Matiu 13:35 - Uwumbɔr aagbaŋ

³⁵ Waah ŋa kina na, le ni gbiin Uwumbɔr aabɔnabr aah nan len pu na ke, “M ga waar mmɔb ki ŋakl ŋiyataŋak, ki len tibɔbɔrkaan ti nan bɔr buyoonn Uwumbɔr nan naan dulnyaa wee ki nan saa dandana wee na.”

UWONBƆR A GBƆNPƆŊ LIKƆƆNL

³⁵ Le ni nan gbeen ulinlenn kaah nan pag ki ke: “N li loor n mɔb ki gaa ibɔŋal, n li pag tiwann tan nan woo hali dulinya a naan daal.”

Matiu 13:35 ပူးပေါင်းရင်းမြစ်များ

Ilahn 49:4

M ga labr koo ŋiyataŋak ni la, le ki di kibeek gbaa kpiir ŋaatataa.

Ilahn 78:2

M ban m di nlan aabɔr le len ki kpiir tuk nimi n‑yaayoonn na aabɔbɔrkaan,

Aisaya 42:9

Maah nan bui ke tiwan nimɔk ga ŋa na gbiin kina. Dandana m ga bui si tiwapɔnn ni ga ŋa na waahr aan ni nin piin ki bi ŋani.”

Amos 3:7

Tidindaan Uwumbɔr aa ŋani waawan nibaa kaa puen di ni kpiir mɔk waatutum bi ye waabɔnabtiib na.

Matiu 13:14

Baah bi pu na, le ni gbiin Uwumbɔr aabɔnabr Aisaya aah nan len pu na ke, ‘Bi ga pel ki pel, kaan bee Uwumbɔr aaliin aatataa. Bi ga lik ki lik kaan li waa.

Matiu 13:3

Le u tuk bi tibɔr pam ŋiyataŋak ponn ni, le ki bui ke, “Ukpaal ubaa le nan buen u ti yaa njikaabim.

Matiu 25:34

Le min, u ye Ubɔrkpaan ngbaan na, ga bui binib bi si ŋŋangii wɔb na, ‘Nimi bi Nte Uwumbɔr ŋa tinyoor ŋa ni pu na, dan nan ji nnaan mu u nan toor siin nimi, buyoonn u nan naan dulnyaa wee na.

Matiu 5:2

Le u waar umɔb ki bui bi ke:

Tibɔnyaan ti Luk ŋmee ti na 10:14

Bundaln Uwumbɔr ga ji binib tibɔr na, nimi aatafadaan ga jer Taya aatiŋ aanib ni Saidonn aatiŋ aanib aatafadaan.

Jɔnn 17:24

“Nte Uwumbɔr, saah tii mi binib bi na, m ban bi mu li bi maah bi nin chee na, ki kan saah nyuŋ mi pu na; saah kaa nan kee naan dulnyaa buyoonn na, aa nan gee mi.

Lituln 15:18

Uwumbɔr le len kina. N‑yaayoonn na ki joo cha, u nan tuk binib tibɔr timina.’”

1 Korenti 2:7

Ti len Uwumbɔr aabɔbɔrkaan aalan mu nan bɔr na aabɔr la. Uwumbɔr aah kaa nan kee naan dulnyaa wee na, u nan dakl nlan mue, ke ti mu ji waamɔɔn.

Efesusi 3:5

Uwumbɔr aa nan kpiir tibɔbɔrkaan ngbaan mɔk n‑yaayoonn na aanib. Dandana wee le Waafuur Nyaan kpiir ti, ki mɔk Yesu aakpambalb ni waabɔnabtiib bi bi chain na.

Efesusi 3:9

ki kpiir tibɔbɔrkaan mɔk binib mɔmɔk, ke binib bi kaa ye Juu yaab na mu ga ŋmar. Uwumbɔr u nan naan tiwan mɔmɔk na le nan bɔr tibɔbɔrkaan ngbaan ki nan saa dandana.

Hiibru Yaab 1:1

N‑yaayoonn na Uwumbɔr nan cha waabɔnabtiib tuk tiyaajatiib waabɔr ki di tiwan aabɔŋ aabɔŋ ŋaŋ waasan.

Tibɔkpiirkaan 13:8

Le dulnyaa ni aanib bimɔk aayimbil aa ŋmee Uwumbɔr Aapihbo u bi nan ku u na aamɔfal aagbaŋ ni buyoonn Uwumbɔr aa nan kee naan dulnyaa wee na ga dii upeel ngbaan.

Tibɔkpiirkaan 17:8

Upeel u kpa ŋiyil ŋilole ni iyiin kipiik aan aa kan u na, u nan bi, kaa ki bi. Ni yaa kpee siib kan, u ga nyan ni libuul li nyoo kaa kpa limɔk na ni, ki cha nin chee bi ga kuln u. Le dulnyaa ni aanib bi aayimbil aa ŋmee limɔfal aagbaŋ ni buyoonn Uwumbɔr aa nan kee naan dulnyaa wee na, yaa kan upeel ngbaan kan, ni ga gar bi pam; ba pu? u nan bi, kaa ki bi, ki ga ki gir ni.