Matiu 11:8 - Uwumbɔr aagbaŋ

⁸ Ni nan buen ni ti kan ba? Uja u pee tiwanyaan na aa? Aayii. Binib bi pee tiwanyaan na bi bibɔrb aadichal ni la.

UWONBƆR A GBƆNPƆŊ LIKƆƆNL

⁸ Naa ye man ke, ni nan nyan jon ke ni tan kan baa? Uninfo wan yee tiwann yɔŋann bee? Aai, ban yee nnaam a wan yɔɔrin be ibɔrniin le.

Matiu 11:8 ပူးပေါင်းရင်းမြစ်များ

2 Bibɔrb 1:8

Le bi gar u ke, “U pee kikpalk ki bi di kiwakork aagban ŋal ki na, le ki di ligbapapaln buu uchaŋ ni.” Le ubɔr ngbaan teen ke, “Tisbe aatiŋ aanii Elaija ye,”

Aisaya 20:2

Ŋibin ŋitaa waahr aan nimina nin ŋa na, Uwumbɔr nan bui Amos aajapɔɔn Aisaya ke u takr waanaatak ki peer tiwanpeenkaan ni saak kuub na. U nan kii Uwumbɔr aamɔb ki nan gur chuun uŋmeen kaa tak ŋinaatak.

Sekaria 13:4

N‑yoonn ngbaan yaa nan fuu ni kan, ubɔnabr aan li kpa kigaak waah kan tibɔkpiirkaan ti na pu. Ubaa aan li tun ke ubɔnabr na. Ubaa aan kii ke u peen ubɔnabr aawanpeenkaan ni saak kuub na ke u di ŋmann binib.

Matiu 11:7

Le Jɔnn aadidiliib ki gir buen u chee. Baah cha na, le Yesu len kinipaak ngbaan chee Jɔnn aabɔr ke, “Naah nan buen Jɔnn chee nteersakpiin ni na, ni nan buen ni ti kan ba? Lipul li libuln fiini li na aa? Aayii.

Matiu 11:9

Ni nan buen ni ti kan ba? Uwumbɔr aabɔnabr aa? Mbamɔn, m tuk nimi la, ni nan kan unii u jer Uwumbɔr aabɔnabr na.

Matiu 3:4

Jɔnn nan pee kikpalk ki bi nan di laakumii aakor luu ki na, ki di ligbapapaln buu uchaŋ ni. Waajikaar nan ye itoon ni tisiir la.

Tibɔnyaan ti Luk ŋmee ti na 7:25

Ni nan buen ni ti kan uja u pee tiwanyaan na la aa? Binib bi pee tiwanyaan ki ji mmɔɔn na bi bibɔrb aadichal ni la.

1 Korenti 4:11

Nkon le joo timi, nnyunyuu mu joo timi, le ki nan saa dandana wee. Ti peeni tiwanchar la. Le binib gbaa timi. Taa kpa taah ga li koo nin chee na.

2 Korenti 11:27

M tun Yesu Kristo aatuln linimaln, ki kani falaa, kaa geeni kinyeek. Nkon ni nnyunyuu mɔk nan joo mi. M nan lann tijikaar. Tiwoor nan joo mi. Maawanpeenkaan aa nan fuu tiwoor ngbaan.

Ikaal 28:54

Bi yaa lir ni pu kan, hali nimi aaninyuun u nyan ni biyidam do na, tijikaar aabɔr ga muk u, le u chur waabim ku ki ŋmɔ; ba pu? waan ki li kpa tijikaar tibaa. Le waan li gee ke una aabo, bee upuu u u gee u sakpen na, bee waabim bi gur na ubaa kan waah ga ŋmɔ biken na pu na.

Tibɔkpiirkaan 11:3

Le m ga tun ni maaseeraadam bilee bi nan moon Uwumbɔr aabɔr ki ti saa iwiin lichur ni ikui ilee ni imonko itaa, ki ga li pee tiwanpeenkaan ni saak kuub na.”