Matiu 13:52 - Uwumbɔr aagbaŋ

⁵² Le u bui bi, “Unii u tuk binib Uwumbɔr aakaal na yaa dii mi kan, u naahn udichadaan u nyan ni waawankpal ponn ni tiwankpokr ni tiwapɔnn.”

UWONBƆR A GBƆNPƆŊ LIKƆƆNL

⁵² Le u bei bi ke, “Mambu, ban wɔɔn Uwonbɔr a siim biɛn wee bi wɔɔn bi ki jiin paab a naamin paam nbamɔm ke, bi nann uniindaan wan nyan u wan kpegir nin u wan pɔnn biɛn u naapɔɔgin le.”

Matiu 13:52 ပူးပေါင်းရင်းမြစ်များ

Esra 7:10

Esra nan di ubaa tii Uwumbɔr Aakaal aabaem la, le ki tun yaah len pu na, ki joo i, ni yaah len pu na mɔk Israel aanib.

Esra 7:21

“M siin Yufrates aamɔɔl aawilir aapepel aaninkpiib bi tun nnaan aamombil aatuln na, ke bi tii Esra, u ye ugbanbae ki nyi Uwumbɔr u bi Paacham na Aakaal mbamɔm na, tiwan ni mɔmɔk u ban na,

Esra 7:6

Esra nan ye ugbanbae la, le ki nyi Israel yaab Aadindaan Uwumbɔr aakaal i u nan di tii Moses na mbamɔm. Esra Aadindaan Uwumbɔr aah nan bi u chee pu na, ubɔrkpaan ngbaan nan tii u tiwan ni mɔmɔk u ban na la. Ataksekes aanaan yoonn aabilolole ni, le Esra, ni Israel yaab bibaa, ni bitotoorb, ni Liifai yaab, ni Uwumbɔr Aadichal ni aawangbaab ni bilahngaab, ni bikikiib, ni bitutum, nan nyan Babiloŋ ki cha Jerusalem.

Ŋiyataŋak 11:30

Mbimbinyaan tii limɔfal la, le mbiin ma junni li.

Ŋiyataŋak 15:7

Binib bi kpa nlan na le joo nlan tii biken, naa ye bijɔrb.

Ŋiyataŋak 18:4

Unii aamɔbon ga ŋmaa li kpa nlan, ki nyoo ke nnyusakpem aah nyoo pu na, ki bi chain ke nkpen mu puu na.

Solomonn Aalahn 7:13

Aa ga ŋun ŋisubil aasufar aanunun pu, ni ŋisubil ŋi mɔmɔk nu mɔ na timi aabisamɔb chee. Mbɔɔn, m di tiwanyaan kpok ni nipɔnn mɔmɔk siin kiir si la.

Matiu 12:35

Ilandak nyaan bi uninyaan aasui ni, nima le u ga len iliin i ŋan na. Ilandak i kaa ŋan na bi unii u kaa ŋan na aasui ni, nima le u ga len iliin i kaa ŋan na.

Matiu 13:51

Le Yesu baa bi, “Ni bee tibɔr timina mɔmɔk aatataa aa?” Le bi kii, “Een.”

Matiu 13:53

Waah nan ŋakl ŋiyataŋak ngbaan ti doo na, le u siir nima,

Matiu 23:34

Nima pu le m ga tun ni Uwumbɔr aabɔnabtiib ni bilankpalb ni bimɔmɔkb ni chee. Le ni ga ku bibaa, ki kpaa bibaa mu idɔpuinkee pu, ki gbaa bibaa mu ŋinaalab nimi aameen aadir ni, ki ŋa bi falaa ntim mɔmɔk ni.

Matiu 28:19

Li cha man ŋinibol mɔmɔk chee, ki ti ŋa bi maadidiliib, ki muin bi nnyun ni, Nte Uwumbɔr, ni min Ujapɔɔn, ni Nfuur Nyaan aayimbil pu,

Tibɔnyaan ti Luk ŋmee ti na 11:49

Nima pu le Uwumbɔr aah kpa nlan pu na, u bui ke, ‘M ga tun bibɔnabr ni bitutum bi chee. Le bi ga ku ngem ki ŋa biken mu falaa.’

Jɔnn 13:34

M tii nimi nkaal pɔɔn la, ke ni li gee tɔb. Maah gee nimi pu na, ni mu li gee tɔb kina.

2 Korenti 6:10

Tisui bii la. Yesu pu, le ti kpa mpopiin n‑yoonn mɔmɔk. Ti ye bigiim la, le ki ŋa binib pam biwankpadam Uwumbɔr chee. Taa kpa dulnyaa wee ni aawan nibaa, ti kpa paacham aawan mɔmɔk. Nimina mɔmɔk le mɔk ke ti sil ye Uwumbɔr aatutum.

Efesusi 3:4

Ni yaa karn maah ŋmee pu na kan, ni ga bee maah nyi Kristo aabɔbɔrkaan pu na.

Efesusi 3:8

Maa pii Uwumbɔr aaniwaatiir ubaa, le u mu tee tii mi litunyaan limina, ke m buen binib bi kaa ye Juu yaab na chee, ki ti moon tibɔnyaan tee, ki tuk bi Kristo aah ŋan sakpen pu na,

Kolosiya 1:7

Timi aatutuŋeer Epafras u ti gee u na le nan tuk nimi Uwumbɔr aanimbaasaln pu. Uma Epafras le si timi aasisiiyaan ki tun Kristo aatuln mbamɔm ki ter nimi.

Kolosiya 3:16

Cha Kristo aabɔr li bi nisui ni sakpen, ki tii nimi nlan. Ni li tuk tɔb waabɔr, ki li sur tɔb, ki li gaa ilahn i bi Uwumbɔr Aagbaŋ ni na, ni waanib aalahn, ni ilahn i Waafuur Nyaan mɔk nimi na. Ni li gaa ilahn ngbaan, ki li dooni Uwumbɔr nisui ni.

1 Timoti 3:6

U taa li ye unii u kaa yunn Uwumbɔr aasan ni na. U yaa ye unii u kaa yunn Uwumbɔr aasan ni na kan, nibaakan, u ga li kpa kigaak, ki kan ntafadaan ke kinimbɔŋ na.

Taitus 1:9

ki li joo taah nan tuk u tibɔnyaan ti ye Uwumbɔr aabɔr bamɔnn na, aan ki mɔk binib mmɔkm mu ŋan na, ki pɔɔk bitaakpab, ki len tibɔr ki nyaŋ binib bi kpak u kinikpakpak na.