2:7

Le Herod yin bilankpalb ngbaan libɔɔl ni, le ki baa bi, “Liŋmabil ngbaan nan nyan ni bayoonn?” Le bi tuk u.

Tibɔkpiirkaan 12:4

Le kipeewanbiik ngbaan di kijuul kuun foor ni iŋmabi ligetatar, ki di lii ni kitiŋ, ki dan nan sil upii u ban u maa ubo na aanimbiin ni ke ki ŋmɔ waabo.

Tibɔkpiirkaan 17:6

Le m kan upii ngbaan gbii ndaan ki dɔ; ba pu? u nyun Uwumbɔr aanib aasin, ni binib bi kpo Yesu pu na aasin ki gbii. Maah kan u na, le ni gar mi pam.

Bibɔjirb 16:10

Delila nan ki bui Samsonn ke, “Lik, aa joo mi ŋani yaansara la, le kaa tuk mi mbamɔn. Ŋaanii ki bui mi unii aah ga ŋa pu ki buu si iŋmin na.”