Matiu 11:10 - Uwumbɔr aagbaŋ

¹⁰ Ni ŋmee Uwumbɔr Aagbaŋ ni ke Uwumbɔr bui ke, ‘Maatutunn sɔ. M tun ni u ke u loln ni nsan ki nan toor nsan ki siin si.’ Jɔnn le ye ututunn ngbaan.

UWONBƆR A GBƆNPƆŊ LIKƆƆNL

¹⁰ U yaa bɔr le Uwonbɔr a gbɔŋ pii nan sɔb ki wɔɔn ke, ‘N li tun n toom un liir a nintogil, ki tan mann a dam a sam.’

Matiu 11:10 ပူးပေါင်းရင်းမြစ်များ

Aisaya 40:3

Unii ubaa bi ki tar ke, “Toor Uwumbɔr aasan nteersakpiin ni man, ki ŋa waasan mu li tok ki tii u.

Malakai 3:1

Tɔ, Uwumbɔr Mpɔɔnsakpiindaan gar ke, “M ga tun ni maatuun aan u nan toor nsan siin mi. Le Dindaan u ni ban na ga fuu ni libuul ngbaan ni, Waadichal ni. Ntuun mu ni neen sakpen ke ni kan mu na ga dan ki nan di maah puu tipuur ti na moon.”

Malakai 4:5

“Tɔ, waahr aan min Uwumbɔr aawinbiik ngbaan daal nin fuu ni na, m ga tun ni maabɔnabr Elaija ni chee.

Matiu 11:11

M tuk nimi mbamɔn la, baa kee ma unii ubaa u jer Jɔnn u muini binib nnyun ni na. Le unii u ye uwaatiir Uwumbɔr aanaan ni na jer Jɔnn.

Matiu 11:3

ke bi ti baa u ke u ye unii u Uwumbɔr aabɔnabtiib nan len ke u ga dan na aan waa ye? Bi li ban uken aa?

Matiu 3:3

Uwumbɔr aabɔnabr Aisaya nan len Jɔnn aabɔr ke, “Unii ubaa bi nteersakpiin ni ki tar ke: ‘Toor Uwumbɔr aasan man, ki ŋa waasan mu li tok ki tii u.’”

Tibɔnyaan ti Mak ŋmee ti na 1:2

Uwumbɔr aabɔnabr Aisaya nan ŋmee waabɔr ngbaan aah ga piin pu na. U nan ŋmee ke Uwumbɔr bui Waabo ke, “‘Maatutunn sɔ. M tun ni u ke u loln ni nsan, ki nan toor nsan ki siin si.’

Tibɔnyaan ti Luk ŋmee ti na 1:76

Si, maabo, bi ga yin si ke Uwumbɔr u kaa kpa ŋeen aatɔ na aabɔnabr. Aa ga loln ni Tidindaan pu nsan, ki toor nsan tii u,

Jɔnn 1:23

U nan bui ke, “M ye nneel mu tar nteersakpiin ni na ke: ‘Toor Uwumbɔr aasan man.’” Uwumbɔr aabɔnabr Aisaya nan len kina la.