Matiu 13:57 - Uwumbɔr aagbaŋ

⁵⁷ Bi nan len kina le ki yii u. Le Yesu bui bi, “Binib pak Uwumbɔr aabɔnabtiib see bido aatiŋ ni aanib, ni baachiln ni aanib baanja le aa pak bi.”

UWONBƆR A GBƆNPƆŊ LIKƆƆNL

⁵⁷ Mambu le bi ŋuui nan fii u bu. Le u bei bi ke, “Ulinlenn kaa jɔɔ jilima u baantɔɔl a tiŋ nin u niin ni.”

Matiu 13:57 ပူးပေါင်းရင်းမြစ်များ

Aisaya 49:7

Israel yaab Aawumbɔr u bi chain, ki gaal bi lir na bui baah lik unii u fam na, aan ŋinibol mɔmɔk yii u, aan u ye bitinjoob aanaagbiija na ke: “Bibɔrb ga kan ke aa nyan saamuk ni le ki ga fii sil ki tii si kipak; Kitiŋ aajojoob mu ga kan kina, le ki gbaan kitiŋ ki nyuŋ si.” Uwumbɔr aah lee waatutunn pu na le ga cha kina ŋa; Israel yaab Aawumbɔr u bi chain na joo waah puu tipuur ti na la.

Aisaya 53:3

Ti lik u fam ki yii u; u nan kan falaa ni iween. Ubaa aa ban ke u lik kan u, ti suln ubɔr ke waah kaa ye nibaa le na.

Aisaya 8:14

Maah bi chain sakpen pu na, m naahn litakpal li binib gbeer li na la. M naahn kitaŋ ki chuu Israel ni Juda aanaan aanib, ni Jerusalem aanib na la.

Matiu 11:6

Unii u kaa joo mi beeni na, Uwumbɔr aanyoor bi u pu.”

Matiu 13:58

Baah kaa gaa u ki kii na, waa nan tun lijinjiir aatun pam nima chee.

Tibɔnyaan ti Mak ŋmee ti na 6:1

Yesu nan siir nima chee, ki gir buen udo aatiŋ ni. Le waadidiliib dii u.

Tibɔnyaan ti Mak ŋmee ti na 6:14

Yesu aayimbil nan moon ŋipepel mɔmɔk ni. Le Ubɔr Herod mu ti ŋun u pu, le ki bui ke Jɔnn u nan muini binib nnyun ni na le fikr nkun ni, nima le cha u kpa mpɔɔn ki tun lijinjiir aatun ngbaan.

Tibɔnyaan ti Mak ŋmee ti na 6:3

Waa ye kapenta na aa? Waa ye Mari aajapɔɔn la aa? Waa ye Jems, ni Joses, ni Judas, ni Simonn aakpel la aa? Uninkpatiib aa bi do chee na la aa?” Binib ngbaan nan len kina ki yii u.

Tibɔnyaan ti Mak ŋmee ti na 6:4

Le u bui bi, “Binib pak Uwumbɔr aabɔnabtiib la, see bido aatiŋ ni aanib, ni baamaal, ni baachiln ni aanib baanja le aan pak bi.”

Tibɔnyaan ti Luk ŋmee ti na 4:24

M tuk nimi mbamɔn la, binib aan nyuŋ Uwumbɔr aabɔnabr ubaa udo aatiŋ ni.

Tibɔnyaan ti Luk ŋmee ti na 7:23

Unii u kaa joo mi beeni na, Uwumbɔr aanyoor bi u pu.”

Jɔnn 4:44

Uma ubaa le len ke Uwumbɔr aabɔnabr ma kan, udo aatiŋ ni aanib aan nyuŋ u.

Jɔnn 6:42

Le bi baa tɔb ke, “Uja wee aa ye Josef aajapɔɔn Yesu uu? Ti nyi ute ni una. Ba ŋa u len ke u nyan ni paacham?”

Jɔnn 6:61

Le u bee usui ni ke bi ŋulni tibɔr ngbaan pu, le ki baa bi, “Timina le kiir nimi maasan ni ii?