Matiu 18:16 - Uwumbɔr aagbaŋ

¹⁶ U yaa yii, kaa kii tii si kan, pɔɔn aabaa ki ban unii ubaa, bee bilee, ki ki buen u chee ki ti kan u, aan binib bilee, bee bitaa ngbaan ŋun tibɔr ngbaan mɔmɔk ki li ye saaseeraadam.

UWONBƆR A GBƆNPƆŊ LIKƆƆNL

¹⁶ Amaa ni ye ke waa chee un gbir seiŋ ke, a yin uninfo uba bee bininfob bilee ki kpiɛ a ba bu, wee nin gbeen nsiim man wɔɔn ke ‘ni ye bininfob bilee bee bita nan gbir tibɔr nmɔn ki kpiɛ a bu ke bi ma ye a siɛra dam.’

Matiu 18:16 ပူးပေါင်းရင်းမြစ်များ

1 Bibɔrb 21:13

Bibiindam bilee ngbaan nan fii sil binib ngbaan mɔmɔk aanimbil ni, ki len ke u puun lii Uwumbɔr ni ubɔr mɔmɔk pu, kina pu le bi nan di u nyan kitiŋ ngbaan ni n‑gbaan ki yur ŋitakpal ku u.

Nkahm 35:30

“Binib yaa pii bilee, bee ki jer kina, ki ye seeraadam ki len mbamɔn ke unikur ngbaan tun taani kan, ni ŋeer bi ku u; unibaan le yaa ye seeraadaan kan, naa ŋeer ke bi ku u.

Jɔnn 8:17

Nimi aakaal ponn ni, ni ŋmee ke binib bilee yaa ji seeraa ki len tibɔbaan kan, baaseeraa ye mbamɔn la.

2 Korenti 13:1

Tɔ, m ga dan nan mann nimi taataa la. Ni yaa galn unii ubaa kan, maan gar nimi, see biseeraadam bilee, bee bitaa len.

Ikaal 17:6

Ni yaa kpa seeraadam bilee, bee ki jer kina, aan bi len ke tibɔr ngbaan gbii kan, ni ku u. Tɔ, ni yaa ye seeraadaan ubaa baanja kan, ni taa ku u.

Ikaal 19:15

“Unibaan aan ŋmaa sil ke u ŋa utunwanbirdaan aaseeraadaan aan ni kii ke waah len pu na ŋeer. Binib bilee, bee bitaa ga ŋmaa ŋa seeraadam, le baah len pu na, ni kii ke utunwanbirdaan ngbaan aabɔr bii.

1 Timoti 5:19

Tɔ, bi yaa galn Yesu aanib aaninkpel kan, taa gar baah len pu na, see biseeraadam bilee bee bitaa len kina.

Hiibru Yaab 10:28

Unii ubaa yaa nan yii Moses aakaal kan, biseeraadam bilee, bee bitaa, yaa len ke ti gbii kan, le bi ku u, kaa san u kinimbaak.

Tibɔkpiirkaan 11:3

Le m ga tun ni maaseeraadam bilee bi nan moon Uwumbɔr aabɔr ki ti saa iwiin lichur ni ikui ilee ni imonko itaa, ki ga li pee tiwanpeenkaan ni saak kuub na.”