Matiu 13:33 - Uwumbɔr aagbaŋ

³³ Yesu nan ki ŋakl bi liyataŋakl liken ke, “Uwumbɔr aanaan naahn boroboro aanyɔk mu upii nan di ŋa boroboro aayon ponn ni, aan boroboro ngbaan mɔk duun na la.”

UWONBƆR A GBƆNPƆŊ LIKƆƆNL

³³ Le Yisa ji gaa bi libɔŋal ki kpiɛ ke: “Paab a naamin nann boroboro a nyɔgim man wee u pii ti ŋa ke un ta ŋmarin boroboro a yom man yabin wee min nan miir ki fugir ki do-n le.”

Matiu 13:33 ပူးပေါင်းရင်းမြစ်များ

Mpiin 18:6

Le Abraham nan san buen waadiik ni, upuu Sara chee, ki ti bui u ke, “Ŋa mala, ki ban n‑yon mu ŋan na, ki ŋa tijikaar,”

2 Samuel 13:6

Kina pu le Amnonn ŋmann ke u bun la, le ki koo ti doon. Ubɔr David nan buen u ti lik u, le Amnonn bui u ke, “M gaŋ si ke aa cha Tamar dan ki nan ŋa maab siib do, nin chee m ga li waa u na, aan ki nan di bi tii mi ubaa.”

Job Aagbaŋ 17:9

Binib bi bui ke bi ye kipak aanib na moo kani ntaakpab pɔɔn ke bima le kpa mbamɔn.

Ŋiyataŋak 4:18

Mbimbinyaandam aah dii nsan mu na naahn nwiin aah puu pu na la, mu wiin, le ki moo wolni ki ti saa buyoonn mu ga nya ni kookoo na.

Hosea 6:3

Cha ti pɔɔn tibaa man ki li nyi Uwumbɔr, ki nyi waah ban pu na. U ga sil dan ti chee ke kitaak aah ga woln pu na, u ga dan ti chee ke unaalantaal u sɔŋni kitiŋ na.”

Matiu 13:24

Yesu nan ki ŋakl bi liyataŋakl liken ke, “Uwumbɔr aanaan naahn ukpaal u yaa ipui i ŋan na waakpaab ni na la.

Tibɔnyaan ti Mak ŋmee ti na 13:20

Uwumbɔr yaa kaa bar falaa ngbaan aayoonn aawiin pu kan, ubaa aan ŋmar. Le waanigeekaab aanimbaasaln pu na, u ga bar falaa ngbaan aayoonn aawiin pu.

Tibɔnyaan ti Luk ŋmee ti na 13:21

Mu naahn nnyɔk mu bi joo ŋani boroboro ni aan upii ubaa nan di ŋa boroboro aayon ponn ni na, le boroboro ngbaan mɔk duun.”

Jɔnn 15:2

Ibon imɔk bi m pu kaa lu ŋisubil na, u ga per i lii. Ibon imɔk lu ŋisubil na, u ga toor i, i moo lu ŋisubil.

Galantiya 5:9

Boroboro aanyɔk siib le cha boroboro mɔmɔk duuni.

Filipi 1:6

M bee ke Uwumbɔr u nan piin ki bi toor nimi aabimbin na, u ga li beenin ŋani kina ki toor nimi aabimbin ti doo bundaln Yesu Kristo ga gir ni na.

Filipi 1:9

M mee Uwumbɔr ke ni li moo gee tɔb ki li moo nyi Uwumbɔr aabɔr, ki li kpa nlan nyaan,

2 Piita 3:18

Ni moo gaa Tidindaan Yesu Kristo u gaal timi lir na aaterm, ki li moo bae waaliin. Uma le yeh mpakm dandana wee ki ti saa n‑yoonn mu kaa kpa ndoon na. Amii.

Bibɔjirb 6:19

Gideonn nan siir koo udo, le ki ti ku uŋoob u laa diin na ki ŋaa, le ki di n‑yon mu ga gbiin kuruwaa kipiik na ŋa boroboro u kaa kpa boroboro aanyɔk na. U nan baan tinann ngbaan ŋa kibɔɔkuuk ni, le ki di tikpin mu ŋa likumbuul ni, le ki joo ni ni mɔmɔk nan tii Uwumbɔr aatuun ngbaan, likpaln ngbaan taab.

1 Samuel 1:24

Waah nan giin u libiil na, le u di u buen Silo, ki joo ŋibin ŋitaa aanaaja, ni n‑yon kuruwaa kipiik, ni ŋisubil aadaan lidabuul libaa. Samuel nan laa par, le u di u buen Silo, Uwumbɔr Aadichal ponn ni.