Matiu 13:20 - Uwumbɔr aagbaŋ

²⁰ Njikaabim mu lir ntakpateer pu na mu ye binib bi ŋun tibɔr ngbaan, ki gaa ti mala ni mpopiin na.

UWONBƆR A GBƆNPƆŊ LIKƆƆNL

²⁰ Ndibim man nan lu kutintiɛg a paab nan mu le ye wan gbir Uwonbɔr a bɔr wee ki gaa ti weem nin nmɔn.

Matiu 13:20 ပူးပေါင်းရင်းမြစ်များ

2 Bibɔrb Aabɔr 24:14

Ntoorm ngbaan aatuln ngbaan aah nan ti doo na, bi nan di salmaa ni tikunabr ti gur na di tii ubɔr ni Jehoyada, le bi di ŋa Uwumbɔr Aadichal ni aasambil, ni tiwan niken. Jehoyada aah nan bi limɔfal ni ki ti saa n‑yoonn mumɔk na, bi nan toor kitork, Uwumbɔr Aadichal ni, n‑yoonn mɔmɔk.

2 Bibɔrb Aabɔr 24:2

N‑yoonn mu mɔmɔk utotoor Jehoyada nan bi limɔfal ni na, Joas nan tun Uwumbɔr aah gee pu na la.

2 Bibɔrb Aabɔr 24:6

kina pu le u nan yin Jehoyada, u ye baasaloln na, ki nan baa u ke, “Ba ŋa saa cha Liifai yaab gaa Juda ni Jerusalem yaab chee lampoo u Uwumbɔr aatutunn Moses nan bui ke binib ngbaan li pa, aan bi li joo toor Uwumbɔr Aabool na?”

Aisaya 58:2

Binib bee dooni mi iwiin mɔmɔk, ki len ke bi neen ke bi li nyi maabimbin ki kii maakaal. Bi bui ke bi ban m tii bi ikaal i bi chob na la, ki bui ke bi neen ke bi li dooni mi.”

Matiu 13:19

Binib yaa ŋun Uwumbɔr aanaan aabɔr kaa bee taatataa kan, le kinimbɔŋ ga dan nan nyan tibɔr ti bi bisui ni na. Njikaabim mu lir nsan ponn ni na le na.

Matiu 13:21

Bi mu aa gaa ti mbamɔm bisui ni. Bi ga li joo ti ni yunn siib. Bi yaa kan limukl ti pu kan, bee binib yaa ŋa bi falaa ti pu kan, libuul ngbaan ni, le bi ga di ti lii.

Matiu 7:8

Unii umɔk mee Uwumbɔr na, u ga tii u. Unii umɔk ban na, u ga kan. Unii umɔk kpaar jaaleŋ na, u ga piir tii u.

Tibɔnyaan ti Mak ŋmee ti na 6:20

ba pu? Ubɔr Herod aa nan cha u ŋa u nibaa. Herod san Jɔnn ki bee ke u ye uninyaan u bi chain na la. Nima pu na, Herod nan gee u li pel waabɔr. Waah nan ŋun waabɔr ti na nan ŋa u ilandak sakpen a.

Jɔnn 5:35

Jɔnn nan bi ke karyaa u gaal mmii ki wiin na la. Ni nan gee ke ni li bi waawiihn ni, ni yunn siib, ki nan kpa mpopiin.

Lituln 8:13

Le Simonn, u ye ubɔɔ ngbaan na, mu kii Filip aah len pu na. Le Filip muin u nnyun ni. Le u dii Filip idaa mɔmɔk, ki kan u tun lijinjiir aatun pam. Le ni gar u ki ti nyaŋ.