Matiu 1:20 - Uwumbɔr aagbaŋ

²⁰ Waah dakl tibɔr ngbaan kina na, le u kan Uwumbɔr aatuun ubaa tidaŋ ponn ni. Le Uwumbɔr aatuun ngbaan bui u, “Josef, Ubɔr David aayaabil, taa yii ke saan joo Mari u li ye aapuu; ba pu? Uwumbɔr Aafuur Nyaan le tii u lipuul ngbaan.

UWONBƆR A GBƆNPƆŊ LIKƆƆNL

²⁰ Amaa waah ni nan tiɛr ni niɛ nan bu-n, le Uwonbɔr a malaka degirin u bu tidindɔgin ni, le ki nan bei u ke, “Fin Josef wan ye Defid a yaabil nan, laa san bijawaam ke a ta Meri kun ki tan ŋaa u a poo, nan bu-n waah jɔɔ lipool lan ni, Kasi a Naaŋ a pɔɔm le che u choo lipool nmɔn.

Matiu 1:20 ပူးပေါင်းရင်းမြစ်များ

Mpiin 31:11

Uwumbɔr aatuun nan len m chee tidaŋ ponn ni ki yin mi ke, ‘Jakob’. Le m kii ke, ‘M sɔ.’

Mpiin 46:3

Le Uwumbɔr bui u ke, “Min le ye Uwumbɔr, u ye aate Aawumbɔr na. Taa san ijawaan ke saan buen Ijipt aatiŋ ni. M ga ŋa saamaal litimbol sakpeln kitiŋ ngbaan ni.

1 Bibɔrb 17:13

Le Elaija bui u ke, “Taa cha ni muk si. Aa ma li cha ki ti ŋa saajiir. Tee puen ŋa likpiln waatiir, saah kpa siib u na ni, ki li joo ni mi, ki nin ŋa aa ni aajapɔɔn yaan.

1 Bibɔrb 3:5

Liyaadaal ngbaan aanyeek, le Uwumbɔr nan koo u chee tidaŋ ni, ki baa u ke, “Aa gee ke m ŋa ba tii si?”

Ilahn 119:125

M ye saatutunn la; tii mi nlan aan m li nyi saakaal aatataa.

Ilahn 143:8

Kichakpiik mɔmɔk ni kan, teer mi saageehm mu bi n‑yoonn mɔmɔk na pu; ba pu? sin pu le m kpa limakl. Maameel chaa aa chee paacham la; mɔk mi nsan mu m ga dii na.

Ilahn 94:19

N‑yoonn mumɔk m dak ilandak aan ni muk mi na, le aa sɔŋ nsui ki tii mi mpopiin.

Ŋiyataŋak 12:5

Bininyaam ga joo si mbamɔm; bibiindam ma ban bi ŋmann si la.

Aisaya 26:3

Uwumbɔr, sin le joo nsuudoon mu sil ye nsuudoon na tii binib bi joo baabimbin mbamɔm ki tii si naadii na.

Aisaya 30:21

Ni yaa yenn nsan ki fenn buen ŋŋangii wɔb, bee ŋŋangan wɔb kan, ni ga ŋun waaneel nipuwɔb len ke, “Nsan le na. Dii mu man.”

Aisaya 51:7

Li pel man, nimi bi nyi tiwan ni ye mbamɔn na, binib bi di maamɔkm ŋa bisui ni na, li pel man. Binib yaa ŋani nimi mbɔnyun ki seei nimi kan, ni taa san ijawaan;

Aisaya 7:13

Waah len kina na, le Aisaya giin bui u ke, “Ubɔrkpaan David aayaabitiib, li pel man, naa ŋan ke ni cha unibɔn aalaasaab nyan nimi ni, le ni ki ban ke Uwumbɔr mu aalaasaab nyan nimi ni ii?

Aisaya 7:2

Juda aabɔrkpaan ngbaan aah ŋun ke Siria yaab aajab koo ni Israel yaab aatingbaan ni na, le ijawaan chuu u ni waanib, le biwon gbaa tɔtɔk ke libuln yaa daar kan tisufar gbaa pu na.

Jeremia 31:22

Nimi maa‑kpa‑gaakii‑dam, ni ga li joo beeni ki ti saa bayoonn? M ŋa tiwachann yayan nibaa, ni bi niyayan ke upii aah kiir uja pu na la.”

Jeremia 33:26

Ni ye mbamɔn ke maah ŋa kina pu na, kina le m ga li beenin joo tipuur ti m puu tii Jakob aayaabitiib, ni maatutunn Ubɔr David na. M ga lee Ubɔr David aayaabitiib ponn ni ubaa le u li joo Abraham, ni Aisak, ni Jakob aayaabitiib. M ga san maanib kinimbaak ki cha bi ki kan nkam.”

Jeremia 40:9

Gedalia nan bui bi ke, “M puu tii nimi ke ijawaan ibaa aa bi ni ga li san i ke ni ti di nibaa tii Babiloŋ aajab. Kal kitiŋ kee pu man, ni yaa tun tii Babiloŋ yaab kan, ni ga li ŋan tii nimi.

Joel 2:28

“N‑yoonn mu choo na, m ga di Maafuur Nyaan di ŋa maanib mɔmɔk pu: nijapɔtiib ni nibisatiib ga nabr min Uwumbɔr aah len pu na; nimi aaninkpiib ga daŋ tidaŋ, le nimi aanachipɔm ga kan lijinjiir aawan.

Nkahm 12:6

Le Uwumbɔr bui bi ke, “Li pel man maah ban m len pu na. N‑yoonn mu maabɔnabtiib bi ni chee na, min le joo mbaa mɔk bi tidaŋ ni, le ki len bi chee tibɔr.

Matiu 1:18

Baah ga nan ma Yesu Kristo na, le bi nan puu ke bi ga di una Mari ki di tii Josef. Baa nan kee kunn u, le bi kan ke u kpa lipuul Uwumbɔr Aafuur Nyaan pu.

Matiu 2:12

Le Uwumbɔr nan tuk bi tidaŋ ponn ni ke bi taa ki gir buen ubɔr Herod chee. Nima pu na, bi nan dii nsan yayan le ki kun.

Matiu 2:13

Baah nan chaa kun na, Josef nan kan Uwumbɔr aatuun tidaŋ ponn ni. Le Uwumbɔr aatuun ngbaan bui u, “Fiin ki yoor ubo ngbaan ni una ki san buen Ijipt aatiŋ ni, ki ti li bi nima ki kiir bundaln m ga nan tuk si ke aa nya nima na. Ubɔr Herod ga li ban ubo ngbaan ke u ku u.”

Matiu 2:19

Ni bi cha le Herod ti kpo. Waah kpo na, le Josef, u nan bi Ijipt aatiŋ ni na, kan Uwumbɔr aatuun tidaŋ ni.

Matiu 2:22

Le u ŋun ke Ubɔr Herod aabo Akelaus jin ute aanaan Judea aatiŋ ni. Nima pu na, Josef nan san ijawaan, kaa ban u buen nima. Le Uwumbɔr tuk u tidaŋ ni waah ga li cha nin chee na.

Matiu 27:19

Buyoonn u bi ji Yesu tibɔr na, Pailat aapuu nan di unii tun ni, ke u li nyi ki taa ŋa uja nyaan ngbaan nibaa; ke uja ngbaan pu, u daŋ tidaŋ ti muk u sakpen na kinyeek na.

Matiu 28:5

Le Uwumbɔr aatuun ngbaan bui bipiib ngbaan, “Ni taa san ijawaan man. M nyi ke ni ban Yesu u bi nan kpaa u ndɔpuinkoo pu na la.

Tibɔnyaan ti Luk ŋmee ti na 1:19

Le Uwumbɔr aatuun ngbaan bui u, “M ye Gabriel u si Uwumbɔr aanimbiin ni na la. U tun ni mi ke m nan tuk si tibɔnyaan tee.

Tibɔnyaan ti Luk ŋmee ti na 2:4

Josef nan ye Ubɔr David aamaal ponn ni aanii ubaa la. Nima pu na, u nan nyan Nasaref, kitiŋ ki bi Galilee aatiŋ ni na, le ki buen Ubɔr David aatiŋ, ki bi yin ki ke Betlehem, ki bi Judea aatiŋ ni na.

Lituln 5:19

Kinyeek ngbaan le Uwumbɔr aatuun dan nan chuu piir kiyondiik aajaaleŋ, le ki nyan bi, ki bui bi,

Tibɔkpiirkaan 19:7

Cha ti li mɔɔni ki li kpa mpopiin sakpen ki nyuŋ u; ba pu? ni ŋeer Upihbo ngbaan yoor upuu. Le upuu gor ubaa.

Bibɔjirb 13:3

Uwumbɔr aatuun nan dan upii ngbaan chee le ki nan bui u ke, “Saa kee ma ubo, tɔ, aa ga gbeen dek ki maa ubijabo.