Matiu 13:44 - Uwumbɔr aagbaŋ

⁴⁴ “Uwumbɔr aanaan naahn liwankpal li bɔɔ bukpaab ni, kitiŋ ponn ni na la. Le uja ti kan liwankpal ngbaan, le ki ki di biin li pu. Le ni mɔ u ki ti nyaŋ. Le u buen ke u ti kooh waawan mɔmɔk, ki gir ti daa bukpaab ngbaan.”

UWONBƆR A GBƆNPƆŊ LIKƆƆNL

⁴⁴ “Paab a naamin nann lifaal lan woo nkpapaan ni le, le uja uba nan kan ki mann woon li, le ki kun nin npopeen ki tan kɔɔr waah jɔɔ nan biɛn, le ki daa nkpapaan nmɔn.

Matiu 13:44 ပူးပေါင်းရင်းမြစ်များ

Job Aagbaŋ 28:13

Saan ŋmaa kan nlan binib ni, ubaa aa nyi nlan aanyoor mbamɔm.

Ŋiyataŋak 16:16

Ni ŋan ki ti nyaŋ ke aa li kpa nlan ni ichiin, ki jer salmaa ni ŋimombil.

Ŋiyataŋak 17:16

Ujɔr yaa ji waamombil tiwan aabaem pu kan, naa kpa u tinyoor tibaa, ba pu? waa kpa kpakpaln aalan.

Ŋiyataŋak 18:1

Binib bi kaa gee kaa biken chee na aatafal aa bi biken aabɔr ni; bi ga yii tiwan ni binib biken nyi ke ni ye tiwanyaan na.

Ŋiyataŋak 23:23

Mbamɔn, ni ichiin, ni mbaem, ni nlan mu ŋan na, le ye tiwan ni ŋan ke aa di saamombil pa ni pu na, le ki ye tiwan ni saan ŋmaa di kooh na.

Aisaya 55:1

Uwumbɔr bui ke, “Dan man, unii umɔk nnyunyuu joo u na, nnyun le na do. Nimi bimɔk aa kpa ŋimombil na, dan man, nan daa tijikaar ki ji man. Dan man, nan daa ndaan ni nnaabiin man, naan pa limombil libaa.

Matiu 13:24

Yesu nan ki ŋakl bi liyataŋakl liken ke, “Uwumbɔr aanaan naahn ukpaal u yaa ipui i ŋan na waakpaab ni na la.

Matiu 13:46

le ki ti kan nleenyaan mu kpa kidaak sakpen na, le ki buen ti kooh waawan mɔmɔk, ki ti daa nleenyaan ngbaan.”

Matiu 13:47

“Uwumbɔr aanaan naahn kipɔɔk ki bijanbam di mee nnyun ni ki chuu ijan mɔk aabɔŋ na la.

Matiu 19:21

Le Yesu bui u, “Aa yaa ban ke aa li bi mbamɔm kan, buen ti kooh saah kpa tiwan nimɔk na, ki di ŋimombil ngbaan di tii bigiim, aan ki li kpa liwangol paacham, aan ki dan nan dii mi.”

Matiu 19:27

Le Piita bui u, “Lik, ti nan di timi aawan mɔmɔk di lii ki dii si. Ti ga kan ba aanyoor?”

Matiu 19:29

Unii umɔk di cha waadichal, bee ukpetiib, bee unaatiib, bee uninkpatiib, bee ute, bee una, bee waabim, bee tisar, maayimbil pu na kan, u ga kan kina nfum nkub, ki ga li kpa limɔfal li kaa kpa ndoon na.

Matiu 6:21

Saawankpal aah bi nin chee na, aasui mu bi nima la.”

Tibɔnyaan ti Luk ŋmee ti na 14:33

Ŋiyataŋak ngbaan aatataa le ye ke aa yaa kaa yii saah kpa nimɔk na kan, saan ŋmaa dii mi.”

Jɔnn 6:35

Le u bui bi, “Min le ye limɔfal aajikaar. Unii umɔk dan m chee na kan, nkon aan ki chuu u. Unii umɔk gaa mi ki kii na, nnyunyuu aan ki chuu u.

Rom Yaab 15:4

Tiwan nimɔk ŋmee Uwumbɔr Aagbaŋ ponn ni na, ni ŋmee ke ti bae ni la. Waagbaŋ pɔɔni timi aataakpab, ki ter timi ti li kpa limɔr, ki tii timi limakl.

Kolosiya 2:3

Uma baanja le ga ŋmaa tii timi nlan mu ye nlan bamɔnn na. Uma baanja le ga ŋmaa mɔk timi nnyim mɔmɔk.

Kolosiya 3:16

Cha Kristo aabɔr li bi nisui ni sakpen, ki tii nimi nlan. Ni li tuk tɔb waabɔr, ki li sur tɔb, ki li gaa ilahn i bi Uwumbɔr Aagbaŋ ni na, ni waanib aalahn, ni ilahn i Waafuur Nyaan mɔk nimi na. Ni li gaa ilahn ngbaan, ki li dooni Uwumbɔr nisui ni.

Hiibru Yaab 10:34

ki san binib bi bi kiyondiik ni na kinimbaak. Binib aah gaa nimi aawan mpɔɔn pu na, le ni nan kpa mpopiin; ba pu? ni nyi ke ni kpa tiwan paacham ni jer baah gaa ni na, ke tiwan ngbaan ga li bi n‑yoonn mu kaa kpa ndoon na.

Tibɔkpiirkaan 3:18

Nima pu na, m sur nimi ke ni daa m chee salmaa u bi di pu mmii ni aan u ŋa chain na, aan ki sil li ye biwankpadam; ki daa m chee tiwanpeenkaan ni piin na ki di peen, aan binib taa ki kan naah si niŋmeen pu na; ki daa m chee linimbil aanyɔk ki di mee ninimbil aan ki likr.