Matiu 1:2 - Uwumbɔr aagbaŋ

² Abraham le nan ma Aisak, Aisak mu ma Jakob, Jakob mu ma Juda ni unaabitiib.

UWONBƆR A GBƆNPƆŊ LIKƆƆNL

² Abiraham le nan ma Azig, le Azig ma Jekɔb, le Jekɔb mu ma Juda nin u watiib.

Matiu 1:2 ပူးပေါင်းရင်းမြစ်များ

Mpiin 25:19

Abraham aajapɔɔn Aisak aabɔr sɔ:

Mpiin 25:26

Ubo u nan paa na nan nyan ni le ki joo Esɔ aataagbeln, nima pu na, bi nan yin u ke Jakob. Aisak nan ye ŋibin imonko itaa le ki ma bijaam ngbaan.

1 Bibɔrb Aabɔr 1:28

Abraham nan ma mbijabim mulee la. Bima le nan ye Aisak, ni Ismael.

1 Bibɔrb Aabɔr 1:34

Abraham aajapɔɔn Aisak nan ma mbijabim mulee la, Esɔ ni Jakob.

Aisaya 41:8

Le nimi maatutum Israel yaab, ni ye binib bi m lee bi na la, njɔ Abraham aayaabitiib.

Aisaya 51:2

Dakl ki lik man niyaaja Abraham aabɔr, ni Sara, niyaa u ma nimi na. Maah nan yin Abraham na, waa nan kpa ubo, le m tii mmɔɔnyunsɔm ŋa upuu pu ki tii u mbim; m cha uyaabitiib wiir sakpen.

Matiu 1:1

Yesu Kristo aamaal ponn ni aayimbil le bi kigbaŋ kee ponn ni. U nan ye Ubɔr David aayaabil la. David mu nan ye Abraham aayaabil.

Matiu 1:3

Juda mu ma Peres ni Sera. Bina aayimbil le nan ye Tamar. Peres mu ma Hesronn, Hesronn mu ma Ram,

Lituln 7:8

Le Uwumbɔr puu tipuur tii Abraham, ki tii u nkaal, ke u ni uyaabitiib mɔmɔk gii ŋichakpan, aan ni mɔk ke bi kii uma Uwumbɔr aah puu tipuur ti na. Le Abraham ma ubijabo, ki yin u ke Aisak, le ki gii uchakpaln, u nan laa ye iwiin iniin aabo la. Le Aisak ma waabo Jakob. Jakob mu ma japɔtiib kipiik ni bilee bi ye tiyaajaninkpiib na. Le bi mɔmɔk gii ŋichakpan.

Hiibru Yaab 11:11

Abraham aapuu Sara mu nan tii Uwumbɔr naadii, nima le nan cha u kan mpɔɔn ke u dek lipuul, buyoonn u jer timar na. Ba pu? u nan pak ke Uwumbɔr ga ŋa waah puu tipuur ti na.

Hiibru Yaab 7:14

Binib mɔmɔk nyi ke Tidindaan nan ye Juda aanibol ponn ni aanii la. Moses aa nan len ke linibol ngbaan aanib ga li ye bitotoorb.

Tibɔkpiirkaan 7:5

Bi nan daan bi kina la: Juda aanibol aanib ŋichur kipiik ni ŋilee, Rubenn aanibol aanib ŋichur kipiik ni ŋilee, Gad aanibol aanib ŋichur kipiik ni ŋilee, Aser aanibol aanib ŋichur kipiik ni ŋilee, Naftali aanibol aanib ŋichur kipiik ni ŋilee, Manase aanibol aanib ŋichur kipiik ni ŋilee, Simeonn aanibol aanib ŋichur kipiik ni ŋilee, Liifai aanibol aanib ŋichur kipiik ni ŋilee, Isakar aanibol aanib ŋichur kipiik ni ŋilee, Sebulunn aanibol aanib ŋichur kipiik ni ŋilee, Josef aanibol aanib ŋichur kipiik ni ŋilee, Benjaminn aanibol aanib ŋichur kipiik ni ŋilee.