Matiu 12:7 - Uwumbɔr aagbaŋ

⁷ Uwumbɔr Aagbaŋ len ke waa ban ke binib toor kitork baanja ki tii u. U ban ke bi li san tɔb kinimbaak. Ni yaa ba nyi iliin ngbaan aatataa kan, naa ba ga galn binib bi kaa kpa taani na.

UWONBƆR A GBƆNPƆŊ LIKƆƆNL

⁷ Ni ye ni bi nyi ke ‘Uwonbɔr ban linyunyunbasanl le ki jon kumanug’ ke, naa bi li pag ki bii ban kaa jɔɔ biri.

Matiu 12:7 ပူးပေါင်းရင်းမြစ်များ

Job Aagbaŋ 32:3

Waaŋuul nan ki fii Job aajɔtiib bitaa na mu pu. Baa nan ki nyi baah ga gar Job pu na, le ni naahn ke Uwumbɔr aabɔr le aa kaa ŋan na.

Ilahn 109:31

ba pu? uma le kii ugiin ki gaal u binib bi siin ke bi ku u na chee lir.

Ilahn 94:21

ki kpokl binib bi aabimbin ŋan na pu ki cha bi ku binib bi kaa tun taani na,

Ŋiyataŋak 17:15

Tiwan nilee nee mɔmɔk bir Uwumbɔr chee la: nima le ye ke aa bii unii u kaa kpa taani na, bee aa tii ubiindaan mbamɔn.

Hosea 6:6

M ban nimi aageehm le n‑yoonn mɔmɔk, maa ban nimi aatork baanja la. M ga li gee ke maanib li nyi mi ki jer ke bi li joo kitork seer mmii ni tii mi.

Matiu 22:29

Le Yesu bui bi, “Naa bee Uwumbɔr Aagbaŋ aah len pu na, kaa bee Uwumbɔr aah kpa mpɔɔn pu na. Nima le cha ni yenn nimi aaliin ni.

Matiu 9:13

Uwumbɔr Aagbaŋ len ke waa ban ke binib toor kitork baanja ki tii u. U ban ke bi li san tɔb kinimbaak la. Li cha ki ti bae tibɔr ngbaan aatataa. Maa dan ke m nan yin bininyaam. M dan ke m nan yin titunwanbirdam [ke bi nan kpeln baabimbin.”]

Tibɔnyaan ti Mak ŋmee ti na 12:33

Unii yaa gee Uwumbɔr usui mɔmɔk ni, ni waalandak mɔmɔk, ni waapɔɔn mɔmɔk, ki gee una aabo ke waah gee ubaa pu na kan, nima le ŋan ki jer u di tiwakor toor kitork ki see mmii ni tii Uwumbɔr.”

Lituln 13:27

Binib bi bi Jerusalem ni na, ni baaninkpiib aa nyi ke Yesu le ga gaa bi lii. Likpaakool mɔmɔk daal, bi karni Uwumbɔr Aagbaŋ ponn ni, Uwumbɔr aabɔnabtiib aah nan len pu na, kaa bee naatataa. Le bi jin Yesu tibɔr ki len ke waabɔr bii. Uwumbɔr aabɔnabtiib nan len ke bi ga ŋa kina.

Jemisi 5:6

Nimi le bii bininyaam ki ku bi, le baa kpa mpɔɔn bi nyan bibaa nimi aaŋaal ni.

1 Samuel 15:22

Le Samuel bui u ke, “Uwumbɔr tee gee nilani: aa kii waamɔb, bee aa toor kitork tii u? Ni ŋan ke aa kii waamɔb ki jer ke aa di ipiih i ŋan na toor kitork tii u.