Matiu 10:12 - Uwumbɔr aagbaŋ

¹² Ni yaa koo lidichal libaa ni kan, ni doon bi ki bui bi ke Uwumbɔr aanyoor bi bi pu.

UWONBƆR A GBƆNPƆŊ LIKƆƆNL

¹² Naah yin kɔɔ iniin yan yaan ni, ni poor iniin nmɔn yaab nbamɔma.

Matiu 10:12 ပူးပေါင်းရင်းမြစ်များ

Ilahn 122:7

Cha nsuudoon li bi Jerusalem ni, ki cha lifuur li bi kaabɔrdichal ni.”

Ilahn 122:8

Ndo yaab ni njɔtiib pu le m bui Jerusalem aatiŋ ke, “Nsuudoon li bi aa pu.”

Esekiel 2:5

Binib bi yii maamɔb ngbaan na yaa ti ŋun tii si, bee baa ŋun tii si kan, bi ga bee ke Uwumbɔr aabɔnabr nan bi bikaasisik ni.

Matiu 10:11

“Ni yaa fuu kitiŋ kibaa ni kan, ni li ban uninyaan u ga gaa nimi waadiik ni na, ki li bi nima ki ti saa buyoonn ni ga nan nya nima na.

Matiu 10:13

Lidichal ngbaan aanib yaa gaa nimi kan, Uwumbɔr aanyoor ga li bi bi pu. Bi yaa kaa gaa nimi kan, waanyoor aan li bi bi pu.

Lituln 10:36

Ni nyi ke Uwumbɔr tuk Israel yaab tibɔnyaan. Tibɔnyaan tee le ye ke Uwumbɔr ga tii bi nsuudoon Yesu Kristo pu. Uma le ye ti mɔmɔk Aadindaan.

2 Korenti 5:20

Ti sil Kristo aasisiiyaan, le ki gaŋni nimi. Ni bi ke Uwumbɔr ubaa le aah gaŋni nimi na. Ti gaŋni nimi ki tii Kristo, ke ni gir ni Uwumbɔr chee man.

3 Jɔnn 1:14

M dak ke ni yaa kpee siib kan, m ga kan si, ki len aa chee.

1 Samuel 25:6

U nan tuk bi ke bi ti bui Nabal ke: “Njɔ, David dooni si, ki mee Uwumbɔr tii si, ni saadichal, ni tiwan nimɔk aa kpa na.