Matiu 10:26 - Uwumbɔr aagbaŋ

²⁶ “Ni taa san binib ijawaan man. Tibɔbɔrkaan mɔmɔk ga kpiir. Tibɔr timɔk bɔɔ na, ti ga nyan mpaan pu.

UWONBƆR A GBƆNPƆŊ LIKƆƆNL

²⁶ “Mambu ni laa san bi bijawaami. Niba li kaa be ki pii wee kaa na li piiri, bee ki woo wee kaa na li nya npaan nin ni.

Matiu 10:26 ပူးပေါင်းရင်းမြစ်များ

Ŋiyataŋak 10:9

Binib bi aabimbin ŋan na bi ŋŋmarm, ni lifuur ni la, le binib bi aabimbin aa ŋan na ma ga koo tibɔr ni.

Ŋiyataŋak 28:1

Ubaa yaa kaa san dii ubiindaan kan, u san la, le uninyaan ma kaar ke uchinn na.

Ŋiyataŋak 29:25

Aa yaa dii binib aah dak aa pu pu na kan, naa ŋan. Aa yaa tii Uwumbɔr naadii kan, le aa ŋmar.

Ulandaan 12:14

Uwumbɔr ga ji timi tibɔr, timi aatun mɔmɔk pu. U ga ji timi tibɔr, timi aatunyaan, ni ŋi kaa ŋan na, ni taah tun ŋi libɔɔl ni na pu.

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Aisaya 41:14

Uwumbɔr bui ke, “Israel yaab, naah par kaa ki kpa mpɔɔn mu pu na, taa san man ijawaan, m ga ter nimi. Min, u ye nimi Israel yaab Aawumbɔr u bi chain na, min le ye u gaal nimi lir na.

Jeremia 1:8

M ga li bi aa chee ki kii si. Taa san bi ijawaan. Min Uwumbɔr le len kina.”

Esekiel 2:6

“Sin unibɔn, taa li san bi ijawaan, ki taa li san baah len pu na mu ijawaan. Bi ga yii si ki lik seen si; ni ga li bi ke unii aah koo inyoohn chee pu na la. Taa san binib bi yii maamɔb ngbaan na ijawaan, ki taa li san baah len pu na mu ijawaan.

Matiu 10:28

Ni taa san binib ijawaan man. Bi ga ŋmaa ku nimi aawon baanja la. Baan ŋmaa ku nimi aawiin. Ni li san Uwumbɔr u ga ŋmaa bii tiwon ni nwiin mɔmɔk mmii mu kaan junn na ponn ni na.

Tibɔnyaan ti Mak ŋmee ti na 4:22

Tibɔr timɔk bɔɔ na, ti ga kpiir. Tibɔbɔrkaan mɔmɔk mu ga nyan mpaan pu.

Tibɔnyaan ti Luk ŋmee ti na 24:47

Ni li mooni binib maayimbil pu, ke bi yaa kpeln baabimbin kan, Uwumbɔr ga di cha baatunwanbir pinn bi. Ni piin ki li mooni Jerusalem aatiŋ aanib ni, aan ki nin moon ŋinibol mɔmɔk mu ni.

Tibɔnyaan ti Luk ŋmee ti na 8:17

“Tibɔr timɔk bɔɔ na, ti ga kpiir. Tibɔbɔrkaan mɔmɔk mu ga nyan mpaan pu.

Lituln 1:8

Waafuur Nyaan yaa nan gbiin nimi kan, ni ga li kpa waapɔɔn, ki ga li ye maaseeraadam Jerusalem ponn ni, ni Judea aatim mɔmɔk ni, ni Samaria aatim ni, ni dulnyaa aanaan mɔmɔk ni.”

Lituln 4:13

Bininkpiib ngbaan nan bee ke Piita ni Jɔnn aa ye binib bi nyuun na, kaa bae mbaem, le ki kpa lipobil ki len. Baah kpa lipobil pu na, le ni gar bininkpiib ngbaan. Bi bee ke bi nan ye Yesu aajɔtiib la.

Lituln 4:19

Le Piita ni Jɔnn bui bi, “Ti yaa kii nimi aamɔb, bee ti yaa kii Uwumbɔr aamɔb le kan, nilani ŋan Uwumbɔr chee? Ni dakl ki lik.

1 Korenti 4:5

Nima pu na, ni yaa kaa kee ŋeer kan, ni taa ji unii ubaa tibɔr, see Tidindaan nan gir ni. Uma le ga kpiir tiwan ni bɔɔ mbɔmbɔɔn ni na, ki kpiir unibɔn mɔmɔk aalandak. Liyaadaal ngbaan kan, Uwumbɔr ga pak binibamɔm mɔmɔk.

1 Piita 3:14

Ni mu yaa kan falaa lituln li ŋan na pu kan, Uwumbɔr aanyoor bi ni pu la. Ni taa san unii ubaa ijawaan, ki taa cha ilandak li joo nimi.