Matiu 10:28 - Uwumbɔr aagbaŋ

²⁸ Ni taa san binib ijawaan man. Bi ga ŋmaa ku nimi aawon baanja la. Baan ŋmaa ku nimi aawiin. Ni li san Uwumbɔr u ga ŋmaa bii tiwon ni nwiin mɔmɔk mmii mu kaan junn na ponn ni na.

UWONBƆR A GBƆNPƆŊ LIKƆƆNL

²⁸ Ni laa san ban li fir ku ni gbanann, wee kaa sin li fir ku ni naamin ni, amaa ni li san Uwonbɔr wan li fir ku ni gbanann nin ni naam biɛn nŋmi-n ni na.

Matiu 10:28 ပူးပေါင်းရင်းမြစ်များ

2 Bibɔrb 17:39

Ni kii min Nidindaan Uwumbɔr aamɔb, le m ga gaa nimi, nimi aadim chee lii.”

Job Aagbaŋ 37:24

Kina pu na, naa kpa iwaan ke unii mɔmɔk san u ijawaan, kina pu na, utafal aa bi binib bi bui ke bi kpa nlan na ni.

Ilahn 119:120

M san sin le ijawaan; saakaal pu le ijawaan joo mi.

Ulandaan 5:7

Aa yaa daŋni tidaŋ pu na, ki tun tuyɔlyɔl pu na, ki len tibɔr sakpen pu na kan, aa li san Uwumbɔr.

Aisaya 51:12

Uwumbɔr bui ke, “Min le pɔɔk nitaakpab. Ba ŋa ni san unibɔn u ga kpo na ijawaan? Ba ŋa ni san unibɔn u ga kpo mala ke timoor na?

Aisaya 51:7

Li pel man, nimi bi nyi tiwan ni ye mbamɔn na, binib bi di maamɔkm ŋa bisui ni na, li pel man. Binib yaa ŋani nimi mbɔnyun ki seei nimi kan, ni taa san ijawaan;

Aisaya 66:2

Min mbaa le nan naan dulnyaa wee mɔmɔk. Nsui piin binib bi sunn bibaa taab aan bisui bii baatunwanbir pu, ki san mi ki kii maamɔb na pu.

Jeremia 5:22

Min le ye Uwumbɔr; ba ŋa naa san mi? Ba ŋa naa jii nnimbiin ni? M di litambol le bil kiir nnyusakpem, ke mu aanaanmɔk le na n‑yoonn mɔmɔk. Nnyusakpem aanyun ga fii too paacham, mu mu aan ŋmaa jer mu aanaanmɔk, le tinyunkpenn ga ŋmaa fii ti lir ni kifuuk, ti mu aan ŋmaa jer buen nibaa.

Matiu 10:26

“Ni taa san binib ijawaan man. Tibɔbɔrkaan mɔmɔk ga kpiir. Tibɔr timɔk bɔɔ na, ti ga nyan mpaan pu.

Matiu 25:46

Le bi ga kan ntafadaan n‑yoonn mu kaa kpa ndoon na. Le bininyaam ngbaan ga kan limɔfal li kaa kpa ndoon na.”

Matiu 5:22

Min le tuk nimi ke unii umɔk gee liŋuul una aabo pu na, bi ga ji u tibɔr. Unii umɔk tuk una aabo, ‘Saa bi tibɔr tibaa ni,’ bibɔjirb aaninkpiib ga ji u tibɔr. Unii umɔk tuk una aabo ke, ‘Si ujɔr’ na, u ŋeer u koo mmii mu kaan junn na ni.

Jɔnn 5:29

ki nyan ni. Binib bi nan tun lituln li ŋan dulnyaa wee ni na ga fikr ki kan limɔfal li kaa kpa ndoon na. Binib bi nan tun lituln li kaa ŋan na ga fikr ki kan ntafadaan.”

Lituln 21:13

Le Pɔɔl baa bi, “Ni ŋani ba kina, ki wii, ki bii nsui? Bi yaa ga ti buu mi Jerusalem ni, bee bi yaa ga ti ku mi nima Tidindaan Yesu pu kan, m ga buen. Maan di cha.”

Hiibru Yaab 10:31

Aa yaa lir Uwumbɔr u ye limɔfadaan na aaŋaal ni kan, ni kpa ijawaan sakpen a.

Hiibru Yaab 11:35

Bipiib bibaa aah nan gaa Uwumbɔr ki kii pu na, le biyaab bi kpo na nan fikr nkun ni. Bibaa mu aah nan gaa Uwumbɔr ki kii pu na, le binib gbaa ku bi. Baa yii Uwumbɔr ke bi nyan bibaa nkun ni. Bi nan pak ke bi ga kan limɔfal li ŋan ki jer dulnyaa wee aamɔfal na paacham.

Jemisi 4:12

Uwumbɔr baanja le ye u tii timi nkaal na, ki ye nkaal Aadindaan, ki ye u ji binib tibɔr na. Uma baanja le ga ŋmaa gaa timi lii, ki ga ŋmaa bii timi. Aa ye ŋma ki galn aaŋeen aatɔ?

1 Piita 3:14

Ni mu yaa kan falaa lituln li ŋan na pu kan, Uwumbɔr aanyoor bi ni pu la. Ni taa san unii ubaa ijawaan, ki taa cha ilandak li joo nimi.

Tibɔkpiirkaan 2:10

Ni ga ji falaa dandana wee; ni mu taa san ijawaan man. Kinimbɔŋ ga di ni ponn ni bibaa ŋa kiyondiik ni, aan ni kan ntɔŋ, le ni ga ji falaa iwiin kipiik. Ni li dii maasan mbamɔm ki nan saa nkundaal man. Le m ga nan tii nimi lipal li ye limɔfal li kaa kpa ndoon na.