Matiu 1:11 - Uwumbɔr aagbaŋ

¹¹ Josia mu ma Jekonia ni unaabitiib buyoonn baadim nan faa bi butɔb ki chuu bi buen Babiloŋ na.

UWONBƆR A GBƆNPƆŊ LIKƆƆNL

¹¹ Le Josaya ma Jekonaya nin u watiib, baah nan choo Iziral yaab ki ta bi jon Babilɔnn n-yonn man nin.

Matiu 1:11 ပူးပေါင်းရင်းမြစ်များ

2 Bibɔrb 23:31

Joahas nan ye ŋibin moninko ni ŋitaa aanii le ki jin Juda aanaan ki bi Jerusalem aatiŋ ponn ni, ki joo waanib ki ti saa iŋmal itaa. Una le nan ye Libna aatiŋ aanii Jeremia aabisal Hamutal.

2 Bibɔrb 24:14

Nebukadnesar nan chur Jerusalem aanib mɔmɔk, ni mbɔrbim mɔmɔk, ni bisalolm mɔmɔk tinaagbiir. Bi mɔmɔk nan ti kpaan binib ŋichur kipiik la. U nan chur biwanŋab bi nyi baatuln mbamɔm na mɔmɔk, ki chur bichaab mu tinaagbiir, le ki di cha bigiim baanja Juda aatiŋ pu.

2 Bibɔrb 25:11

Nebusaradann nan di binib bi gur ki ponn ni na buen Babiloŋ aatiŋ ni, ni biwanŋab bi nyi baatun mbamɔm ki beenin bi nima na, ni binib bi nan nyan ti di bibaa kpee Babiloŋ yaab pu na.

2 Bibɔrb Aabɔr 36:10

Unaalan yoonn, le Ubɔr Nebukadnesar nan chuu Jehoyachinn tinaagbiir di buen Babiloŋ aatiŋ ni, le ki yoor Uwumbɔr Aadichal ni aawangol mu buen. Nebukadnesar nan di Jehoyachinn aatewaa Sedekia kaan Juda aanaan, Jerusalem ponn ni.

2 Bibɔrb Aabɔr 36:20

U nan di binib bi mɔmɔk aa kpoi na buen Babiloŋ ni, le bi ti bi nima ki tun linaagbiituln tii u ni uyaabitiib ki ti saa n‑yoonn mu Pesia Aanaan nyan paacham na.

Aisaya 13:1

Amos aajapɔɔn Aisaya aah gaa Uwumbɔr chee Babiloŋ aanaŋ i na sɔ:

Jeremia 39:9

Kookoo na, Nebusaradann, u ye bijab ngbaan aayidaan na nan chur binib bi nan gur Jerusalem ni na, ki di kpee bi nan san ti kpee u pu na buen Babiloŋ ni, tinaagbiir ni.

Daniel 1:2

Uwumbɔr nan cha u nyaŋ Ubɔrkpaan Jehoyakim ki chuu u ki gaa Uwumbɔr Aadichal aawangol libaa ki di bi buen waawaa aadiik, Babiloŋ aatiŋ ni, ki di Uwumbɔr Aadichal aawan ngbaan di bil waawaa aawangol aadiik ni.

Matiu 1:12

Baah chuu bi ki di buen Babiloŋ ni na, nee aapuwɔb le Jekonia ma Sealtiel, Sealtiel mu ma Serubabel,

Matiu 1:17

Abraham yoonn ki yoor kina ki ti saa Ubɔr David yoonn na nan ye yaajatiib kipiik ni binaa la. David yoonn ki yoor ki ti saa buyoonn baadim chuu bi ki di buen Babiloŋ aatiŋ ni na nan ye yaajatiib kipiik ni binaa la. Buyoonn baadim chuu bi ki di buen Babiloŋ ni na ki yoor ki ti saa Kristo yoonn na nan ye yaajatiib kipiik ni binaa la.