Matiu 10:14 - Uwumbɔr aagbaŋ

¹⁴ Lidichal libaa aanib, bee kitiŋ kibaa aanib yaa kaa gaa nimi, ki yaa kaa kii nimi aabɔr kan, ni nyan nima ki kpaar nitaa aatatan ki lii nima.

UWONBƆR A GBƆNPƆŊ LIKƆƆNL

¹⁴ Wan yii kaa gaa ni ke, wee ki ji yii ni bɔŋann a gbirim, wee ni yin nyan iniin nmɔn yaan bee kitiŋ nmɔn yaan ke, ni pir pir ni taafar a tann ki jaa nin yaan na.

Matiu 10:14 ပူးပေါင်းရင်းမြစ်များ

Nehemia 5:13

N‑yoonn ngbaan le m chuu gbabr maawundo u m nan gbab nchaŋ ni na ki yɔk yɔk u, ki bui ke, “Kina le Uwumbɔr ga yɔk yɔk unii umɔk kaa joo waah puu pu na. Uwumbɔr ga gaa nimi aadichal, ni naah kpa tiwan nimɔk na, ki cha nimi niŋmeen.” Le binib bimɔk nan bi nima na kii ke, “Amii,” ki nyuŋ Uwumbɔr. Le biyidam ngbaan nan joo baah puu tipuur ti na.

Matiu 10:13

Lidichal ngbaan aanib yaa gaa nimi kan, Uwumbɔr aanyoor ga li bi bi pu. Bi yaa kaa gaa nimi kan, waanyoor aan li bi bi pu.

Matiu 18:5

Unii umɔk gaa ubo umina aaboln maayimbil pu na, u gaa mi le na.”

Tibɔnyaan ti Mak ŋmee ti na 6:11

Kitiŋ kibaa aanib yaa kaa gaa nimi, ki yaa yii nimi aabɔr kan, ni nya nima, ki kpaar nitaa aatatan lii nima. Nimina le ga li ye nsurm ki tii bi.”

Tibɔnyaan ti Mak ŋmee ti na 9:37

“Unii umɔk gaa ubo umina aaboln maayimbil pu na, u gaa mi le na. Unii umɔk gaa mi na, naa ye mi baanja le u gaa, u gaa Uwumbɔr u tun ni mi na la.”

Tibɔnyaan ti Luk ŋmee ti na 9:48

le ki tuk bi, “Unii umɔk gaa ubo wee maayimbil pu na kan, u gaa mi le na. Unii umɔk gaa mi na kan, u gaa Uwumbɔr u tun ni mi na le na. Unii u ye uwaatiir ni ponn ni na, uma le ye uninyuun.”

Tibɔnyaan ti Luk ŋmee ti na 9:5

Kitiŋ kibaa aanib yaa kaa gaa nimi kan, ni nyan nima ki kpaar nitaa aatatan ki lii nima. Nimina le ga li ye nsurm ki tii bi.”

Jɔnn 13:20

M tuk nimi mbamɔn la, unii yaa gaa maah ga tun unii u na, u gaa mi le na. Unii yaa gaa mi kan, u gaa Uwumbɔr u tun ni mi na le na.”

Lituln 13:51

Le Pɔɔl ni Banabas kpaar bitaa aatatan lii nima, ni ye nsurm le ki tii bi, ki nyan ni nima, ki buen kitiŋ kibaa ni, bi yin ki ke Ikonium.

Lituln 18:6

Le bi kpak u kinikpakpak, ki seei u. Baah ŋa kina na, le Pɔɔl chuu waakekeln gbuk ki nyan kitangbaak, ni ye nsurm le ki tii bi, le ki bui bi, “Ni yaa kaa ŋmar kan, nimi aasin ga li bi nimi nibaa aaŋaal ni la, naa ye maataani. M ga di cha nimi, ki tuk binib bi kaa ye Juu yaab na le Yesu aabɔr.”

1 Tesalonika 4:8

Unii umɔk yii mmɔkm ngbaan na, naa ye binib aamɔkm le u yii, u yii Uwumbɔr u tii nimi Waafuur Nyaan na aamɔkm la.