Matiu 12:25 - Uwumbɔr aagbaŋ

²⁵ Le Yesu bee baalandakbir ngbaan, le ki bui bi, “Nnaan mubaa ni aanib yaa jaa tɔb kijaak kan, nnaan ngbaan ga bee yɔli la. Kitiŋ kibaa ni aanib mu yaa jaa tɔb kijaak kan, kitiŋ ngbaan ga bee yɔli. Lidichal libaa ni aanib mu yaa jaa tɔb kijaak kan, lidichal ngbaan ga bee yɔli.

UWONBƆR A GBƆNPƆŊ LIKƆƆNL

²⁵ Le Yisa biɛ baah tiɛr man, ki bei bi ke, “Ni ye nnaam nba a ninfob kɔn nin tab ke, bi naam nmɔn yin gab yɔli le. Le kitiŋ kiba a ninfob bee iniin iba a ninfob kɔn nin tab ke iniin nmɔn kaa yin siri.

Matiu 12:25 ပူးပေါင်းရင်းမြစ်များ

1 Bibɔrb 16:21

Israel aanib nan yakr la: bibaa nan ban ke bi di Ginaf aajapɔɔn Tibni le kaan nnaan, le biken mu nan gee Omri.

Ilahn 139:2

Aa nyi maah ŋani tiwan nimɔk na; aa bi dandar le ki nyi maah dak pu na.

Aisaya 9:21

Manase aanib ni Efraim aanib ga to tɔb butɔb, le ki ki gir kpaan ki to Juda yaab butɔb. Nimina aapuwɔb mɔmɔk na, Uwumbɔr aaŋuul aan kee sɔŋ; u ga li beenin ban u moo daa bitafal.

Jeremia 17:10

Min Uwumbɔr le lik unii aalandak ni le ki tɔŋni binib aasui lik. M ŋani unii mɔmɔk, waabimbin aah bi pu na la, ni udaan aah tun pu na.”

Amos 4:13

Uma Uwumbɔr le naan ŋijoo sakpiin, ki naan libuln mu. U joo waakaal kpiir tuk unibɔn; u kpeln nwiin pu ŋani kinyeek. U chuun dulnyaa wee ni, nin chee fɔk sakpen na. Waayimbil sɔ: Tidindaan Uwumbɔr Mpɔɔnsakpiindaan.

Matiu 9:4

Le Yesu bee baalandak, le ki baa bi, “Ba ŋa ni dak ilandak i kaa ŋan na nisui ni?

Tibɔnyaan ti Mak ŋmee ti na 2:8

Le Yesu bee baah dak pu na, le ki baa bi, “Ba ŋa ni dak kina nisui ni?

Jɔnn 21:17

le ki ki baa u taataa, “Simonn, Jɔnn aajapɔɔn, aa gee mi ii?” Le Simonn Piita aasui bii; ba pu? u nan baa u nfum mutaa mɔk, “Aa gee mi ii?” Le u bui u, “Ndindaan, aa nyi tiwan mɔmɔk. Aa nyi ke m gee si.” Le Yesu bui u, “Kpiin maapiih.

1 Korenti 2:11

Unibɔn ma kan, ubaa aa nyi usui ni aabɔr. Waawiin mu bi u ni na baanja le nyi. Kina pu na, ubaa aa nyi Uwumbɔr aasui ni aabɔr, Uwumbɔr Aafuur Nyaan baanja le nyi.

Galantiya 5:15

Ni mu yaa kpa lipiipoln ki kpak tɔb kinikpakpak kan, ni li nyi, ni ga kuln tɔb.

Hiibru Yaab 4:13

Tiwan nibaa aa bi ki bɔr Uwumbɔr. Tibɔr mɔmɔk nyan ki dɔ mpaan pu, ki dɔ tiŋmeen unimbil ni. Uma le ti ga len timi aabɔr ki tuk u.

Tibɔkpiirkaan 16:19

Le kitisakpeŋ ngbaan aadir mɔmɔk yakr nfum mutaa ki lir kitiŋ. Ŋinibol mɔmɔk aatim mu lir kitiŋ a; ba pu? Uwumbɔr aa suln kitisakpeŋ Babiloŋ ngbaan aanib aatunwanbir bɔr, ki tii bi kiyikuuk ki gbii ndaan mu ye waaŋuul sakpen na, ki cha bi nyu.

Tibɔkpiirkaan 2:23

ki ga ku waabim mu. Le maanib bi bi ŋipepel mɔmɔk na ga bee ke min le nyi bisui ni aah bi pu na. M ga tii ni ponn ni unii mɔmɔk waatuln aah ŋeer pu na.