Matiu 19:28 - Uwumbɔr aagbaŋ

²⁸ Le Yesu bui bi, “M tuk nimi mbamɔn la, min Unibɔn Aabo ga kal libɔrjal pu, ki kan mpakm sakpen dulnyaapɔɔn ponn ni. N‑yoonn ngbaan, nimi bi dii mi na mu ga kal ŋibɔrjal kipiik ni ŋilee pu, ki ga ji Israel yaab aanibol kipiik ni ŋilee tibɔr.

UWONBƆR A GBƆNPƆŊ LIKƆƆNL

²⁸ Le Yisa bei bi ke, “N bei ni ibamɔn le, n-yonn man wee Uninfosaal a Big nan kal u naangbann bu nin npɔɔn takpen, dulinya pɔŋ n-yaan ke, nim ban ye n bɔɔnɔɔb nan mu na yin kal tinaangbann piig nin tilee bu le, ki li ji Iziral yaab piig nin bilee a bɔr.

Matiu 19:28 ပူးပေါင်းရင်းမြစ်များ

1 Bibɔrb 18:31

U nan ban ŋitakpal kipiik ni ŋilee, libaa mɔk si ŋinibol kipiik ni ŋilee ŋi joo Jakob aajapɔtiib aayimbil na. Jakob ngbaan le Uwumbɔr nan yin u ke Israel na.

2 Bibɔrb Aabɔr 9:19

Ichinn kipiik ni ilee le u nan naan siin ŋibimbin ngbaan pu. Libaa mɔk aapepel nan kpa uchinn la. Kina aabɔrjal aaboln aa nan ki bi nnaan mubaa ni.

Esra 6:17

Baah nan ban bi di li tii Uwumbɔr na, bi nan kɔr inaaja nkub, ni ipiih ikui ilee, ni ipihbi ikui inaa, ki toor kitork, le ki di iŋoob kipiik ni ilee toor titunwanbir aachapinn aatork; uŋoob ubaa mɔk si Israel aanibol kipiik ni ŋilee na aasisii.

Nnyam 15:27

Le bi ti ki fuu Elim aanyunbun kipiik ni ilee, ni ŋibɔkpal aasui imonko itaa ni kipiik aah si gbɔk i na chee, le ki kal nima.

Nnyam 24:4

Le Moses ŋmee Uwumbɔr aakaal ngbaan mɔmɔk bil. Naah woln na, le u pue kichakpiik ni ki maa kitork aabimbiln lijool ngbaan aataab, le ki di ŋitakpal kipiik ni ŋilee mu ki di chɔɔn chɔɔn, le ŋitakpal ngbaan si Israel yaab aanaakɔsamɔi kipiik ni ilee na.

Nnyam 28:21

Ŋitakpanyaan kipiik ni ŋilee ŋee pu, ni ŋmee Jakob aabijabim kipiik ni bilee na aayimbil paan ŋi pu, aan ni mɔk Israel yaab aanibol.

Aisaya 65:17

Uwumbɔr ki bui ke, “M ki bi naani kitipɔŋ ni kitaapaapɔŋ la. Ubaa aan ki teer n‑yoonn mu jer na aabɔr.

Aisaya 66:22

“Kitaapaapɔŋ ni kitipɔŋ aah ga yunn maapɔɔn pu pu na, kina le niyaabitiib ni nimi aayimbil ga yunn.

Liifai Yaab 24:5

Ni ban n‑yon kuruwaa kipiik ni bilee ki ŋa boroboro kpin kipiik ni ŋilee.

Matiu 16:27

Min Unibɔn Aabo ga fuu ni ki ga li kpa Nte Uwumbɔr aapɔɔn. Le Uwumbɔr aatuuntiib ga li dii mi. N‑yoonn ngbaan le m ga tii binib mɔmɔk lipal, baatuln aah ŋeer pu na.

Matiu 19:27

Le Piita bui u, “Lik, ti nan di timi aawan mɔmɔk di lii ki dii si. Ti ga kan ba aanyoor?”

Matiu 20:21

Le u baa u, “Aa ban ba?” Le u bui u, “Aa yaa jin saanaan kan, cha njapɔtiib bilee ngbaan li ka aa chee, ubaa li ka aaŋangii wɔb, uken mu li ka aaŋangan wɔb.”

Matiu 25:31

“Min Unibɔn Aabo ni maatuuntiib ga fuu ni. Le m ga li kpa mpɔɔn sakpen ki kal maabɔrjal pu ke ubɔrkpaan na.

Matiu 6:33

Ni li ban Uwumbɔr aanaan, ni waasanyaan le waahr; le u ga di tiwan ngbaan mɔmɔk kpee nimi.

Matiu 8:20

Le Yesu bui u, “Iŋɔk kpa yaah koo ibuu i ponn ni na. Inyoon i laani paacham na mu kpa yaadil. Min Unibɔn Aabo ma aa kpa maah ga doon nin chee na.”

Tibɔnyaan ti Mak ŋmee ti na 10:37

Le bi bui u, “Aa yaa ji saanaan ki kan mpɔɔn kan, cha ti ponn ni ubaa li ka aaŋangii wɔb, uken mu li ka aaŋangan wɔb.”

Lituln 3:21

Uma Yesu le ga li bi Uwumbɔr do ki ti saa n‑yoonn mu Uwumbɔr ga toor tiwan mɔmɔk na. N‑yaayoonn na, Uwumbɔr aabɔnabtiib bi bi chain na nan len tibɔr timina.

2 Timoti 2:12

Ti yaa dii u ki kpa limɔr kan, ti ga ji nnaan u chee. Ti yaa len ke taa nyi u kan, u mu ga len ke waa nyi timi.

Josua 3:12

Ni nyan bijab kipiik ni bilee; ni nyan ubaabaa Israel aanibol kipiik ni ŋilee ngbaan ponn ni.

2 Piita 3:13

Uwumbɔr mu aah nan puu tipuur ti na, ti kpa limakl ke paacham pɔɔn ni kitipɔŋ ga li bi. Nima chee le tiwan mɔmɔk ga li bi mbamɔm.

Tibɔkpiirkaan 11:16

Le bininkpiib moninko ni binaa bi ka baabɔrjal pu, Uwumbɔr aanimbiin ni na, doon ŋichichik ki di binimbil kpaa kitiŋ ki dooni Uwumbɔr,

Tibɔkpiirkaan 12:1

Tɔ, le m kan lijinjiir aawan paacham. Upii ubaa nan bi ki pee nwiin. Le uŋmal mu nan bi utaa aataab. Iŋmabi kipiik ni ilee mu nan bi uyil pu. U nan kpa lipuul,

Tibɔkpiirkaan 20:4

Le m kan ŋibɔrjal, ni binib bi ka ŋi pu na. Le Uwumbɔr tii bi nsan ke bi ji binib tibɔr. Bi nan ye binib bi nan kpo Yesu pu na aawiin. Binib nan chuu gii biyil lii; ba pu? bi nan moon tibɔbamɔnn ti Yesu nan kpiir na ni Uwumbɔr aabɔr. Baa dii upeel ngbaan, bee waawaal, kaa gaa waadaan biyigbeer pu, bee biŋaal pu. Bi nan kpa limɔfal ki jin nnaan Kristo chee ŋibin lichur.

Tibɔkpiirkaan 21:5

Le Uwumbɔr u ka libɔrjal ngbaan pu na len ke, “Lik, m ŋa tiwan mɔmɔk nipɔnn.” Le u mu bui mi ke, “Ŋmee kina; ba pu? tibɔr timina ye mbamɔn, ki ga sil ŋa kina.”

Tibɔkpiirkaan 22:2

Le limɔfal aasui si limɔɔl ngbaan aapepel mɔmɔk ŋilee pu, le ki lu ŋisubil libiln ponn ni nfum kipiik ni mulee, uŋmal uŋmal ponn ni. Isui ngbaan aafar le tii ŋinibol mɔk laafee.

Tibɔkpiirkaan 22:5

Kinyeek aan ki li bi. Baan li ban karyaa, kaan li ban nwiin; ba pu? Tidindaan Uwumbɔr le ga li wiin bi pu. Bi ga li ye bibɔrb ki cha n‑yoonn mu kaa kpa ndoon na.

Tibɔkpiirkaan 3:21

Unii umɔk nyaŋ na, m ga cha u kal m chee maabɔrjal pu, ke m mu aah nan nyaŋ pu ki kal Nte Uwumbɔr chee waabɔrjal pu pu na.

Tibɔkpiirkaan 4:4

Le ŋijal moninko ni ŋinaa mu si gob libɔrjal ngbaan. Bininkpiib moninko ni binaa mu ka ŋijal ngbaan pu, ki pee tiwanpiln, ki chik salmaa aayikpupur.

Tibɔkpiirkaan 7:4

Le m ŋun baah daan binib bi na aakahm. Bi nan ye binib ŋichur nkub ni imonko ilee ni ŋinaa, ki nyan ni Israel aanibol mɔmɔk ni.