Matiu 11:23 - Uwumbɔr aagbaŋ

²³ Nimi Kapenaum aatiŋ aanib, bi ga yoor nimi paacham aa? Aayii. Bi ga sunn nimi kitekpiitiŋ ni; ba pu? m yaa ba nan tun lijinjiir aatun Sodom aatiŋ ponn ni ke maah tun ni ponn ni pu na kan, kitiŋ ngbaan ba ga li bi ki nan saa dandana wee.

UWONBƆR A GBƆNPƆŊ LIKƆƆNL

²³ Ke nim Kapeniɛm yaab, Uwonbɔr na li don ni papaab baa? Aai. Ni yin jiir kitakpiin tiŋ le, ni ye ligaril a toon gbingbemi nan, nan bi tun Sodom a tiŋ ke naah tun man ni tiŋ nan ke, Sodom a tiŋ la bi li be.

Matiu 11:23 ပူးပေါင်းရင်းမြစ်များ

Mpiin 13:13

Ntim ngbaan aanib nan ye titunwanbirdam la, le ki tun ni kaa ŋan na Uwumbɔr aanimbiin ni.

Inandalahn 2:1

Uwumbɔr aaŋuul ponn ni le u di mbɔmbɔɔn biin Sionn pu. U nan kpeln kaanyaan na ŋa tilangbenn. Waaŋuul ngbaan daal le u nan nyan cha Waadichal.

Esekiel 26:20

M ga kunn si kitekpiitiŋ ni, le aa ni binib bi nan bi n‑yaayoonn na ti li koo. M ga cha aa bee taab aatiŋ aalangbenkpok ngbaan ni, aan aa ni bitekpiib ti li bi tɔb chee. Kina pu na, ubaa aan ki gir koo aa ponn ni aan aa ki kan saapepel binifuub chee.

Esekiel 31:14

Kina pu na, ki nya n‑yoonn mumina na, busub bubaa aan ki ŋmaa muun ke buma na, bee bu too ti chaar ntaalangbam ni ki ti pii kitaapaak. Hali bu yaa po kan nnyun sakpen pu na kan, bu aan fuu kina. I mɔmɔk ga kpo ke unibɔn na la, i ga buen ti kpee binib bi bi kitekpiitiŋ ni taab na pu.”

Esekiel 32:18

U nan bui ke, “Unibɔn, li wii Ijipt aanib mɔmɔk pu. Di bi ni ŋitimbol ŋi kpa mpɔɔn sakpen na buen kitekpiitiŋ ni.”

Esekiel 32:24

“Elam aatiŋ bi nima, le kaatɔb aajab aakaakul mann goln ki. Bi nan ku bi mɔmɔk butɔb ni la, le bi di ŋichakpamun sunn buen kitekpiitiŋ ni. Baamɔfal ponn ni, bi nan cha ijawaan bi ni kookoo, tɔ, dandana ma bi kpo dɔ inimɔɔn ŋmeen la.

Obadia 1:4

Hali ni yaa di nimi aadichal ti maa paachapaacham ke likaagiil aadir na, aan ŋi daa ke iŋmabi na kan, m ga ŋmaa daa ker nimi lii ni taab.

Matiu 10:15

M tuk nimi mbamɔn la, bundaln Uwumbɔr ga nan ji binib tibɔr na, binib ngbaan aatafadaan ga jer Sodom ni Gomora aatim aanib aatafadaan.”

Matiu 16:18

Piita, m tuk si la, aa ye litakpal la. Litakpal limina pu le m ga di maanib siin. Le nkun aapɔɔn aan nyaŋ bi.

Matiu 17:24

Yesu ni waadidiliib aah fuu Kapenaum aatiŋ ni na, le binib bi gaal Uwumbɔr Aadichal aamombil na dan nan baa Piita, “Saamɔmɔkr aa pa Uwumbɔr Aadichal aamombil aa?”

Matiu 4:13

U nan cha Nasaref le ki buen ti kal Kapenaum, kitiŋ ki bi nnyusakpem chee na ni. Ki ye Sebulunn aanib ni Naftali aanib aatiŋ la.

Matiu 8:5

Yesu nan koo Kapenaum aatiŋ ni. Le butɔb aajab nkub aaninkpel ubaa dan u chee ki nan gaŋ u ki bui u,

Tibɔnyaan ti Luk ŋmee ti na 10:15

Nimi Kapenaum aatiŋ aanib ma kan, bi ga yoor nimi paacham aa? Aayii. Bi ga sunn nimi tataab tataab la.”

Tibɔnyaan ti Luk ŋmee ti na 14:11

Naatataa le ye ke unii umɔk nyuŋ ubaa na, Uwumbɔr ga sunn u taab. Unii umɔk sunn ubaa taab na, Uwumbɔr ga nyuŋ u.”

Tibɔnyaan ti Luk ŋmee ti na 16:23

Le uwankpadaan ngbaan mu nan kpo. Le binib di u ti sub. Waah kpo na, le u ti bi mmii mu kaan junn na ni, ki ji falaa sakpen, le ki waan lik paacham, ki waa Abraham dandar, ki waa Lasarus mu bi u chee nima.

Tibɔnyaan ti Luk ŋmee ti na 4:23

Le u bui bi, “M bee ke ni ga bui mi liyataŋakl limina, ‘Dɔkta, tii aabaa laafee.’ Ni ga ki bui mi, ‘Ti ŋun saah tun lijinjiir aatun Kapenaum aatiŋ ni pu na. Tun kina do chee na, saatiŋ ponn ni.’

Lituln 2:27

le ki kpa limakl ke saan cha maawiin bee kitekpiitiŋ ni. M ye saabo u ye chain na, le saan cha maawon bur. Nima le m bi dulnyaa wee ni ki kpa nsuudoon.

Lituln 2:31

David nan nyi Uwumbɔr aah ga ŋa pu na. Nima pu na, u nan len ke Uwumbɔr ga nan fikr Kristo u gaa timi lii na nkun ni, kaan cha u bee kitekpiitiŋ ni. Waawon aa bur.

Juud 1:7

Teer man, Sodom ni Gomora aatim, ni itingbaan na aanib bi nan gɔr kidagook, ki mu yii bipiib ki ban bijab na aabɔr. Uwumbɔr nan daa bitafal, ki di bi ŋa mmii mu kaan junn na ni, ni le ye nsurm ki tii titunwanbirdam mɔmɔk.

Tibɔkpiirkaan 1:18

Min le ye umɔfadaan. M nan kpo, le ki fikr, ki ga li bi n‑yoonn mu kaa kpa ndoon na, ki joo nkun ni kitekpiitiŋ aasaafii tiib.

Tibɔkpiirkaan 11:8

Le ŋinikpol ngbaan ga li dɔ kitisakpeŋ na aasan ni. Uwumbɔr yin kitiŋ ngbaan ke Sodom, ki ki yin ki ke Ijipt. Bi nan kpaa Tidindaan ndɔpuinkoo pu nima la.

Tibɔkpiirkaan 20:13

Le bitekpiib mɔmɔk nyan ni kitekpiitiŋ ni, ki si nima; binib bi nan bee nnyusakpem ponn ni na, bi mu nyan ni ki si nima. Le u jin bi mɔmɔk tibɔr baatuln aah ye pu na.

Tibɔkpiirkaan 6:8

Le m lik ki kan utanyɔnyɔn. Unii u dik u pu na aayimbil ye Nkun. U bi yin u ke Kitekpiitiŋ na mu dii u. Le Uwumbɔr tii bi mpɔɔn ke bi di kijaak aajum, ni nkon, ni iween, ni ipeel ku dulnyaa aanib lipepel nanar wɔb.