Matiu 13:19 - Uwumbɔr aagbaŋ

¹⁹ Binib yaa ŋun Uwumbɔr aanaan aabɔr kaa bee taatataa kan, le kinimbɔŋ ga dan nan nyan tibɔr ti bi bisui ni na. Njikaabim mu lir nsan ponn ni na le na.

UWONBƆR A GBƆNPƆŊ LIKƆƆNL

¹⁹ Ni ye uninfo gbir paab a naam nan a bɔr nan wee kaa biɛ titaai ke, kininbɔŋ le dan ki nan choo nyan nan bun u sufu ni, ni ma ye ndibim man nan lu nsan ni.

Matiu 13:19 ပူးပေါင်းရင်းမြစ်များ

Ŋiyataŋak 1:7

Waahr aan aa nin kan nlan na, see aa kpa kipak ni ijawaan ki tii Uwumbɔr. Bijɔrb ma aa ban nlan, ki yii ke baan bae mu.

Ŋiyataŋak 17:16

Ujɔr yaa ji waamombil tiwan aabaem pu kan, naa kpa u tinyoor tibaa, ba pu? waa kpa kpakpaln aalan.

Esekiel 31:18

“Busub ngbaan le ye Ijipt aabɔr ni waanib mɔmɔk. Hali isui i nan bi Edenn aatiŋ ni na aa nan fɔk ki kpa kina aanyaan. Tɔ, n‑yoonn mue na, bu ga sunn kitekpiitiŋ ni ke Edenn aatiŋ aasui na, ki ti kpee binib bi kaa nyi Uwumbɔr na, ni baah ku binib bi butɔb ponn ni na pu. Dindaan Uwumbɔr le len kina.”

Matiu 12:26

Tiyayaar aayidaan yaa nyan tiyayaar binib ni kan, u jan ubaa kijaak la. Waanaan ga ŋa kinye aan ki sil?

Matiu 13:20

Njikaabim mu lir ntakpateer pu na mu ye binib bi ŋun tibɔr ngbaan, ki gaa ti mala ni mpopiin na.

Matiu 13:38

Bukpaab ngbaan le ye dulnyaa wee. Ipui i ŋan na le ye Uwumbɔr aanaan ni aanib. Timoor ngbaan le ye kinimbɔŋ aanib.

Matiu 4:23

Le Yesu bɔ dii Galilee aatim mɔmɔk ni, ki koo mmeen aadir ni, ki tuk binib Uwumbɔr aabɔr ki mooni Uwumbɔr aanaan aabɔnyaan tee, le ki cha bibum bi kpa iween aabɔŋ mɔmɔk na, ni binib bimɔk kaa pɔɔ na pɔɔk.

Matiu 5:37

Ni po len ke ‘Een’, bee ‘Aayii’. Ni yaa ki kpee nibaa kan, naa ŋan.”

Tibɔnyaan ti Mak ŋmee ti na 4:15

Ndibim mu lir nsan ni na le ŋaŋ binib bi ŋun Uwumbɔr aabɔr na. Libuul ngbaan ni le kinimbɔŋ dan ki nan nyan ti bisui ni.

Tibɔnyaan ti Luk ŋmee ti na 10:9

ki bui bi ke, ‘Uwumbɔr aanaan peen ni nimi la,’ ki cha bibum bi bi nima na pɔɔk.

Tibɔnyaan ti Luk ŋmee ti na 9:2

le ki tun bi, bi ti li tuk binib Uwumbɔr aanaan aabɔr, ki cha bibum pɔɔk, le ki bui bi,

Jɔnn 18:38

Le Pailat baa u, “Mbamɔn ye kinye?” Pailat aah len kina na, le u ki nyan lipaal Juu yaab chee, ki ti bui bi, “Maa kan waataani ubaa.

Jɔnn 8:43

Ba ŋa naa bee maah len pu na aatataa? Ni ye ke naa gee ke ni ŋun maaliin la.

Lituln 17:32

Binib ngbaan aah ŋun Pɔɔl len ke Uwumbɔr fikr unii nkun ni na, le bibaa ŋani u mbɔnyun. Le bibaa mu len ke bi ban bi ki ŋun tibɔr ngbaan.

Lituln 18:15

Nimi Juu yaab, ni kpak tɔb iliin pu, ni binib aabɔr pu, ni nimi aakaal pu la. Ni bi ni chee la, naa ye maabɔr. Maan ji tibɔr ngbaan.”

Lituln 20:25

“Maah nan bi ni chee na, m nan chuun tuk nimi Uwumbɔr aanaan aabɔr. M nyi ke ni ponn ni ubaa aan ki kan mi.

Lituln 28:23

Le bi siin bundaln bi ga ki kuun Pɔɔl chee na. Liyaadaal aah fuu ni na, bi nan ki kuun ni waadiik ni, ki wiir pam. U nan len bi chee tibɔr kichakpiik ni ki nan saa kijook, ki tuk bi Uwumbɔr aanaan aabɔr, ke Moses ni Uwumbɔr aabɔnabtiib nan ŋmee Yesu aabɔr, Uwumbɔr Aagbaŋ ponn ni. Pɔɔl nan pɔɔni ubaa ke bi gaa Yesu ki kii.

Rom Yaab 1:28

Baah kaa gee ke bi li nyi Uwumbɔr na, le u siir cha bi. Le bi dak ilandak i ye fam na, ki tun lituln li kaa ŋan na,

Rom Yaab 14:17

Uwumbɔr aanaan aa ye tijikaar ni tiwanyukaan. Mu ye mbimbinyaan, ni nsuudoon, ni mpopiin, Waafuur Nyaan aah tii timi pu na la.

Rom Yaab 2:8

Binib bi ban tibɔr, ki yii mbamɔn, ki dii nsan mu kaa ŋan na, bima le Uwumbɔr gee liŋuul sakpen bi pu.

Efesusi 3:8

Maa pii Uwumbɔr aaniwaatiir ubaa, le u mu tee tii mi litunyaan limina, ke m buen binib bi kaa ye Juu yaab na chee, ki ti moon tibɔnyaan tee, ki tuk bi Kristo aah ŋan sakpen pu na,

2 Tesalonika 2:12

Nima pu na Uwumbɔr ga len ke binib bi gee titunwanbir kaa pak mbamɔn na aabɔr bii a.

Hiibru Yaab 2:1

Nima pu na, ni ŋan ke titafal li bi tibɔnyaan ti ti ŋun ti na ponn ni, ti taa di ti lii.

1 Jɔnn 3:12

Taa cha ti li bi ke Keenn na. U nan ye kinimbɔŋ ki kaa ŋan na aanii la, le ki ku unaal. Ba pu u ku unaal? Uma Keenn aatuln aa nan ŋan. Unaal ma aatuln nan ŋan. Nima le nan cha u ku u.

1 Jɔnn 5:18

Ti nyi ke unii umɔk ye Uwumbɔr aabo na aa ki tun titunwanbir; ba pu? Uwumbɔr Aajapɔɔn kii u, le kinimbɔŋ aan ŋmaa ŋa u nibaa.

1 Jɔnn 5:20

Ti nyi ke Uwumbɔr Aajapɔɔn nan dan ki nan tii timi nlan ke ti bee Uwumbɔr, u ye Uwumbɔr bamɔnn na la. Ti bi Ujapɔɔn Yesu Kristo ni, nima le ti bi Uwumbɔr bamɔnn mu ni. Uma le ye Uwumbɔr bamɔnn, ni limɔfal li kaa kpa ndoon na daan.