Matiu 2:13 - Uwumbɔr aagbaŋ

¹³ Baah nan chaa kun na, Josef nan kan Uwumbɔr aatuun tidaŋ ponn ni. Le Uwumbɔr aatuun ngbaan bui u, “Fiin ki yoor ubo ngbaan ni una ki san buen Ijipt aatiŋ ni, ki ti li bi nima ki kiir bundaln m ga nan tuk si ke aa nya nima na. Ubɔr Herod ga li ban ubo ngbaan ke u ku u.”

UWONBƆR A GBƆNPƆŊ LIKƆƆNL

¹³ Baah nan kun a bɔɔn le Uyudaan a malaka nan dan Josef ban tidindɔgin nin, ki bei u ke. “Fiim ki ta kibiliɛg nmɔn nin ki na ki li gu chaa Ijibir a tiŋin na, hali nin maah na li yin ni, nan bu-n ubɔr Herɔd yin ban kibigin a bol le un ku ki.”

Matiu 2:13 ပူးပေါင်းရင်းမြစ်များ

1 Bibɔrb 11:17

ki ti di cha Hadad ni ute aatutum bibaa baanja la. Bitutum ngbaan nan ye Edom aatiŋ aanib la, le bi ni Hadad nan san ŋmar ki ti koo Ijipt aatiŋ ni. N‑yoonn ngbaan Hadad nan laa ye ubo la.

1 Bibɔrb 3:5

Liyaadaal ngbaan aanyeek, le Uwumbɔr nan koo u chee tidaŋ ni, ki baa u ke, “Aa gee ke m ŋa ba tii si?”

Job Aagbaŋ 33:15

Binib yaa dɔ geen kinyeek kan, le Uwumbɔr len tibɔr tidaŋ ni.

Job Aagbaŋ 33:17

Uwumbɔr len ke bi di cha titunwanbir aatum, ki taa yoor kigaak.

Nnyam 1:22

Gbelngbeln na, ubɔr ngbaan nan siin nkaal ki bui waanib mɔmɔk ke bi di Hiibru yaab aabijabim bi bi laa ma bi na ki di mee lii Nail aamɔɔl ni, tɔ, bi taa ku mpiibim ma.

Matiu 1:20

Waah dakl tibɔr ngbaan kina na, le u kan Uwumbɔr aatuun ubaa tidaŋ ponn ni. Le Uwumbɔr aatuun ngbaan bui u, “Josef, Ubɔr David aayaabil, taa yii ke saan joo Mari u li ye aapuu; ba pu? Uwumbɔr Aafuur Nyaan le tii u lipuul ngbaan.

Matiu 10:23

Bi yaa ŋa nimi falaa kitiŋ kibaa ni kan, ni san buen kitiŋ kiken ni. M tuk nimi mbamɔn la, buyoonn min Unibɔn Aabo ga nan gir ni na, naan kee bɔ dii Israel yaab aatim mɔmɔk ni, ki doo.

Matiu 2:12

Le Uwumbɔr nan tuk bi tidaŋ ponn ni ke bi taa ki gir buen ubɔr Herod chee. Nima pu na, bi nan dii nsan yayan le ki kun.

Matiu 2:14

N‑yaayoonn ngbaan le Josef fii le ki yoor ubo ngbaan ni una kinyeek, ki nyan nima ki buen Ijipt,

Matiu 2:16

Le Herod bee ke bilankpalb ngbaan ŋmann u la. Le u gee liŋuul sakpen, ki cha waajab ku mbijabim bi mɔmɔk ye ŋibin ŋilee aabim, ni bi mu kaa fuu kina na, ki bi Betlehem, ni Betlehem aatingbaan ni na. U nan baa bilankpalb ngbaan ke bi kan liŋmabil ngbaan bayoonn. Nima le cha u bee Yesu aabin aah saa pu na.

Matiu 2:22

Le u ŋun ke Ubɔr Herod aabo Akelaus jin ute aanaan Judea aatiŋ ni. Nima pu na, Josef nan san ijawaan, kaa ban u buen nima. Le Uwumbɔr tuk u tidaŋ ni waah ga li cha nin chee na.

Lituln 10:22

Le bi bui u, “Konelius, u ye butɔb aajab nkub aaninkpel na le tun ni timi. U ye unibamɔnn u pak Uwumbɔr na. Juu yaab mɔmɔk pak u sakpen. Le Uwumbɔr aatuun mubaa tuk u ke u yin si, ke aa dan udo, u nan pel saah ga len pu na.”

Lituln 10:7

Le Uwumbɔr aatuun ngbaan ki gir buen. Waah buen na, le Konelius yin waatutum ponn ni bilee, ni butɔb aaja u ye uninyaan ki bi u chee idaa mɔmɔk ki tun lituln tii u na.

Lituln 12:11

Le Piita aanimbil woln. Le u len ke, “M bee ke ni sil ŋa kina. Tidindaan tun ni waatuun ke u nan nyan mi Ubɔr Herod aaŋaal ni, ki nyan mi Juu yaab aah ban bi ŋa mi pu na ni.”

Lituln 12:7

Kinyeek ngbaan, le Tidindaan aatuun dan ki nan sil u chee. Le nwiihn woln kidiik ponn ni. Le u gbaa finn Piita, ki bui u ke, “Fii sil mala mala.” Waah len kina na, le tikululn ngbaan chuu leer lir.

Lituln 16:36

Le kiyondiik aaninkpel tuk Pɔɔl, “Bibɔjirb ngbaan len ke m di aa ni Sailas lii, ni li cha. Ni nya suuna ki li cha.”

Lituln 5:19

Kinyeek ngbaan le Uwumbɔr aatuun dan nan chuu piir kiyondiik aajaaleŋ, le ki nyan bi, ki bui bi,

Lituln 7:19

Le u nan ŋmanni tiyaajatiib ki ŋani bi bakaa, le ki tuk waanib ke bi di tiyaajatiib aabim mee timoor ni aan bi kpo.

Josua 3:13

N‑yoonn mu bitotoorb bi tu Uwumbɔr u yeh dulnyaa wee mɔmɔk na Aakaal Aadakaa na yaa ti di bitaa ŋa nnyun ponn ni kan, Jɔɔdann Aamɔɔl aanyun ngbaan ga sil libubaan ni.”

Josua 3:17

Binib ngbaan aah nan chuun kitikuun pu ki puur na, bitotoorb bi nan tu Uwumbɔr Aakaal Aadakaa na nan si limɔɔl ngbaan aakaasisik ni, kitikuun pu, le binib ngbaan mɔmɔk chuun ki ti puur doo.

Josua 4:10

Bitotoorb ngbaan nan si tu Uwumbɔr Aakaal Aadakaa ngbaan Jɔɔdann Aamɔɔl aakaasisik ni, le binib ngbaan ti ŋa Uwumbɔr aah bui ke bi ŋa pu na mɔmɔk doo kina. Kina le Moses nan bui Josua ke bi ŋa. Binib ngbaan nan ŋa mala mala le ki puur limɔɔl ngbaan.

Josua 4:18

le n‑yoonn mu bitotoorb ngbaan nyan ki nan saa n‑gbaan na, le limɔɔl ngbaan ki piin ki puu ki gbiin ke laah ba bi pu na.

Tibɔkpiirkaan 12:14

Le Uwumbɔr tii upii ngbaan libɔrwiin aafeen ilee ke u fii buen nteersakpiin ni, waapaan ni, kipeewanbiik ngbaan taa ki pii u nima chee. Le bi ti kpiini u nima chee ki ti saa ŋibin ŋitaa ni ligeln.

Tibɔkpiirkaan 12:4

Le kipeewanbiik ngbaan di kijuul kuun foor ni iŋmabi ligetatar, ki di lii ni kitiŋ, ki dan nan sil upii u ban u maa ubo na aanimbiin ni ke ki ŋmɔ waabo.

Tibɔkpiirkaan 12:6

Le upii ngbaan san buen nteersakpiin ni, Uwumbɔr aah toor mpaan nin chee tii u na, ki ti kpiini u nima chee iwiin lichur ni ikui ilee ni imonko itaa.