Matiu 15:14 - Uwumbɔr aagbaŋ

¹⁴ Taa gar bi man. Bi ye bisanmɔkb bi jɔb na la. Ujoon yaa mɔk ujoon nsan kan, bi mɔmɔk bilee ga lir libuul ponn ni la.”

UWONBƆR A GBƆNPƆŊ LIKƆƆNL

¹⁴ Ni jiɛn baah, bi nann bijɔɔm le ki da bi jɔɔn tab; ke ni ye ujɔɔn da ujɔɔn kpiɛg ke, see ke bi biɛn tan lu kiboogin.”

Matiu 15:14 ပူးပေါင်းရင်းမြစ်များ

Aisaya 31:3

Ijipt aanib mu po ye binibɔm la, baa ye Uwumbɔr. Baataan mu aa ye lijinjiir aawan nibaa. Uwumbɔr yaa ban u tun waah ban pu na kan, litimbol li kpa mpɔɔn na ga bur, le litimbol li kaa pɔɔ aan li ter li na ga lir. Ŋimɔk ga kuln la.

Aisaya 42:19

Ubaa ki bi ki jɔb jer maatutunn aa? Ubaa kpaa jer maatuun mu m tun na aa?

Aisaya 56:10

U bui ke, “Israel yaab aakikiirb mɔmɔk ye bijoom la. Ni ye baatuln ke bi sur maanib, le baa nyi nibaa. Bi naahn ibɔja i kaa gbei na la, bi po dɔ geen la, le ki daŋni tidaŋ. Bi gee ngeen jer tiwan mɔmɔk.

Aisaya 9:16

Binib bi loln bi pu nsan na di bi yenn a, ki cha bilan ŋmal bi.

Jeremia 5:31

maabɔnabtiib geei inyamɔn ŋmeen la; le bitotoorb di bibaa aapɔɔn le joo binib, le maanib gee kina la. Tɔ, nimina mɔmɔk ti doo kan, bi ga ŋa kinye?”

Jeremia 6:15

Baa nan san inimɔɔn, baajɔŋ aatun ŋee pu. Aayii, baa nan san inimɔɔn kpala; baa kpaan nyi baah ga mɔk pu ke inimɔɔn joo bi na. Kina pu le bi mu ga lir ke biken aah lir pu na; m yaa nan daa bitafal kan, baadoon le ga li bi na. Min Uwumbɔr le len kina.”

Jeremia 8:12

Maanib aa nan san inimɔɔn baajɔŋ aatun ŋee pu. Mbamɔn, baa nan san inimɔɔn kpala; naa kpaan nyi naah ga mɔk pu ke inimɔɔn joo nimi na. Kina pu le ni ga lir ke biken aah lir pu na; m yaa nan daa nitafal kan, naadoon le na. Min Uwumbɔr le len kina.

Hosea 4:17

Ŋiwaa le chuu Israel aanib. Cha bi li dii baah gee nsan mu na.

Malakai 2:8

“Le nimi bitotoorb yii isan i ŋan na. Naah mɔk binib pu na cha bi yenn ki tun titunwanbir la. Ni bii tipuur ti m nan puu tii nimi aayaaja Liifai na.

Tibɔnyaan ti Luk ŋmee ti na 6:39

Le Yesu ŋakl bi liyataŋakl ke, “Ujoon ga ŋmaa mɔk ujoon nsan aa? Bi mɔmɔk bilee aan lir libuul ponn ni ii?

Jɔnn 9:39

Le Yesu bui ke, “M dan dulnyaa wee ni, m nan ji binib tibɔr, ki woln binib bi aanimbil aa woln na aanimbil, ki jɔb binib bi aanimbil woln na aanimbil.”

1 Timoti 6:5

Le binib bi dak ilandakbir na kpak tɔb kinikpakpak. Baa ki nyi mbamɔn. Bi dak ke Uwumbɔr aasan ye liwankpal aasan la. [Nya binib ngbaan chee.]

2 Piita 2:1

Biŋmaŋmannim mu nan bi Israel yaab ponn ni n‑yoonn ngbaan, ki ŋmanni ke bi ye Uwumbɔr aabɔnabr la. Le biŋmaŋmannim ga li bi ni mu ponn ni, ki ga li looni ki mɔk nimi nnyamɔn aamɔkm mu ga bii nimi na. Hali bi ga yii Tidindaan u nan gaa bi lii na. Nima pu le Uwumbɔr ga daa bitafal mbamɔm mala.

2 Piita 2:17

Biŋmaŋmannim ngbaan naahn inyunbun i kaa kpa nnyun na, ki naahn utaal u yun ki bɔln ki joo libuln kaa nu na la. Uwumbɔr ga di bi ŋa mbɔmbɔɔn sakpiin ni, n‑yoonn mu kaa kpa ndoon na.

Tibɔkpiirkaan 19:20

Le u chuu upeel ngbaan, ni waabɔnabr u nan tun lijinjiir aatun unimbiin ni ki ŋmanni binib bi nan gaa upeel ngbaan aadaan ki dii waawaal na. Bi nan chuu upeel ngbaan ni waabɔnabr ngbaan ki di ŋa chirbil aamii sakpiin ni, bifuub.

Tibɔkpiirkaan 22:15

Le tiniwanbir, ni bibɔɔb, ni bidagoob, ni binikurb, ni biwaadam, ni binyamɔndam, ni biŋmaŋmannim ma kan, baan koo ni kitiŋ ngbaan ni.