Matiu 17:6 - Uwumbɔr aagbaŋ

⁶ Waadidiliib aah ŋun nneel ngbaan pu na, le bi san ijawaan sakpen, le ki lir kitiŋ lichichikr.

UWONBƆR A GBƆNPƆŊ LIKƆƆNL

⁶ Yisa a bɔɔnɔɔb nan kaah gbir likukɔl nmɔn ni, le bijawaam choo bi, le bi lu gbaan tum.

Matiu 17:6 ပူးပေါင်းရင်းမြစ်များ

1 Bibɔrb Aabɔr 21:16

David nan kan ntuun ngbaan gaar si libuln ni paacham, ki joo kijaak aajuk uŋaal ni ki gor ke u ti bii Jerusalem. Le David ni binib ngbaan aasalolm, bi mɔmɔk nan pee tiwanpeenkaan ni saak kuub na, gbaan le ki di binimbil chiŋ kitiŋ.

Esekiel 3:23

M nan fii buen kifataŋ ni, le ki ti kan Uwumbɔr aanyuŋ wiin chain nima chee, ke maah nan kan Kebar Aamɔɔl chee pu na. M nan tar lir kitiŋ lichichikr,

Esekiel 43:3

Tidaŋ aawan ngbaan bi ke maah nan kan ni aan Uwumbɔr choo u nan kuln Jerusalem aatiŋ na, ni maah ti kan ni mu Kebar Aamɔɔl chee na la. M nan tar lir kitiŋ lichichikr.

Daniel 8:17

Le Gabriel dan nan sil gbaŋ mi, le ijawaan chuu mi le m lir kitiŋ. Le u bui mi ke, “Unibɔn, bee tiwan ngbaan aatataa. Tidaŋ ngbaan ye dulnyaa wee aah ga nan doo pu na aabɔr la.”

Liifai Yaab 9:24

Libuul ngbaan ni, le Uwumbɔr cha mmii nyan ni paacham ki nan wun kitork ki bi ban bi di see mmii ni na aapiin, ni nkpan, libimbiln paab. N‑yoonn mu binib ngbaan kan kina na, le bi teen mpɔɔn pu, ki tar lir kitiŋ lichichikr.

Matiu 17:5

Waah beenin bi len kina na, libuul ngbaan ni le ntaalangbapiin dan nan biin bi pu. Le nneel len ntaalangbapiin na ponn ni ke, “Njapɔɔn u m gee u na sɔ. Nnimbil gbiin u. Li ŋun waah len pu na man.”

Matiu 17:7

Le Yesu dan nan meeh bi, ki bui bi, “Fii man. Taa san ijawaan man.”

Lituln 22:7

Le m lir kitiŋ, ki ŋun nneel len ke, ‘Sɔɔl, Sɔɔl, ba ŋa aa ŋa mi falaa?’

Lituln 26:14

Le ti mɔmɔk lir kitiŋ. Le m ŋun nneel len Juu yaab aaliin ponn ni ke, ‘Sɔɔl, Sɔɔl, ba ŋa aa ŋa mi falaa? Ni pɔɔ aa di aataal lee ikokon.’

2 Piita 1:18

Timi tibaa nan ŋun nneel ngbaan nyan ni paacham, buyoonn ti nan bi u chee Uwumbɔr aajool paab na.

Bibɔjirb 13:20

Imiigaal aah nan nyan libimbiln ngbaan pu ki fii paacham na, le Manoa ni upuu kan Uwumbɔr aatuun ngbaan bi imiigaal ngbaan ni, ki fii toŋ paacham. N‑yoonn ngbaan le Manoa nin bee ke uja na ba ye Uwumbɔr aatuun la, le u ni upuu tar lir kitiŋ bipuu pu. Baa nan ki kan ntuun ngbaan daalbaadaal.

Bibɔjirb 13:22

Manoa nan bui upuu ke, “Tinimbil aah kan Uwumbɔr na, ti ga kpo.”