Matiu 12:42 - Uwumbɔr aagbaŋ

⁴² Seba aapiibɔr nan nyan ni dandar ke u nan ŋun Ubɔr Solomonn aalan aaliin. Min u jer Solomonn na bi do la, le naa ŋun maaliin. Bundaln Uwumbɔr ga ji binib tibɔr na, upiibɔr ngbaan aah nan ŋa pu na, nima le ga mɔk ke nimi aabɔr bii.”

UWONBƆR A GBƆNPƆŊ LIKƆƆNL

⁴² Tibɔr a ji daal Itopiya a Piibɔru na li nyann nnɔɔgan paam ki fii sir paab ki galin daandaan nan a ninfob, nin waah nan nyan kitiŋ a diɛtarig ki dan ke un nan gbir ubɔr Solomɔnn a lamgɔrikaam a bɔr, liga, uba be ki jon Solomɔnn na.

Matiu 12:42 ပူးပေါင်းရင်းမြစ်များ

1 Bibɔrb 10:24

le dulnyaa aanib mɔmɔk nan ban ke bi li choo u chee ki nan pel nlan mu Uwumbɔr di tii u na aabɔr.

1 Bibɔrb 3:12

m ga ŋa saah mee pu na. M ga tii si nlan, ni ichiin, ki jer unii umɔk nan puen si ki kpa na, ubaa mu aan ki li bi ki li kpa kina aalan ni ichiin.

1 Bibɔrb 3:28

Israel aanib aah ŋun Solomonn aah nan siin pu na, le bisui nan gbiin kipak u pu, ba pu? bi nan bee ke Uwumbɔr tii u nlan ke u li joo ji tibɔr ibamɔn ni.

1 Bibɔrb 3:9

Kina pu na, tii mi nlan mu m ga ŋmaa di joo saanib ibamɔn ni, ki li nyi ni ŋan na, ni ni kaa ŋan na. Naa ye kina kan, m ga ŋa kinye aan ki joo saanisakpem bimina?”

1 Bibɔrb 4:29

Uwumbɔr nan tii Solomonn nlan, ni inimbiwoln i ubaa aa nyi na, ni ichiin i unii aan ŋmaa ŋaŋ na.

1 Bibɔrb 4:34

Dulnyaa wee mɔmɔk aabɔrb nan ŋun waalan bɔr, le ki tun ni binib ke bi nan ŋun u chee.

1 Bibɔrb 5:12

Uwumbɔr nan joo waah puu tipuur ti na, le ki tii Solomonn nlan. Nsuudoon nan bi Solomonn ni Hiram aasisik ni, le bi ŋa kimɔbaan.

Aisaya 7:14

Ni yaa ye kina kan, Uwumbɔr ubaa ga tii nimi limɔkl: lima le ye ke upii u kaa nyi uja na ga li kpa lipuul ki ga maa ubijabo ki ga yin u ke ‘Imanuel.’

Matiu 12:41

Jona nan tuk Ninefa aatiŋ aanib Uwumbɔr aabɔr. Le bi kpeln baabimbin. Min, u jer Jona na, le tuk nimi Uwumbɔr aabɔr, le naa kpeln nimi aabimbin. Bundaln Uwumbɔr ga ji binib tibɔr na, Ninefa aatiŋ aanib aah nan kpeln baabimbin pu na, nima le ga mɔk ke nimi aabɔr bii.

Matiu 12:6

M tuk nimi la, unii u jer Uwumbɔr Aadichal na bi do.

Matiu 17:5

Waah beenin bi len kina na, libuul ngbaan ni le ntaalangbapiin dan nan biin bi pu. Le nneel len ntaalangbapiin na ponn ni ke, “Njapɔɔn u m gee u na sɔ. Nnimbil gbiin u. Li ŋun waah len pu na man.”

Matiu 3:17

Le u ŋun nneel len paacham ke, “Njapɔɔn u m gee u na sɔ. Nnimbil gbiin u.”

Jɔnn 1:14

Baah yin u ke Limɔboln na nan kpaln unibɔn, ki nan bi tikaasisik ni. U gee binib chob, ki len ibamɔn baanja la. Le ti kan waah kpa mpɔɔn pu na. Waah ye Uwumbɔr Aajapɔnbaal na, u kpa mpɔɔn ke Ute Uwumbɔr aah kpa pu na.

Jɔnn 1:18

Ubaa aa kee kan Uwumbɔr. Ujapɔnbaal Yesu Kristo, u bi ke Ute Uwumbɔr aah bi pu na, ki bi u chee na, uma le tuk timi Uwumbɔr aah bi pu na.

Ikaal 30:13

I mu aa ti ki bi nnyusakpem aadapuul, aan ni ga baa ke, ‘Ŋma ga puur buen ki ti yoor i tii ni timi, aan ti ga ŋun i ki kii yaah mɔk pu na?’