Matiu 15:27 - Uwumbɔr aagbaŋ

²⁷ Le u bui u, “Ndindaan, ni ye mbamɔn la; ibɔ mu tee ji ŋijikaabol ŋi nyan ni idindaan aateebul pu ki lir ni kitiŋ na.”

UWONBƆR A GBƆNPƆŊ LIKƆƆNL

²⁷ Le upii nmɔn jiin ke, “Nn, Uyudaan, ni sin ye ibamɔn le; amaa ibɔ yan dɔ bi dam a jijibol kaa lan ijibul yan lur bi dam a nintogil a piimi.”

Matiu 15:27 ပူးပေါင်းရင်းမြစ်များ

Mpiin 32:10

Lik saah ŋa mi, saanaagbiija, tiŋann, ni saah kii mi ki joo mi pu na; maa ba ŋeer aa ŋa mi kina. Maah nyan ni nte do ki puur Jɔɔdann aamɔɔl na, m nan joo kijaangbeek baanja la, le dandana wee, sin pu, m kpa ŋiniker ŋilee, ni tiwakor ŋiker ŋilee ŋimina.

Esekiel 16:63

M ga di cha pinn si saah tun taani u mɔmɔk na, aa mu tee ga teer taani ngbaan bɔr, le inimɔɔn ga chuu si sakpen, le saan ki ŋmaa waar aamɔb.” Aadindaan Uwumbɔr le len kina.

Daniel 9:18

Uwumbɔr, pel ti chee, lik timi, ki kan taah bi tibɔr ti ponn ni na, ki lik kitiŋ ki bi di saayimbil yin ki na aamukl. Saah san unibɔn kinimbaak pu na, le ti mee si, naa ye ke ti tun ni ŋan na la.

Matiu 15:26

Le Yesu bui u, “Ti yaa di mbim aajikaar ki di tii ibɔ kan, naa ŋan.”

Matiu 15:28

Le Yesu bui u, “Upii, aa gaa mi ki kii mbamɔm la. Saah ban pu na, ni ŋa kina ki tii si.” Libuul ngbaan ni le ubisal pɔɔk, kaa ki bun.

Matiu 5:45

Ni yaa ŋani kina kan, ni ga li ye Nite Uwumbɔr u bi paacham na aabim; uma le cha waawiin puur ki woln tiniwanbir ni bininyaam pu, ki cha utaal nu ki tii binib bi ŋan na, ni binib bi kaa ŋan na.

Matiu 8:8

Le u bui u, “Ndindaan, maa ŋeer aa dan ndo ki nan koo maadichal ni. Aa yaa po len ke ‘Pɔɔk’ kan, maatutunn ngbaan ga pɔɔk.

Tibɔnyaan ti Mak ŋmee ti na 7:28

Le u bui u, “Ndindaan, ni ye mbamɔn la; ibɔ mu tee dɔ teebul taab ki ji mbim aajikaabol ŋi lir kitiŋ na.”

Tibɔnyaan ti Luk ŋmee ti na 16:21

Le u ban ke u li peei ŋisaabol ŋi nyan uwankpadaan ngbaan aateebul paab ki lir kitiŋ na ji. Le ibɔ mu choo nan lakr waabuun ngbaan.

Tibɔnyaan ti Luk ŋmee ti na 18:13

“Ulampoogaar ngbaan nan sil dandar, kaa kaa u waan lik paacham. U nan po si jik uyil, le ki bui ke, ‘Uwumbɔr, san mi titunwanbirdaan kinimbaak,’ le ki siir kun.

Rom Yaab 10:12

Binib bi ye Juu yaab na, ni binib bi kaa ye Juu yaab na mɔmɔk kpaan la. Uwumbɔr le ye bi mɔmɔk Aadindaan, ki ŋa tinyoor sakpen ŋa binib bimɔk mee u ke bi ŋmar na pu.

Rom Yaab 3:19

Tɔ, ti nyi ke nkaal aah len pu na mɔmɔk len binib bi bi mu chee na la. Nima le dulnyaa wee ni aanib mɔmɔk aabɔr bii Uwumbɔr chee. Ubaa aan ŋmaa len tibaa ke u nyan ubaa tibɔr ni Uwumbɔr chee.

Rom Yaab 3:29

Uwumbɔr ye Juu yaab baanja Aawumbɔr la aa? Waa ye binib bi kaa ye Juu yaab na mu Aawumbɔr aa? Mbamɔn, u ye.

Rom Yaab 3:4

U ga gbiin ti. Binib mɔmɔk yaa ye binyamɔndam kan, Uwumbɔr ma ye mbamɔndaan la. Ni ŋmee waagbaŋ ni ke, “Bi ga kan ke saah len pu na ye mbamɔn, Aa yaa jin binib tibɔr kan, aa kpa mbamɔn la.”

Efesusi 3:19

Waah gee timi pu na jer unii aah ga ŋmaa bee pu na. M ban ke ni bee waah gee nimi pu na aan nimi aabimbin li bi ke waah bi pu na mbamɔm.

Efesusi 3:8

Maa pii Uwumbɔr aaniwaatiir ubaa, le u mu tee tii mi litunyaan limina, ke m buen binib bi kaa ye Juu yaab na chee, ki ti moon tibɔnyaan tee, ki tuk bi Kristo aah ŋan sakpen pu na,