Matiu 1:1 - Uwumbɔr aagbaŋ

¹ Yesu Kristo aamaal ponn ni aayimbil le bi kigbaŋ kee ponn ni. U nan ye Ubɔr David aayaabil la. David mu nan ye Abraham aayaabil.

UWONBƆR A GBƆNPƆŊ LIKƆƆNL

¹ Yisa Masiya a baa nin u yaajam a piinim a gbɔŋ sɔ. U ye Defid a yaabil le, le Defid mu ye Abiraham a yaabil:

Matiu 1:1 ပူးပေါင်းရင်းမြစ်များ

Mpiin 12:3

M ga ŋa tinyoor ŋa unii umɔk ŋa tinyoor ŋa aa pu na, ki ga puun lii unii umɔk puun lii aa pu na, le aa pu, m ga ŋa tinyoor ŋa ŋinibol mɔmɔk pu.”

Mpiin 2:4

Uwumbɔr nan naan dulnyaa aawan mɔmɔk kina la. Buyoonn Tidindaan Uwumbɔr nan naan dulnyaa aawan mɔmɔk na,

Mpiin 22:18

Aayaabitiib pu, le m ga ŋa tinyoor ŋa ŋinibol mɔmɔk pu, ni mu ye le ke aa kii maamɔb la.”

Mpiin 5:1

Adam aayaabitiib aah paa tɔb pu pu na sɔ. Uwumbɔr aah naan unibɔn na, u ŋa bi ki di naŋ ubaa la.

Ilahn 132:11

Aa nan puu tipuur ti saan cha ti bee fam na tii David ke, “M ga ŋa aajapɔɔn ubaa ubɔr, uma le ga paan aa pu ki ji nnaan.

Ilahn 89:3

Aa len ke, “M puu tipuur tii uja u m lee u na, uma le ye maatutunn David; m puu tii u ke,

Ilahn 89:36

U ga li kpa yaabitiib n‑yoonn mɔmɔk, le m ga li lik waanaan pu ki ti saa dulnyaa aadoon.

Aisaya 11:1

Baah gaa busub lii aan ibonpɔɔn ki kpenn pu na, kina le ubɔrkpaan David aamaal ponn ni bi. Ubɔrkpaan pɔɔn ga ki nyan ni David aayaabitiib ni.

Aisaya 53:8

Bi nan chuu u ki jin u tibɔr, ki di u buen bi ti ku u, le unii ubaa aan ŋmaa len uyaabitiib pu. Timi aanib aatunwanbir pu le bi nan ku u.

Jeremia 23:5

Uwumbɔr ki bui ke, “N‑yoonn choo le m ga nyan Ubɔr David aayaabitiib ponn ni ubɔr u aabimbin ŋan na. Ubɔr ngbaan ga di nlan le joo waanib ki li ŋani tiwan ni ŋan ki tok na kitiŋ ngbaan pu.

Jeremia 33:26

Ni ye mbamɔn ke maah ŋa kina pu na, kina le m ga li beenin joo tipuur ti m puu tii Jakob aayaabitiib, ni maatutunn Ubɔr David na. M ga lee Ubɔr David aayaabitiib ponn ni ubaa le u li joo Abraham, ni Aisak, ni Jakob aayaabitiib. M ga san maanib kinimbaak ki cha bi ki kan nkam.”

Amos 9:11

Uwumbɔr ki len ke, “Nwiin mubaa choo, buyoonn m ga ki gir maa Ubɔrkpaan David aanaan mu bi ke lidichal li ber doo na. M ga ki gir fiin mu. M ga ki fiin mu siin ke mu aah nan bi pu n‑yaayoonn na.

Sekaria 12:8

N‑yoonn ngbaan kan, Uwumbɔr ga li kii binib bi bi Jerusalem ponn ni na, le ki cha udaburdaan u ŋmal bi ni na pɔɔk, ke David aah nan bi pu na. David aayaabitiib le ga loln bi pu nsan ke Uwumbɔr aatuun na. U ga loln bi pu nsan ke Uwumbɔr ubaa na la.

Matiu 1:18

Baah ga nan ma Yesu Kristo na, le bi nan puu ke bi ga di una Mari ki di tii Josef. Baa nan kee kunn u, le bi kan ke u kpa lipuul Uwumbɔr Aafuur Nyaan pu.

Matiu 1:2

Abraham le nan ma Aisak, Aisak mu ma Jakob, Jakob mu ma Juda ni unaabitiib.

Matiu 15:22

Le upii u ye Kanaann aabo na bi nima, le ki dan nan teen ke, “Ndindaan, si u ye Ubɔr David Aayaabil na, san mi kinimbaak. Tiyayaar le joo mbisal ki muk u sakpen a.”

Matiu 3:16

Waah muin u doo na, libuul ngbaan ni le Yesu nyan ni nnyun ni. Le kitaapaak chuu piir. Le u kan Uwumbɔr Aafuur Nyaan sunn ni ki naahn linanjel, ki nan tɔŋ u pu.

Matiu 9:27

Yesu nan siir nima. Waah cha na le bijoom bilee dii u, ki tar ke, “David Aayaabil, san timi kinimbaak.”

Tibɔnyaan ti Luk ŋmee ti na 1:33

U ga li ye uyaaja Jakob aayaabitiib aabɔr n‑yoonn mu kaa kpa ndoon na. Waanaan aan doo.”

Jɔnn 7:42

Uwumbɔr Aagbaŋ len ke u ga li ye tiyaaja David aayaabil, ki ga nyan ni Betlehem aatiŋ ni, kitiŋ ki ye David do na.”

Lituln 2:30

U nan ye Uwumbɔr aabɔnabr ubaa la, ki nyi ke Uwumbɔr puu tipuur ke u ga ŋa uma David uyaabil ubaa ubɔr, ke uma David aah ye ubɔr pu na.

Rom Yaab 1:3

Tibɔnyaan ngbaan le ye Ujapɔɔn aabɔr. Uma le ye Tidindaan Yesu Kristo. Waah nan kpaln unibɔn na, bi nan ma u Ubɔr David aamaal ponn ni.

Rom Yaab 4:13

Uwumbɔr nan puu tipuur tii Abraham ni uyaabitiib, ke bima le ga li yeh dulnyaa. Naa ye ke bi joo Uwumbɔr aakaal le ga cha bi kan tipuur ngbaan. Bi gaa Uwumbɔr ki kii la, le u len ke baabɔr ŋan. Nima le ga cha bi kan tipuur ngbaan.

Rom Yaab 9:5

Biyaajatiib ye tiyaajaninkpiib la. Kristo aah nan ŋa unibɔn na, u nan ye bi ponn ni ubaa la. Uma le yeh mpɔɔn mɔmɔk. Cha ti pak Uwumbɔr n‑yoonn mu kaa kpa ndoon na. Amii.

Galantiya 3:16

Uwumbɔr nan puu tipuur tii Abraham ni uyaabil la. Waa len ke uyaabitiib, kaa len ke kinipaak, u len ke unibaan la. U nan len ke uyaabil la. Uma le ye Kristo.

1 Timoti 2:5

Ba pu? Uwumbɔr ye Uwumbɔr baan la. Uchandatuln ubaa baanja le bi Uwumbɔr ni binib aakaasisik ni. Uma le ye Yesu Kristo u nan kpaln unibɔn,

2 Timoti 2:8

Teer Yesu Kristo bɔr. U fikr nkun ni, ki ye Ubɔr David aayaabil la. Maah tuk binib tibɔnyaan ti na le na.

Tibɔkpiirkaan 22:16

“Min Yesu tun ni maatuun u nan tuk nimi tibɔr tee, ni ti tuk maanib. M ye Ubɔr David aayaabil, ki ye liŋmabil naanyuun li wiin chain na.”