Matiu 11:22 - Uwumbɔr aagbaŋ

²² M tuk nimi la, bundaln Uwumbɔr ga ji binib tibɔr na, nimi aatafadaan ga jer Taya ni Saidonn aatim aanib aatafadaan.

UWONBƆR A GBƆNPƆŊ LIKƆƆNL

²² Amaa n bei ni le, lidaal lan wee Uwonbɔr na yin ji bininfob tibɔr nan, ni tudaril na li jo Taya nin Sidonn yaab yaal.

Matiu 11:22 ပူးပေါင်းရင်းမြစ်များ

Jeremia 27:3

Uwumbɔr nan ki bui mi ke m di inaŋ tii Edom, ni Moab, ni Amonn, ni Taya, ni Saidonn aaninkpiib bi dan Jerusalem ni ke bi nan kan Ubɔr Sedekia na, aan bi ti di i tii baabɔrb.

Esekiel 29:18

“Unibɔn, Babiloŋ Aabɔr Nebukadnesar fii sil ki tak Taya aatiŋ. U cha waajab tun ŋitun ŋi nyuun sakpen na le biyikpir ti gui, le bibɔgbin mu puun puun, tɔ, ubɔr ngbaan ni waajab mɔmɔk aa kan nibaa nimina pu.

Joel 3:4

“Taya, ni Saidonn, ni ntim mumɔk bi Filistia aatingbaan na, ba le ni ban ke ni ŋa mi? Ni pɔɔni nibaa ke ni pa mi lipɔln la aa? Kina le yaa ye nimi aalandak kan, m ga giin pa nimi mala.

Matiu 10:15

M tuk nimi mbamɔn la, bundaln Uwumbɔr ga nan ji binib tibɔr na, binib ngbaan aatafadaan ga jer Sodom ni Gomora aatim aanib aatafadaan.”

Matiu 11:21

U nan len ke, “Korasinn aatiŋ aanib, tibɔbir bi ni pu. Betseda aatiŋ aanib, tibɔbir bi ni mu pu; ba pu? m yaa ba nan tun lijinjiir aatun Taya aatiŋ ponn ni, ni Saidonn aatiŋ ponn ni ke maah tun ni ponn ni pu na kan, bi ba ga kpeln baabimbin ni yunn a, ki li pee tiwanpeenkaan ni saak kuub na, ki di nfatan puk biyil, aan ki mɔk ke bisui bii baatunwanbir pu.

Matiu 11:24

M tuk nimi la, bundaln Uwumbɔr ga ji binib tibɔr na, nimi aatafadaan ga jer Sodom aatiŋ aanib aatafadaan.”

Matiu 12:36

“M tuk nimi la, bundaln Uwumbɔr ga ji binib tibɔr na, liyaadaal ngbaan le bi ga kpiir baah nan len tibɔr yɔl yɔl ti na mɔmɔk ki tuk Uwumbɔr.

Tibɔnyaan ti Luk ŋmee ti na 10:14

Bundaln Uwumbɔr ga ji binib tibɔr na, nimi aatafadaan ga jer Taya aatiŋ aanib ni Saidonn aatiŋ aanib aatafadaan.

Hiibru Yaab 2:3

Nima pu na, ti yaa yii ŋŋmarkpaan ngbaan aaboln kan, taan nyan ntafadaan ni. Tidindaan ubaa le nan pue tuk binib ŋŋmarm ngbaan aabɔr. Le binib bi ŋun na mu tuk timi, ki mɔk timi ke ti gbii la.

2 Piita 2:9

Tɔ, nimina mɔmɔk le mɔk timi ke Tidindaan ga ŋmaa nyan binib bi san u na ntɔŋ ni, ki ga ŋmaa li dar titunwanbirdam aatafal ki ti saa bundaln u ga ji bi tibɔr na.

2 Piita 3:7

Bi suln ke Uwumbɔr aaliin ichachaan ngbaan le joo paacham ni kitiŋ ki bi dandana wee na, ki nan saa buyoonn u ga see paacham ni taab mmii, ki kuln titunwanbirdam na; liyaadaal ngbaan le u ga ji bi tibɔr ki bii bi.

1 Jɔnn 4:17

Ti gee binib mbamɔm ke ti li kpa lipobil bundaln Uwumbɔr ga ji binib tibɔr na. Ba pu? Yesu aah bi pu na, ti mu bi kina le dulnyaa wee ni.

Tibɔkpiirkaan 20:11

Le m kan libɔrjal pipiln sakpeln, ni u ka li pu na. Le kitiŋ ni paacham san nyan u chee, kaa ki bi.

Tibɔkpiirkaan 20:12

Le m kan bitekpiib, bi ye bipɔɔndam ni bi ye biwaatiib na, si libɔrjal ngbaan aanimbiin ni. Le u kpar tigbann, ki ki kpar kigbaŋ kiken, ki ye limɔfal aagbaŋ na, ki jin bitekpiib tibɔr, baabɔr aah ŋmee tigbann ngbaan ponn ni pu na, baah nan tun pu na.