Matiu 18:4 - Uwumbɔr aagbaŋ

⁴ Unii umɔk sunn ubaa taab ki bi ke ubo waatiir umina aah bi pu na kan, udaan ngbaan le ye uninyuun Uwumbɔr aanaan ni.

UWONBƆR A GBƆNPƆŊ LIKƆƆNL

⁴ Wan jiin u ba ki be ke kibig nan ke, u ma na yin ye wan jon ni biɛn paab a naamin.

Matiu 18:4 ပူးပေါင်းရင်းမြစ်များ

Aisaya 57:15

“Min le ye paacham Aawumbɔr u bi chain ki bi n‑yoonn mɔmɔk na. M bi nin chee paa ki bi chain na la, le ki mu ki bi binib bi sunn bibaa taab aan bisui bii buyoonn bi bee ke bi tun titunwanbir na chee, ki ga pɔɔk bitaakpab ki sɔŋ bisui.

Matiu 18:1

N‑yoonn ngbaan le Yesu aadidiliib dan nan baa u, “Uwumbɔr aanaan ni, ulau tee ye uninyuun?”

Matiu 18:3

le ki bui bi, “M tuk nimi mbamɔn la, ni yaa kaa kpeln ki bi ke bibilb waatiir aah bi pu na kan, naan koo Uwumbɔr aanaan ni.

Matiu 18:5

Unii umɔk gaa ubo umina aaboln maayimbil pu na, u gaa mi le na.”

Tibɔnyaan ti Mak ŋmee ti na 10:43

Nima taa li bi kina man. Ni ponn ni ubaa yaa ban ke u li ye uninyuun kan, u ŋa ubaa ni mɔmɔk aatutunn.

Tibɔnyaan ti Luk ŋmee ti na 14:11

Naatataa le ye ke unii umɔk nyuŋ ubaa na, Uwumbɔr ga sunn u taab. Unii umɔk sunn ubaa taab na, Uwumbɔr ga nyuŋ u.”

Tibɔnyaan ti Luk ŋmee ti na 9:48

le ki tuk bi, “Unii umɔk gaa ubo wee maayimbil pu na kan, u gaa mi le na. Unii umɔk gaa mi na kan, u gaa Uwumbɔr u tun ni mi na le na. Unii u ye uwaatiir ni ponn ni na, uma le ye uninyuun.”

Jemisi 4:10

Ni sunn nibaa taab man Tidindaan aanimbiin ni, le u ga nyuŋ nimi.

1 Piita 5:5

Nimi bi kaa por na, ni li keei binib bi kpeln nimi na aamɔb. Ni mɔmɔk li sunni nibaa taab, ki li ter tɔb. Ba pu? Uwumbɔr Aagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”